ya’an reb e tabinaew nibe yean u charen e temple

3.

Yalen e Priesthood

3.0

Mornga’agen

Fare priesthood e ir fare mat’won nge gelingin Got. U dakean fare priesthood, Chitamangmed nu tharmiy e ma ngongliy e muruwel rok’ ni nge “yib nag e yafos ni manemus nge yafos ni manechubog” (Moses 1:39). Got e ke pii’ mat’won nge gelingin ngak pifak ni pumo’on nge bpin u dakean e fayleng ni ngar rrin’ed e muruwel rok’ (muguy ko guruy 1).

3.2

Fapi Tawa’ath ko Priesthood

U dakean fapi m’ag nge fapi gam’ing ko priesthood, Got e ke ngongliy rogon fapi tawa’ath ni rib fel’ ni rayag ni nge thapeg pifak ni gubin. Pi tawa’ath ney e mu’un e:

• Tawfe nge membership ngay ko Fare Galasia ku Yesus Kristus ni fan ko Gidii’en Got ko Tin Tomur e Rran.

• Fare tawa’ath ko fare Kan ni Thothup.

• Fek fare sakrament.

• Mat’woy nge gelingin ni ngan pigpig ko fapi muruwel ko Galasia.

• Thapeg fapi tawa’ath ko patriarchal nge boech e tawa’ath ko priesthood ko fosagnag, nge powi’iy.

• Endow nibay gelingin Got riy ulan e temple.

• Seal nag gathon fare tabinaew nga ta’abang ni manemus.

• Fare micheg ko yafos ni manechubog.

3.3

Melchizeded Priesthood nge Aaronic Priesthood

Ulan e Galasia, l’agruw yang nibay ko fare priesthood: fare Melchizedek Priesthood nge fare Aaronic Priesthood (muguy ko Doctrine and Covenants 107:1).

3.3.1

Melchizedek Priesthood

“Fare Melchizedek Priesthood e ir “fare Priesthood nib Thothup, u tomuren nikan Yarmiy fare Fak Got” (Doctrine and Covenants 107:3). Biney e gelngin e rayag ni fapi pumo’on nge fapi bpin nifak Got e ngar boded Ir (muguy ko Doctrine and Covenants 84:19–21; 132:19–20).

U dakean e biney e mat’won, fapi tiyugang’ ko Galasia e ma powi’iy nge gagiyegnag urngin e muruwel ko Galasia nib thothup (muguy ko Doctrine and Covenants 107:18).

Fare stake president e ir e bin th’abi tolang e high priest nib ga’ ulan fare stake (muguy ko Doctrine and Covenants 107:8, 10; muguy ko guruy 6 ulan ere handbook ney). Fare bishof e ir fare high priest nibay mat’won ulan fare ward (muguy ko Doctrine and Covenants 107:17; muguy ko guruy 7 ulan ere handbook ney).

Fan e mornga’agen fapi office nge muruwel ko Melchizedek Priesthood, muguy ko 8.1.

3.3.2

Aaronic Priesthood

Fare Aaronic Priesthood e ir e “kabang ko … fare Melchizedek Priesthood” (Doctrine and Covenants 107:14). Nib mu’un fapi kiy ko:

• Fapi pigpig ko angel.

• Fare gospel ko kalngan’uy.

• Pigpig ni yibe rrin’ fapi gam’ing, nib mu’un e tawfe nge chuweg machan e denen.

(Muguy ko Doctrine and Covenants 13:1; 84:26–27; 107:20.)

Fare bishof e ir fare president ko fare Aaronic Priesthood ulan fare ward (muguy ko Doctrine and Covenants 107:15).

Fan e mornga’agen fapi office nge muruwel ko Aaronic Priesthood, muguy ko 10.1.3.

3.4

Mat’won e Priesthood

Mat’won e Priesthood e irreram mat’won ni yibe muruwel u dakean fithingan nge mat’won. Ulan e Galasia, gubin mat’won e priesthood e ma buch u tan paa’ e pi’in nibay fapi kiy ko priesthood roraed.

3.4.1

Fapi key ko Priesthood

Fapi kiy ko Priesthood e irreram fare mat’won ni nge powi’iy rogon i fanay fare priesthood nifan ngak pifak Got.

3.4.1.1

Pi’in nibay fapi Kiy ko Priesthood Rok’

Somoel e ke pii’ ngak fapi tapigpig rok’ gubin fapi kiy nibay nifen gul’il’ungun Got u dakean e fayleng. En ni th’abi ilal nibay nib fos ko Apostle, fare President ko Galasia, e karimus e en nibay u dakean e fayleng ni gubin mat’won ni bay rok’ ni nge muruwel ko fapi kiy ko president ko fare Galasia (muguy ko Doctrine and Covenants 81:1–2; 107:64–67, 91–92; 132:7).

U tan paa’ fare President ko Galasia, tin ba’aray e tiyugang’ ko priesthood e kan pii’ fapi kiy ngoraed ni ngeyag nira gagiyeg niged e tin ni muruwel ko gin nikan duugliy ngoraed.

• Fapi stake nge district president ngay.

• Fapi bishof nge fapi branch president.

• Melkizedek nge fapi quorum presidents ko Aaronic Priesthood.

• Fapi temple presidents.

• Fapi mission president nge fapi presidents ko mission.

Tiney e tiygang’ e kar thapagned fapi kiy ko priesthood u napan nikan me’eleg raed ko fare muruwel nikan pii’ ngoraed.

Fapi kiy ko priesthood e dayma pii’ ngak boech e gidii’, ni woed fapi counselors ko tiyugang’ ko local priesthood fa ngak fapi presidents ko ulung ko Galasia. Fapi president ko ulung ko Galasia e yaed ma muruwel u tan paa’ e pi’in nibe powi’iy raed nibay fapi kiy ko priesthood roraed (muguy ko 4.2.4).

3.4.1.2

Muruwel rok’ Somoel nibay Rogon nib Yiram

Fapi kiy ko Priesthood e ma micheg ni fapi muruwel ko thapegnag ku Somoel nge n’uf ngalang ko bin th’abi tolang e falfalaen’ e ngan rrin’ u fithik’ e yiram (muguy ko Doctrine and Covenants 42:11132:8). Pi’in nibay fapi kiy ko priesthood rok’ e yaed ma gagiyegnag e muruwel rok’ Somoel ko gin nikan duugliy ngoraed. Biney e mat’won e gagiyeg e kemus nibay gelngin ko fapi muruwel nikan duugliy ngak fare tiyugang’. Napan ni yira pag fapi tiyugang’ nibay e priesthood roraed ko fare muruwel nikan pii’ ngoraed, ma arram ni dakuriy e pi kiy ney roraed.

3.4.2

Bin ni Mat’aw e Priesthood nge Gam’ing Riy

U tan paa’ e pi’in nibay fapi kiy ko priesthood roraed, fare Aaronic Priesthood nge fare Melchizedek Priesthood e yima pii’ ngak e pumo’on ni members ko Galasia nib fel’ thawingraed Doctrine and Covenants 84:14–17). Tomuren nikan tay fare bin mat’aw e priesthood nga dakean, ma facha’ e yira yibliy ko reb fare office ko fare priesthood nikan pii’ ngak, ni woed e deacon fa elder. Pi’in nibay e priesthood roraed e yaedra fanay fare priesthood ko rogon mat’won nge muruwel ko binem e office (muguy ko Doctrine and Covenants 107:99).

Boech mornga’agen e bin ni mat’aw e priesthood nge gam’ing riy, muguy ko 8.1.1 nge 18.10.

3.4.3

Pii’ Mat’wom e Priesthood ni ngan Pigpig Ulan e Galasia

3.4.3.1

Yibliy Nag

Napan ni yira yibliy fapi members u tan paa’ e pi’in ni bay fapi kiy ko priesthood roraed, ma irerram mat’won raed nike yib rok’ Got ni ngar rrin’ed fapi muruwel nikan duugliy ngoraed. Woed e:

• Bee’ nib bpin ni fare bishof e ke yibliy ni’ir fare president ko Relief Society e kan pii’ mat’won ni nge gagiyeg nag fare muruwel ko Relief Society ulan fare ward.

Gubin e pi’in nikan pinning makan yibliy e yaed be pigpig utan paa’ e pi’in nib ga’ mat’wonraed u dakeanraed 3.4.1.2).

Napan ni yira pagraed ko binem e muruwel, ma dakuriy mat’wonraed nibay rogon ngay.

3.4.3.2

Muruwel

Fapi tiyugang’ nib ga’ ko Galasia e rayag ni nge duugliy mat’won gidii’en nibe yean u rogon fare muruwel. Napan ra thapeg fapi pumo’on nge bpin fapi muruwel roraed, ma arram nikan pii’ mat’wonraed nike yib rok’ Got ni ngar muruwel gaed. Woed e:

• Fare bin Somm’on e Presidency nge Quorum ko fare Ragag nge L’agruw i Apostle e yaed ma pii’ mat’won fapi Medlip i Ragag nikan duugliy ni nge pigpig ko gin nikan duugliy ngoraed mi yaed gagiyegnag e stake conference.

• Mat’woy e yima wereg u dakean e gidii’en e Galasia ni ngar pigpig gaed ni yaed e fapi brothers nge sisters.

Mat’woy ni yibe wereg u dakeaney ko rogon e muruwel e karimus ni ta’abochingiyal’ nibe yaen u rogon fare muruwel nge n’umngin napan fare muruwel.

3.4.4

Muruwel ko Mat’won e Priesthood u Fithik’ e Yul’yul’

Biney e mat’woy e kemus ni ngan fanay nib yul’yul’ rogon (muguy ko Doctrine and Covenants 121:36). Ngan fanay ni woed ni yibe gay rogon e, gafgowaen’uy, munguy, mudung, t’ufeg, nge gol (muguy ko Doctrine and Covenants 121:41–42).

Pi’in ni bay mat’won e priesthood rok’ e dabi tawasoriyed e muruwel roraed ngak e gidii’. Ma dabra fanayed nifan e ngongolen e to’ogor.

3.5

Gelngin e Priesthood

Gelngin e priesthood e irreram fare gelngin Got, ni’ir e ma fanay ni nge tawa’ath nag pifak. Gelngin e priesthood rok’ Got e ma yib ngak gubin e member ko Galasia—pi’in ni bpin nge pumo’on—ni fa’anra yaed be ayuweg fapi m’ag nikar ngongliyed ngak. Fapi members e yaed ma ngongliy e pi m’ag ney napan ni yaedra thapeg fapi gam’ing ko priesthood. (Muguy ko Doctrine and Covenants 84:19–20.)

Fapi tawa’ath ko gelngin e priesthood ni rayag ni nge thapeg fapi members e mu’un e:

• Powi’iynag e yafos roraed.

• Yi’iy nifan ngoraed ni ngeyag ni ngar nanged rogon ni ngar rrin’ed e muruwel roraed nikan duugliy ngoraed, nikan yibliyraed riy, fa tin nikan pii’ ngoraed ni ngar rrin’ed.

• Ayuw nge gelngin ni ngeyag ni ngan boed Yesus Kristus nge Chitamangiy nu Tharmiy.

3.5.1

Fapi M’ag

M’ag e ba michmicheg nib thothup u thilin Got nge pifak. Got e ke pii’ rogon ni ngan rrin’ e pi m’ag ney, ma pifak e kar roged ni yaedra fol ko pin’ey. Got e ke michmicheg nira tawa’ath nag pifak napan ni yaedra muguʼuliy fare m’ag.

Pi’in ni yaedra athamgil nge mada’ ko tomur nibe ayuweg fapi m’ag rok’ era thapeg e yafos ni manechubog 2 Nephi 31:17–20; Doctrine and Covenants 14:7).

Galibthir, fapi tiyugang’ ko Galasia, nge boech e gidii’ mu fal’aged rogon e gidii’ ni ngar ngongliyed fapi m’ag napan ni bayra thapagned fapi gam’ing ko gospel. Nge michaen’raed ngay ni facha’ e nge nangfan fapi m’ag u mm’on ni nge ngongliy rogon. Tomuren nike mu’ facha’ i ngongliy fapi m’ag, ngar ayuweged ni nge cha’ariy fapi m’ag. (Muguy ko Mosiah 18:8–11, 23–26.)

3.5.2

Fapi Gam’ing

Gam’ing e ba ngongol nib thothup ni yima rrin’ nibe yib ku bee’ nibay mat’won e priesthood rok’.

Fapi gam’ing, e woed ni gidii’ e be ngongliy fapi m’ag ngak Got. Ni woed e tawfe, fare sakrament, fare endowment, nge fare gam’ing ko mabgol ni yibe seal nag.

Fapi gam’ing ko thapegnag nge n’uf ngalang ko bin th’abi tolang e falfalaen’ e rib ga’fan ko yafos ni manechubog. Boech mornga’agen e biney, muguy ko 18.1.

3.6

Fare Priesthood nge Tabinaew

Gubin e members ko Galasia nira ayuweg fapi m’ag rok’—pi’in ni bpin, pumo’on, nge bitir—e yira tawa’ath nagraed ko fare gelngin e priesthood rok’ Got ulan e tabinaew roraed ni nge pii’ gelingin raed nge fapi tabinaew roraed (muguy ko 3.5). Biney e gelngin era pii’ e ayuw ngak e members ko fare muruwel rok’ Got ko thapegnag nge n’uf ngalang ko bin th’abi tolang e falfalaen’ ulan e yafos roraed nge tabinaew roraed (muguy ko 2.2).

Pumo’on nibay fare Melchizedek Priesthood roraed e rayag ni ngar pii’ed fapi tawa’ath ko priesthood ngak e tabinaew roraed ni nge powi’iyraed, golnag raed, fa pii’ e gapas ngoraed. Napan ra tu’uf, ma fapi members ko Galasia e krayag ni yaedra gay e pi tawa’ath ney rok’ bee’ u tabinaew, fa reb fapi pumo’on nima pigpig ngoraed, fa reb e tiyugang’ ko Galasia nib local.