lider nga nagaistorya sa pamilya

6.

Pagkalider sa Stake

6.1

Mga Katuyuan sang Stake

Ginlaragway ni Isaias ang Sion sa ulihing mga adlaw bilang tolda ukon tabernakulo nga nabantingan sang mga palpal (tan-awa sa Isaias 33:20; 54:2).

Ang Ginuo nagpahamtang sang mga stake para sa “pagtipon” sang Iya katawhan kag bilang “palalipdan, kag … dalangpan” halin sa kalibutan (Doktrina kag mga Kasugtanan 115:6).

6.2

Stake Presidency

Ang stake president ang nagakapot sang mga yabi sang priesthood para pangunahan ang buluhaton sang Simbahan sa stake (tan-awa sa 3.4.1). Sia kag ang iya mga manuglaygay ang miyembro sang stake presidency. Ginaatipan nila ang mga miyembro sang stake nga may pagpalangga, nga ginabuligan sila nga mangin matuodtuod nga mga sumulunod ni Jesucristo.

Ang stake president may apat ka mayor nga responsibilidad:

1. Sia ang nagapamuno nga high priest sa stake.

2. Ginapangunahan niya ang buluhaton sang kaluwasan kag pangkahitaasan sa stake.

3. Hukom sia sang tanan nga iya nasakpan.

4. Sia ang nagadumala sang mga rekord, pinansyal, kag mga propiyedad.

6.3

Mga Kinalain sang Awtoridad sang mga District President kag sang mga Stake President

Sa kada miyembro nga distrito, isa ka nagakapot sang Melchizedek Priesthood ang ginatawag bilang district president. Nagaserbe sia nga daw pareho sang stake president pero may masunod nga mga kinalain:

• Indi sia presidente sang korum sang mga high priest. Ang amo sini nga mga korum ginaorganisar lamang sa mga stake.

• Upod ang pahanugot sang mission president, ang district president pwede nga mag-interbyu sang isa ka brother para maordin bilang elder. Ang district president ukon ang tawo sa idalom sang iya direksyon pwede man nga (1) magpresentar sang isa ka brother para sa pagsakdag kag (2) maghikot sang ordinasyon (tan-awa sa 18.10.1.3, 18.10.3, kag 18.10.4). Pero, ang district president indi pwede mag-ordin sang mga patriarka, high priest, ukon bishop.

• Upod sang pahanugot sang mission president, ang district president pwede nga mag-set apart sang mga branch president (tan-awa sa 18.11).

• Wala sia naga-release sang full-time nga mga misyonero.

• Wala sia nagahiwat sang mga interbyu para sa temple recommend ukon nagapirma sang mga temple recommend (tan-awa sa 26.3.1).

• Wala sia nagahiwat sang membership council magluwas kon ginpahanugotan sang mission president.

6.5

High Council

Ang stake presidency nagatawag sang 12 ka high priest nga amo ang nagaporma sang stake high council (tan-awa sa Doktrina kag mga Kasugtanan 102:1; 124:131).

6.5.1

Magrepresentar sang Stake Presidency

Ang stake presidency nagaasayn sang isa ka miyembro sang high council sa kada ward sa stake.

Nagaasayn man ang stake presidency sang isa ka miyembro sang high council sa kada elders quorum sa stake.

Pwede man nga mag-asayn ang stake presidency sang mga miyembro sang high council para maghatag instruksyon sa masunod nga mga tawo sa ila mga responsibilidad sa buluhaton sa templo kag family history kag pangmisyonaryo nga buluhaton:

• Mga pangulohan sang elders quorum

• Mga ward mission leader

• Mga lider sa buluhaton sa templo kag family history

6.7

Mga Organisasyon sa Stake

Ang organisasyon sang Relief Society, Young Women, Primary, Sunday School, kag Young Men sa stake tanan ginapangunahan sang isa ka presidente. Ini nga mga presidente nagaserbe sa idalom sang direksyon sang stake presidency.

Ang mayor nga mga responsibilidad sining mga lider amo ang magbulig sa stake presidency kag tudloan kag suportahan ang mga pangulohan sang organisasyon sa ward.

6.7.1

Mga Presidency sang Relief Society, Young Women, Primary, kag Sunday School sa Stake

Ang mga miyembro sining mga pangulohan may masunod nga mga responsibilidad:

• Magserbe sa stake council (mga presidente lamang).

• Giyahan ang bag-o lang gintawag nga mga presidency sang organisasyon sa ward.

• Maghatag sang nagapadayon nga suporta kag instruksyon. Regular nga makig-angot sa mga pangulohan sang organisasyon sa ward para mahibal-an ang ila mga panginahanglan, hambalan ang mga panginahanglan sang mga miyembro nga ila ginaserbisyohan, kag ipalab-ot ang impormasyon halin sa stake presidency.

• Maghatag sang instruksyon sa mga pangulohan sang organisasyon sa ward sa tion sang mga stake leadership meeting (tan-awa sa 29.3.4).

6.7.2

Stake Young Men Presidency

Ang stake Young Men presidency may masunod nga mga responsibilidad:

• Magserbe bilang bulig sa mga bishopric sa ila mga responsibilidad sa mga kauturan sa Aaronic Priesthood.

• Magserbisyo sa komite sang stake youth leadership (tan-awa sa 29.3.10).

• Sa idalom sang direksyon sang stake presidency, magplano kag iplastar ang aktibidades kag mga camp sang Aaronic Priesthood sa stake.