Maponi uta na Buku Monene

Makambo oyo ezali kati ya buku
Lokasa ya Nkombo
Bosaleli Maponi uta na Buku Monene
Moboku ya Malongi
- 0. Bokuse ya Boyingisi
- 1. Moango ya Nzambe mpe Mokumba na Yo kati ya Mosala ya Lobiko mpe ya Bonetoli
  - 1.0. Boyingisi
  - 1.1. Moango ya Esengo ya Nzambe
  - 1.2. Mosala ya Nzambe ya Lobiko mpe ya Bonetoli
  - 1.3. Ntina ya Eklezia
  - 1.4. Mokumba na Yo kati ya Mosala ya Nzambe
- 2. Kosungaka Bato mpe Mabota kati na Mosala ya Nzambe ya Lobiko mpe ya Bonetoli
- 3. Mibeko ya Bonganganzambe
- 4. Bokambi mpe Masanga kati ya Eklezia ya Yesu Klisto
Lingomba ya Eklezia
- 5. Bokambi Monene ya Etuka
- 6. Bokambi ya Likonzi
- 7. Boepisikopo
- 8. Bampaka ya Lisanga likoki
- 9. Lingomba ya Bamama Basungi
- 10. Masanga makoki ya Bonganganzambe ya Alona
- 11. Bilenge Basi
- 12. Eteyelo ya Bana
- 13. Eteyelo ya Eyenga
- 14. Bandimi Minzemba
- 15. Seminele mpe Institut
Mosala ya Lobiko mpe ya Bonetoli
- Kosalela Nsango malamu ya Yesu Klisto
  - 16. Kosalela Nsango malamu ya Yesu Klisto
  - 17. Koteya Nsango malamu
  - 18. Kosalela Makuli ya Bonganganzambe mpe Mapamboli
  - 19. Miziki
  - 20. Milulu
- Kosalisa Baye Bazali na Bosenga
  - 21. Kosunga
  - 22. Kopesa lisungi na Bosenga mpe Kotonga mokumba ya Moto ye moko
- Kobengisaka Banso Bayamba Nsango malamu
  - 23. KoKabola Nsango malamu mpe Kolendisa Bandimi ya Sika mpe Baoyo Bazongi
  - 24. Missionary Recommendations and Service
- Kosangisaka Mabota mpo na Seko
  - 25. Mosala ya Mambi ya Kala ya Tempelo mpe ya Libota na Palwasi mpe Likonzi
  - 26. Mikanda ya Boyingeli na Tempelo
  - 27. Makuli ya Tempelo mpo na Baye na Bomoi
  - 28. Makuli ya Tempelo mpo na Bakufi
Mosala ya Elezia
- 29. Makita kati ya Eklezia
- 30. Mabiangi kati na Eklezia
- 31. Masolo mpe Makita Mosusu na Bandimi
- 32. Boyamboli mpe Masanga ya Botaleli Ezalela ya Bandimi ya Eklezia
- 33. Mikanda mpe Balapole
- 34. Misolo mpe Botangi misolo
- 35. Kobongisa mpe Bosaleli Bandako ya Makita ya Eklezia
- 36. Kosala, Kobongola, mpe Kopesa nkombo na Bitonga ya Sika
  - 36.0. Boyingisi
- 37. Makonzi, Bapalwasi mpe Bitape eye Etangami
- 38. Mibeko mpe Malakisi ya Eklezia

1. Moango ya Nzambe mpe Mokumba na Yo na Mosala na Ye ya Lobiko mpe ya Bonetoli

“1. Moango ya Nzambe mpe Mokumba na Yo na Mosala na Ye ya Lobiko mpe ya Bonetoli,” Maponi uta na Buku Monene (2023).

“1. Mosala ya Lobiko mpe ya Bonetoli,” Maponi uta na Buku Monene

Elilingi

bato bazali kotonga ndako

Moango ya Nzambe mpe Mokumba na Yo na Mosala na Ye ya Lobiko mpe ya Bonetoli

1.0

Boyingisi

Obiangami mpo na kosalela Nzambe kati na Eklezia ya Yesu Klisto ya Basantu ba Mikolo mya Nsuka Matondi mpo na mosala na yo. Okopambola bomoi ya bato mpe okoyoka esengo ntango ozali kosala na bosembo.

Buku oyo ekosalisa oyekola mabongi ya mosala ya Kimoklisto mpe okososola mikumba na yo. Okozala makasi mpenza ntango otie na molongo mosala na yo kati na Eklezia na mosala ya Nzambe Tata mpe Mwana na Ye, Yesu Klisto.

1.1

Mwango ya Nzambe ya Esengo

Tata ya Lola apesaki moango ya esengo mpo na kopesa biso makoki ya kosepela na mapamboli na Ye nyonso. Mosala mpe nkembo na Ye ezali “kokokisa bozangi nkufa mpe bomoi ya seko ya moto” (Mose 1:39).

Yesu Klisto azali na katikati ya moango ya Nzambe. Mpo na bolingo ezanga ndelo ya Tata ya Lola mpo na biso, Atindaki Mwana na Ye mpo na kosikola biso uta na lisumu mpe liwa na nzela ya mbeka ya bomikabi na Ye (tala Yoane 3:16). Na nzela ya Bomikabi na Ye, Yesu Klisto asali ete moko na moko na biso oyo abotami na mabele akosekwa mpe akozwa bozangi nkufa.

Mpo na kozwa bomoi ya seko, tosengeli “koya epayi ya Klisto” (Moroni 10:32). Bomikabi ya Mobikisi esalisaka biso tosukolama na lisumu mpe tobongola mitema na biso mpo ete tokoka kozwa bomoi ya seko mpe litondi ya esengo.

1.2

Mosala ya Nzambe ya Lobiko mpe ya Bonetoli

Ntango tozali koya epayi ya Klisto mpe tozali kosalisa basusu kosala yango kaka, tozali kosala elongo kati na mosala ya nzambe ya lobiko mpe ya bonetoli. Mosala oyo ekambami na mitindo minene mibale ya kolinga Nzambe mpe Bazalani na biso (tala Matai 22:37–39).

Mosala ya lobiko mpe bonetoli eyekami likolo ya mikumba miye eponama na Nzambe.

Buku oyo ekosalisa bino bososola lolenge minei ya mosala ya Nzambe. Molimo Mosantu akokamba bino ntango bozali kosala eteni na bino na kokokisaka yango (tala 2 Nefi 32:5).

1.2.1

Kosalela Nsango malamu ya Yesu Klisto

Kosalela Nsango malamu ya Yesu Klisto ezali na:

Kosalelaka bondimi kati na Klisto, koyambolaka mokolo na mokolo, kosalaka mayokani na Nzambe ntango tozali kozwa makuli ya lobiko mpe bonetoli, mpe kotiaka molende kino na nsuka na kobatelaka mayokani wana (tala 3.5.1).
Koyekolaka mpe koteyaka nsango malamu ya Yesu Klisto na libota mpe na Eklezia.
Kokomaka ya komikoka kati na komilukelaka biso moko mpe mabota na biso, nyonso mibale na molimo mpe na ntango.

1.2.2

Kobatela Baye Bazali na Bosenga

Kobatela baye bazali kati na bosenga ezali na:

Kosalisa mpe kosunga bato, mabota, mpe masanga.
Kokabola mikanda, kotia na kati lisungi ya Eklezia, elongo na baye bazali na bosenga.
Kosalisa basusu bakoma ya komikoka.

1.2.3

Kobengisa Banso Bayamba Nsango Malamu

Kobengisa banso bayamba nsango malamu ezali na:

Kosala elongo na mosala ya misionele mpe kosalela Nzambe lokola bamisionele.
Kosalisa bandimi ya Eklezia ya sika mpe baye bazali kozonga bakola elongo na nzela ya liyokani.

1.2.4

Kosangisa Mabota mpo na Seko

Kosangisa mabota mpo na seko ezali na:

Kosala mayokani ntango tozwi makuli na biso moko ya tempelo.
Komona bankoko na biso bakufa mpe kosala makuli mpo na bango kati na tempelo mpo ete bakoka kosala mayokani na Nzambe.
Kokende na tempelo mbala na mbala, bisika ekoki kosalema, kogumbamela Nzambe mpe kosala makuli mpo na bana na Ye.

1.3

Ntina ya Eklezia

Yesu Klisto atiaki Eklezia na Ye mpo na kopesa makoki na bato mpe mabota bakokisa mosala na Ye ya lobiko mpe ya bonetoli (tala Baefese 4:11–13; tala lisusu 2.2 na buku oyo). Kosunga kokokisa ntina ya Nzambe, Eklezia mpe bakambi na ye bapesaka:

Likoki ya Bonganganzambe mpe Bafungola.
Mayokani mpe Makuli.
Bokambi ya Boprofeta.
Makomi.
Boyekoli nsango malamu mpe masungi ya koteya.
Mabaku ya kosalela Nzambe mpe bokambi.
Lisanga ya Basantu.

1,3. 1

Likoki ya bonganganzambe mpe Bafungola

Na nzela ya bonganganzambe, Nzambe akokisaka mosala na Ye ya lobiko mpe ya bonetoli. Likoki ya bonganganzambe mpe bafungola esengelami mpo na koyangela mosala ya Nzambe na mabele ezongisamaki na Profeta Joseph Smith (tala Malongi mpe Mayokani 110:11–16; 112:30). Bafungola oyo esimbami na bakambi ya Eklezia lelo. Bakambi oyo babengaka mpe bapesaka ndingisa na basusu basunga na mosala ya Nzambe (tala Malongi mpe Mayokani 107:8, 65–67).

1.3.2

Mayokani mpe Makuli

Na mwango ya Tata ya Lola, tosalaka mayokani ntango tozwaka makuli ya lobiko mpe ya bonetoli, ndakisa libatisi (tala Yoane 3:5; tala lisusu mokapo 18 na buku oyo). Mayokani oyo mpe makuli ezali ntina mpo na biso mpo ete tokoma mingi lokola Nzambe mpe tozonga kofanda liboso na Ye (tala Malongi mpe Mayokani 84:19–22).

1.3.3

Boyangeli ya Profeta

Na nzela ya baprofeta na Ye baponama, Nzambe amonisaka bosolo mpe apesaka bokambi efulama mpe makebisi (tala Amosi 3:7; Malongi mpe Mayokani 1:4). Bokambi oyo esalisaka biso tokota mpe totikala na nzela ekambaka na bomoi ya seko.

1,3.1.3.4

Makomi

Na nse ya boyangeli ya baprofeta ya Nkolo mpe bapostolo, Eklezia epesaka mpe ebatelaka liloba ya Nzambe lokola ezwami kati ya makomi masantu. Makomi etatolaka Klisto, eteyaka nsango malamu na Ye, mpe esungaka biso tosalela bondimi kati na Ye (tala Yakobo 7:10–11; Elamani 15:7).

1.3.5

Koyekola Nsango malamu mpe Lisungi ya Koteya

Eklezia esungaka bato mpe mabota na mikumba na bango ya koyekola bosolo ya nsango malamu mpe koteya bosolo oyo na bato ya libota mpe basusu (tala Malongi mpe Mayokani 88:77–78, 118; tala lisusu 2.2.3 kati na buku oyo).

1.3.6

Mabaku ya Kosalela Bokambi

Na nzela ya mabiangi mpe mikumba kati na Eklezia, Nzambe apesaka bandimi mabaku ya kosalela Nzambe mpe kokamba. Eklezia epesaka bandako mpo na kosalisa kobatela bandimi oyo bazali na bosenga mpe mpo na kopesa lisungi ya bato ya mokili na basusu (tala Mosiya 18:27–29).

1.3.7

Lisanga ya Basantu

Lokola lisanga ya Basantu, bandimi ya Eklezia basanganaka mbala na mbala mpo na kogumbamela Nzambe mpe komikundola Mobikisi na koliaka elambo (tala Moroni 6:4–6; Malongi mpe Mayokani 20:77). Bandimi lisusu babatelanaka mpe basalisakanaka (tala Baefese 2:19).

1.4

Mokumba na Yo na Mosala ya Nzambe

Lokola mokambi na Eklezia, obiangami mpo na koteya mpe kosunga baye ozali kosalisa lokola bazali komipesa na mosala ya Nzambe ya lobiko mpe ya bonetoli (tala 1.2). Kozala na bososoli ya polele ya mosala ya Nzambe, ya maye Asengaka biso tosala, mpe ya ntina ya Eklezia na Ye ekosalisa yo obeta nsete na makasi na yo kati na komema milimo epai ya Klisto.

Luka na losambo koyeba lolenge nini okoki kosalisa kokokisa bantina ya Nzambe na bomoi ya baye osalisaka. Nzambe akokamba yo na nzela ya babotindiki ya Molimo Mosantu (tala 2 Nephi 32:5). Kosala elongo na Nkolo kati na elanga na Ye ya vino ekomema esengo monene (tala Yakobo 5:70–72