Mga Pinili nga Bahin halin sa Libro sang Pangkabilogan nga Pagsulundan

Mga Kaundan
Pahina sang mga Tig-ulo
Paggamit sang Mga Pinili nga Bahin halin sa Libro sang Pangkabilogan nga Pagsulundan
Pundasyon sang Doktrina
- 0. Pangbukas nga Paathag
- 1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan
- 2. Pagsuporta sang mga Indibidwal kag mga Pamilya sa Buluhaton sang Kaluwasan kag Pangkahitaasan
- 3. Mga Prinsipyo sang Priesthood
  - 3.0. Introduksyon
  - 3.2. Mga Bugay sang Priesthood
  - 3.3. Melchizedek Priesthood kag Aaronic Priesthood
  - 3.4. Awtoridad sang Priesthood
  - 3.5. Gahum sang Priesthood
  - 3.6. Ang Priesthood kag ang Puluy-an
- 4. Pagkalider kag mga Konseho sa Simbahan ni Jesucristo
Organisasyon sang Simbahan
- 5. Pagkalider sa Pangkabilogan kag sa Area
- 6. Pagkalider sa Stake
- 7. Ang Bishopric
- 8. Elders Quorum
- 9. Relief Society
- 10. Mga Korum sa Aaronic Priesthood
- 11. Young Women
- 12. Primary
- 13. Sunday School
- 14. Single nga mga Miyembro
- 15. Mga Seminary kag Institute of Religion
Ang Buluhaton sang Kaluwasan kag Pangkahitaasan
- Pagpangabuhi sang Ebanghelyo ni Jesucristo
  - 16. Pagpangabuhi sang Ebanghelyo ni Jesucristo
  - 17. Pagtudlo sang Ebanghelyo
  - 18. Paghikot sang mga Ordinansa kag mga Bendisyon sang Priesthood
  - 19. Musika
  - 20. Aktibidades
- Pag-atipan sang mga Nagakinahanglan
  - 21. Ministering
  - 22. Paghatag sang Temporal nga mga Kinahanglanon kag Pagpatubo sang Self-Reliance
- Pag-imbitar sang Tanan nga Magbaton sang Ebanghelyo
  - 23. Pagpaambit sang Ebanghelyo kag Pagpabakod sang Bag-o kag Nagabalik nga mga Miyembro
  - 24. Pagrekomendar kag Pag-alagad sang Misyonero
- Pag-isa sang mga Pamilya sa Wala Katubtuban
  - 25. Buluhaton sa Templo kag Family History sa Ward kag Stake
  - 26. Mga Temple Recommend
  - 27. Mga Ordinansa sang Templo para sa Buhi
  - 28. Mga Ordinansa sa Templo para sa mga Patay
Pagdumala sang Simbahan
- 29. Mga Miting sa Simbahan
- 30. Mga Calling sa Simbahan
- 31. Mga Interbyu kag Iban Pa nga mga Miting sa mga Miyembro
- 32. Paghinulsol kag mga Church Membership Council
- 33. Mga Rekord kag mga Report
- 34. Kuwarta kag mga Awdit
- 35. Paghalong kag Paggamit sang mga Meetinghouse
- 36. Paghimo, Pag-ilis, kag Paghatag sang Ngalan sa Bag-o nga mga Yunit
  - 36.0. Introduksyon
- 37. Pinasahi nga mga Stake, Ward, kag mga Branch
- 38. Mga Polisiya kag mga Pagsulundan sang Simbahan

3. Mga Prinsipyo sang Priesthood

“3. Mga Prinsipyo sang Priesthood” Mga Pinili nga Bahin halin sa Libro sang Pangkabilogan nga Pagsulundan (2023).

“3. Mga Prinsipyo sang Priesthood,” Mga Pinili nga Bahin halin sa Libro sang Pangkabilogan nga Pagsulundan

Mga Prinsipyo sang Priesthood

3.0

Introduksyon

Ang priesthood amo ang awtoridad kag gahum sang Dios. Paagi sa priesthood, ginatuman sang Amay nga Langitnon ang Iya buluhaton nga “ipahanabo ang pagkawala’y kamatayon kag kabuhi nga wala’y katapusan sang tawo” (Moises 1:39). Ginahatagan sang Dios sang awtoridad ang Iya mga anak nga lalaki kag mga anak nga babayi sa duta para magbulig sa pagtuman sining buluhaton (tan-awa sa kapitulo 1).

3.2

Mga Bugay sang Priesthood

Paagi sa mga kasugtanan kag mga ordinansa sang priesthood, ginapatigayon sang Dios ang dalagko nga mga bugay para sa tanan Niya nga kabataan. Dala sining mga bugay ang:

Bunyag kag pagkamiyembro sa Ang Simbahan ni Jesucristo sang mga Santos sa Ulihing mga Adlaw.
Dulot sang Balaan nga Espiritu.
Pag-ambit sang sakramento.
Awtoridad kag gahum sa pagserbisyo sa mga calling kag tulumanon sa Simbahan.
Pagbaton sang mga bendisyon sang patriarka kag iban pa nga mga bendisyon sang priesthood sa pagpaayo, pagpaumpaw, kag paggiya.
Pagbaton sang gahum sang Dios sa templo.
Pagselyo sang mga miyembro sang pamilya sa wala katapusan.
Promisa sang kabuhi nga wala katapusan.

3.3

Melchizedek Priesthood kag Aaronic Priesthood

Sa Simbahan, may duha ka bahin ang priesthood: ang Melchizedek Priesthood kag ang Aaronic Priesthood (tan-awa sa Doktrina kag mga Kasugtanan 107:1).

3.3.1

Melchizedek Priesthood

Ang Melchizedek Priesthood amo ang “Balaan nga Pagkapari suno sa Paagi sang Anak sang Dios” (Doktrina kag mga Kasugtanan 107:3). Amo ini ang gahum kon sa diin ang mga anak nga lalaki kag anak nga babayi sang Dios pwede nga mangin pareho sa Iya (tan-awa sa Doktrina kag mga Kasugtanan 84:19–21; 132:19–20).

Paagi sa sining awtoridad, ginapamunoan kag ginahikot sang mga lider sang Simbahan ang tanan nga espirituhanon nga buluhaton sang Simbahan (tan-awa sa Doktrina kag mga Kasugtanan 107:18).

Ang stake president amo ang nagapamuno nga mataas nga pari sa stake (tan-awa sa Doktrina kag mga Kasugtanan 107:8, 10; tan-awa man sa kapitulo 6 sang sini nga libro). Ang bishop amo ang nagapamuno nga mataas nga pari sa ward (tan-awa sa Doktrina kag mga Kasugtanan 107:17; tan-awa man sa kapitulo 7 sang sini nga libro).

Para sa impormasyon parte sa mga palangakuan kag mga responsibilidad sang Melchizedek Priesthood, tan-awa sa 8.1.

3.3.2

Aaronic Priesthood

Ang Aaronic Priesthood amo ang “dugang sa … Melchizedek Priesthood” (Doktrina kag mga Kasugtanan 107:14). Dala sini ang mga yabi sang:

Pag-alagad sang mga anghel.
Ebanghelyo sang paghinulsol.
Paghikot sang panggwa nga mga ordinansa, dala na ang bunyag para sa kapatawaran sang mga sala.

(Tan-awa sa Doktrina kag mga Kasugtanan 13:1; 84:26–27; 107:20.)

Ang bishop amo ang pangulo sang Aaronic Priesthood sa ward (tan-awa sa Doktrina kag mga Kasugtanan 107:15).

Para sa impormasyon parte sa mga palangakuan kag mga responsibilidad sang Aaronic Priesthood, tan-awa sa 10.1.3.

3.4

Awtoridad sang Priesthood

Ang awtoridad sang priesthood amo ang pahanugot nga irepresentar ang Dios kag mag-akto sa Iya ngalan. Sa Simbahan, ang tanan nga awtoridad sang priesthood ginagamit sa idalom sang direksyon sang mga nagakapot sang mga yabi sang priesthood.

3.4.1

Mga Yabi sang Priesthood

Ang mga yabi sang priesthood amo ang awtoridad sa pagpamuno sang paggamit sang priesthood para sa mga anak sang Dios.

3.4.1.1

Ang mga Nagakapot sang mga Yabi sang Priesthood

Ang Ginuo naghatag sa tagsa Niya ka Apostoles sang tanan nga mga yabi nahanungod sa ginharian sang Dios sa duta. Ang pinakadugay na nga buhi nga Apostoles, ang Pangulo sang Simbahan, amo lang ang tawo sa duta nga awtorisado sa paggamit sang tanan sinang mga yabi sang priesthood (tan-awa sa Doktrina kag mga Kasugtanan 81:1–2; 107:64–67, 91–92; 132:7).

Sa idalom sang direksyon sang Pangulo sang Simbahan, ang mga lider sang priesthood ginhatagan sang mga yabi para makapamuno sila sa ila natungdan nga mga responsibilidad. Upod sa sining mga lider ang:

Mga stake kag district president.
Mga bishop kag branch president.
Mga pangulo sang mga korum sang Melchizedek kag Aaronic Priesthood.
Mga temple president.
Mga mission president kag mga missionary training center president.

Ini nga mga lider nagabaton sang mga yabi sang priesthood sa pagset-apart sa ila sa ila mga calling.

Ang mga yabi sang priesthood wala ginahatag sa iban, bisan sa mga manuglaygay sang lokal nga mga lider sang priesthood ukon pangulo sang mga organisasyon sang Simbahan. Ang mga pangulo sang mga organisasyon sang Simbahan nagapamuno sa idalom sang direksyon sang mga nagakapot sang mga yabi sang priesthood (tan-awa sa 4.2.4).

3.4.1.2

Kahusay sa Buluhaton sang Ginuo

Ang mga yabi sang priesthood nagasiguro nga ang buluhaton sang kaluwasan kag pangkahitaasan matuman nga may kahusay (tan-awa sa Doktrina kag mga Kasugtanan 42:11; 132:8). Ang mga nagakapot sang mga yabi sang priesthood nagapamuno sa buluhaton sang Ginuo sa sulod sang ila natungdan nga mga responsibilidad. Ang ini nga awtoridad sa pagpamuno magamit lang sa partikular nga mga responsibilidad sa calling sang sina nga lider. Kon ang mga lider sang priesthood ma-release na sa ila mga calling, wala na sila nagakapot sining mga yabi.

3.4.2

Paghatag sang kag Pag-ordin sa Priesthood

Sa idalom sang direksyon sang mga nagakapot sang mga yabi sang priesthood, ang Aaronic Priesthood kag Melchizedek Priesthood ginahatag lang sa nagakaangay nga mga lalaki nga miyembro sang Simbahan (tan-awa sa Doktrina kag mga Kasugtanan 84:14–17). Pagkatapos nga mahatag ang nagakabagay nga priesthood, ang tawo nga ina ginaordin sa palangakuan sina nga priesthood, pareho sang deacon ukon elder. Ang nagakapot sang priesthood nagagamit sang priesthood suno sa mga kinamatarong kag tulumanon sang sina nga palangakuan (tan-awa sa Doktrina kag mga Kasugtanan 107:99).

Para sa dugang nga impormasyon parte sa paghatag sang kag pag-ordin sa priesthood, tan-awa sa 8.1.1 kag 18.10.

3.4.3

Pagdelegar sang Awtoridad sang Priesthood sa Pagserbisyo sa Simbahan

3.4.3.1

Pag-set Apart

Kon ginaset-apart ang mga lalaki kag babayi sa idalom sang direksyon sang mga nagakapot sang mga yabi sang priesthood, ginahatagan sila sang awtoridad halin sa Dios sa pag-akto sa sina nga calling. Kon gina-release sila sa isa ka calling, wala na sila sang awtoridad nga kaupod sini.

Ang tanan nga mga miyembro sang Simbahan nga gina-set apart ginahatagan sang diosnon nga awtoridad kag responsibilidad sa pag-akto sa ila mga calling. Halimbawa:

Ang babayi nga gintawag kag gin-set apart sang bishop bilang pangulo sang Relief Society ginahatagan sang awtoridad sa pagpamuno sa buluhaton sang Relief Society sa ward.

Ang tanan nga gintawag kag gin-set apart nagaserbisyo sa idalom sang direksyon sang mga nagapamuno sa ila (tan-awa sa 3.4.1.2).

3.4.3.2

Pag-asayn

Ang nagapamuno nga mga lider sang Simbahan pwede nga magdelegar sang awtoridad paagi sa pag-asayn. Kon batunon sang mga lalaki kag babayi ining mga asaynment, ginahatagan sila sang awtoridad halin sa Dios nga mag-akto. Halimbawa:

Ang Unang Pangulohan kag Korum sang Dose ka Apostoles nagadelegar sang awtoridad sa mga Seventy nga naasayn sa pag-atipan sang mga area kag sa pagpamuno sa mga komperensya sang stake.
Ang awtoridad gindelegar sa mga miyembro sang Simbahan sa pagserbisyo bilang mga ministering brother kag ministering sister.

Ang awtoridad nga ginadelegar paagi sa pag-asayn limitado lang sa partikular nga mga responsibilidad kag kalawigon sang asaynment.

3.4.4

Paggamit sang Awtoridad sang Priesthood sing Matarong

Ini nga awtoridad magamit lamang sa pagkamatarong (tan-awa sa Doktrina kag mga Kasugtanan 121:36). Ginagamit ini paagi sa paghaylo, pagkamainantuson, sa kaayo, kag kalulo (tan-awa sa Doktrina kag mga Kasugtanan 121:41–42).

Ang mga nagagamit sang awtoridad sang priesthood wala nagapilit sang ila pagbuot sa iban. Wala nila ini ginagamit sa kaugalingon nga mga katuyuan.

3.5

Gahum sang Priesthood

Ang gahum sang priesthood amo ang gahum nga paagi sini ginabugayan sang Dios ang Iya mga anak. Ang gahum sang priesthood sang Dios nagailig sa tanan nga mga miyembro sang Simbahan—babayi kag lalaki—samtang ginatuman nila ang mga kasugtanan nga ila ginhimo upod sa Iya. Ang mga miyembro nagahimo sining mga kasugtanan sa pagbaton nila sang mga ordinansa sang priesthood. (Tan-awa sa Doktrina kag mga Kasugtanan 84:19–20.)

Dala sa mga bugay sang gahum sang priesthood nga pwede mabaton sang mga miyembro ang:

Giya sa ila mga kabuhi.
Inspirasyon nga mahibal-an kon paano serbisyuhan ang mga miyembro sang pamilya kag ang iban.
Kusog sa pagpadayon kag paglampuwas sa mga kabudlayan.
Mga dulot sang Espiritu para padakuon ang ila mga ikasarang.
Rebelasyon para mahibal-an kon paano tumanon ang buluhaton kon diin sila gin-ordin, gin-set apart, ukon gin-asayn.
Bulig kag kusog para mangin mas pareho kay Jesucristo kag sa Amay nga Langitnon.

3.5.1

Mga Kasugtanan

Ang kasugtanan isa ka sagrado nga promisa sa tunga sang Dios kag sang Iya kabataan. Ang Dios nagahatag sang kondisyones sang kasugtanan, kag ang Iya mga anak nagasugot nga tumanon ina nga kondisyones. Nagapromisa ang Dios nga bugayan ang Iya kabataan samtang ginatuman nila ang kasugtanan.

Ang tanan nga nagapadayon tubtob sa katapusan sa pagtuman sang ila mga kasugtanan magabaton sang kabuhi nga wala katapusan (tan-awa sa 2 Nefi 31:17–20; Doktrina kag mga Kasugtanan 14:7).

Ang mga ginikanan, mga lider sang Simbahan, kag iban pa nagabulig sa mga indibidwal nga maghanda sa paghimo sang mga kasugtanan sa pagbaton nila sang mga ordinansa sang ebanghelyo. Ginasiguro nila nga ang tawo nakaintiendi sang mga kasugtanan nga iya himuon. Pagkatapos nga maghimo ang isa ka tawo sang kasugtanan, ginabuligan nila sia nga tumanon ini. (Tan-awa sa Mosias 18:8–11, 23–26.)

3.5.2

Mga Ordinansa

Ang ordinansa isa ka sagrado nga buhat nga ginahimo paagi sa awtoridad sang priesthood.

Sa madamo nga mga ordinansa, ang mga indibidwal nagahimo sang mga kasugtanan upod sa Dios. Dala sa mga halimbawa ang bunyag, sang sakramento, sang endowment, kag sang ordinansa sang pagselyo sang pag-asawahay.

Ang mga ordinansa sang kaluwasan kag pangkahitaasan kinahanglanon gid para sa kabuhi nga wala katapusan. Para sa dugang nga impormasyon, tan-awa sa 18.1.

3.6

Ang Priesthood kag ang Puluy-an

Ang tanan nga mga miyembro sang Simbahan nga nagatuman sang ila mga kasugtanan—mga babayi, mga lalaki, kag kabataan—ginabugayan sang gahum sang priesthood sang Dios sa ila mga puluy-an para pabakuron ang ila mga kaugalingon kag ang ila mga pamilya (tan-awa sa 3.5). Ini nga gahum magabulig sa mga miyembro sa paghimo sang buluhaton sang Dios para sa kaluwasan kag pangkahitaasan sa ila personal nga mga kabuhi kag pamilya (tan-awa sa 2.2).

Ang mga lalaki nga nagakapot sang Melchizedek Priesthood pwede nga maghatag sang mga bendisyon sang priesthood sa mga miyembro sang pamilya para maghatag sang direksyon, pagpaayo, kag kaumpawan. Kon kinahanglan, ang mga miyembro sang Simbahan pwede man magpangayo sining mga bendisyon halin sa paryente, mga ministering brother, ukon lokal nga mga lider sang Simbahan.