1.

Tonom rok’ Got nge Birom e Muruwel ko fare Thapegnag Rok’ nge N’uf Ngalang ko bin Th’abi Tolang ko Falfalaen’

1.0

Mornga’agen

Kan piningem ni ngam pigpig ulan Fare Galasia ku Yesus Kristus ni fan ko Gidii’en Got ko Tin Tomur e Rran. Kamagar ko pigpig rom. Garam tawa’ath nag e yafos ko gidii’ ma gara thamiy e falfalaen’ ko napan ni gabe pigpig u fithik’ e yul’yul’.

Biney e handbook era ayuwegnem ngam nang fapi yalen e pigpig rok’ Kristus mara ayuwgnem ngam nangfan fapi muruwel rom. Gara mon’og ni rib gel ko napan ni gara chagliy e pigpig rom ulan e Galasia nge fare muruwel rok’ Got ni’ir e Chitamangiy nge fare Fak, Yesus Kristus.

1.1

Tonom rok’ Got ko Falfalaen’

Chitamangiy nu Tharmiy e ke pii’ fare tonom ko falfalaen’ ni ngeyag ni nge falfalaen’daed ku gubin fapi tawa’ath rok’. Muruwel rok’ nge fal’ngin e nge “yib nag e yafos ni manemus nge yafos ni manechubog” (Moses 1:39).

Yesus Kristus e ir e bay u luk’ungun fare tonom rok’ Got. Bachan fare t’ufeg rok’ e Chitamangiy nu Tharmiy ngodaed ni dariy bi’id memus, ke pii’ fak ni nge bayul nagdaed ko denen nge yam’ u dakean fare maligach ko bayul rok’ (muguy ko John 3:16). U dakean fare Bayul rok’, micheg nag Yesus Kristus nira bagdaed nikan gargeleg nga dakean e naam e yira fosag ko yam’ me thapeg e yafos ni manemus.

Ra ngad thapagned e yafos ni manechubog, ma thingar da “uned ngak Kristus” (Moroni 10:32). Fare Bayul rok’ Somoel e ka fal’ag rogon ni ngeyag ni be’ech nagdaed ko denen me thilyeg gum’ircha’endaed ni ngeyag ni ngad thapegned e yafos ni manechubog nge falfalaen’ nib polo’.

1.2

Fare Muruwel rok’ Got ko Thapegnag nge N’uf Ngalang ko bin Th’abi Tolang ko Falfalaen’

Napan ni gadaedra yib ngak Kristus ma gadaed ra ayuweg e gidii’ ni ngar rrin’ed ni ta’areb rogon ngay, ma aram ni gadaed be un ko muruwel rok’ Got ko thapeg nge n’uf ngalang ko bin th’abi tolang ko falfalaen’. Biney e muruwel e be gagiyeg nag fagli motochiyel ni th’abi gaa’ ni thangari t’uf rom Got ma thangri t’uf rom e en ni buguliyoror rom (muguy ko Matthew 22:37–39).

Fare muruwel ko Thapeg nge n’uf ngalang ko bin th’abi tolang e falfalaen’ e bay aningeg e muruwel riy.

Fare Muruwel rok’ Got ko Thapegnag nge N’uf Ngalang ko bin Th’abi Tolang ko Falfalaen’

Ngaed bad ngak Kristus ma gadaed un ko fare muruwel rok’ Got ni yibe:

• Fol ko gospel ku Yesus Kristus.

• Ayuweg e pi’in nibe gafgow.

• Pinning e gidii’ ni gubin ni nge thapaeg fare gospel.

• Ta’areb nag e tabinaew ni nge par ni manemus.

Biney e handbook e rayag nira ayuwegnem ngam nangfan ere aningeg i n’ey nifan e muruwel rok’ Got. Fare Kan ni Thothup ere powi’iyem ko ngiyal’ ni gabe rrin’ e birom e muruwel (muguy ko 2 Nephi 32:5).

1.2.1

Fol ko Gospel ku Yesus Kristus

Fol ko gospel ku Yesus Kristus e mu’un e:

• Gelnag e mich ngak Kristus, kalngaen’uy ni gubin ngiyal’, ngongliy e m’ag u thiliy ngak Got ko napan ni gadaed be thapeg fapi gam’ing ko thapeg nge n’uf ngalang ko bin th’abi tolang e falfalaen’, nge ul’ul’ ngan athamgil nge mada’ ko tomur ni yibe ayuweg e pi m’ag ney (muguy ko 3.5.1).

• Fil min machib nag e gospel ku Yesus Kristus ulan e tabinaew nge lan e Galasia.

• Athamgil nira bee’ me ayuweg ir nge tabinaew rok’, ko tin nib thothup nge tin nibay riy nib tu’uf.

1.2.2

Ayuweg e Pi’in nibe Gafgow

Ayuweg e pin’in nibe gafgow e mu’un e:

• Pigpig nge machib ngak e gidii’, ngak e tabinaew, nge ngak e flock.

• Pii’ e ayuw ko tin nibay, nib mu’un e ayuw ko Galasia ngay, nge pi’in nib tu’uf e ayuw roraed.

• Ayuweg boech e gidii’ ni ngar ayuweged yaed.

1.2.3

Pinning e Gidii’ ni Gubin ni nge Thapeg fare Gospel

Pinning e gidii’ ni gubin ni nge thapeg fare gospel e mu’un e:

• Un ko muruwel ko missionary ngay nge pigpig ni gur reb e missionary.

• Ayuweg gidii’en e Galasia ni tin nib be’ech nge tin nibe sul ni ngar mon’og gaed ulan fare pi’i kanawo’en e motochiyel.

1.2.4

M’ag e Tabinaew ni nge Par ni Manemus

M’ag e tabinaew ni nge par ni manemus e mu’un e:

• Ngongliy fapi m’ag ko napan ni gadaedra thapeg e birodaed e gam’ing u temple.

• Pire’eg mornga’agen e gidii’ rodaed ni kakrom nike yim’ min rrin’ fapi gam’ing nifan ngoraed ulan e temple ni ngeyag ni ngar ngongliyed e fapi m’ag ngak Got.

• Yaen nga temple ni gubin ngiyal’, ko ngiyal’ ni rayag, ni ngan liyoer ngak Got min rrin’ fapi gam’ing nifan ngak pifak.

1.3

Fare Fan e Galasia

Yesus Kristus e sunmiy e Galasia rok’ ni ngeyag nira bee’ nge tabinaew me rrin’ e muruwel ni nge ayuweg Got ko fare thapeg nge n’uf ngalang ko bin th’abi tolang e falfalaen’ (muguy ko Ephesians 4:11–13ngkum guy ko 2.2 ulan ere handbook ney). Ra ngan pii’ e ayuw ni ngeyag ni ngan mu’nag e biney e muruwel nib thothup, fare Galasia nge fapi tiyugang’ riy era pii’:

• Mat’won e priesthood nge fapi kiy riy.

• Fapi m’ag nge fapi gam’ing riy.

• Profet nibe powi’iy nag.

• Fapi chep nib thothup.

• Tin ni ngan fil ko fare gospel nge ayuw ko tin ni yibe fil.

• Ayuw ko pigpig nge tiyugang’

• Ba flock nib sug ko Gidii’en Got.

1.3.1

Mat’won e Priesthood nge fapi Kiy

U dakean fare priesthood, Got e ma ngongliy e muruwel rok’ ko thapegnag nge n’uf ngalang ko bin th’abi tolang ko falfalaen’. Fare mat’won e priesthood nge fapi kiy riy e ba tu’uf ni nge powi’iy nag e muruwel rok’ Got u dakean e fayleng ni fulweg ngak fare Profet Joseph Smith (muguy ko Doctrine and Covenants 110:11–16; 112:30). Tiney e kiy e bay rok’ e tiyugang’ ko Galasia e daba. Yaed ma pinning nge pii’ mat’won boech e gidii’ ni ngar pii’ed e ayuw ko muruwel rok’ Got (muguy ko Doctrine and Covenants 107:8, 65–67).

1.3.2

Fapi M’ag nge Fapi Gam’ing

Ulan fare tonom rok’ e Chitamangiy nu Tharmiy, gadaed ma ngongliy fapi m’ag ko napan ni gadaed be thapeg fapi gam’ing ko thapeg nge bin th’abi n’uf ngalang ko falfalaen’, ni woed e tawfe (muguy ko John 3:5; ngkum guy ko chapter 18 ulan ere handbook ney). Tiney e m’ag nge gam’ing e rib ga’fan nifan ngodaed ni ngaed boded Got ma gadaed sul ngaed pired rok’ (muguy ko Doctrine and Covenants 84:19–22).

1.3.3

Powi’iynag e Profet

U dakean fapi profet rok’ nike me’eleg, Got e ke dag e tin nib riyul’ make thogthog nag kanawo’en nge fapi ta’amagaran (muguy ko Amos 3:7; Doctrine and Covenants 1:4). Biney e kanawo’en era ayuwegdaed ngaed darod min par u dakean fare pi’i kanawo’ nira fekey ko yafos ni manechubog.

1.3.4

Fapi Chep nib Thothup

U dakean fapi powi’iy nibe yib ko profet rok’ Somoel nge fapi apostles rok’, fare Galasia e be pii’ ma be cha’ariy e thin rok’ Got nikan pire’eg ulan fapi chep nib thothup. Fapi chep nib thothup e be micheg mornga’agen Kristus, be machib nag fare gospel rok’, ma be pii’ e ayuw ni ngan gelnag e mich ngak (muguy ko Jacob 7:10–11; Helaman 15:7).

1.3.5

Fil Mornga’agen e Gospel nge Ayuw ko Machib

Galasia e ma ayuweg e gidii’ nge tabinaew ko muruwel roraed ni ngar filled fare gospel nib riyul’ min machib nag e pin’ey nib riyul’ ko gathon e tabinaew nge ngak boech e gidii’ (muguy ko Doctrine and Covenants 88:77–78, 118; ngkum guy ko 2.2.3 ulan ere handbook ney).

1.3.6

Ayuw nge Tin ni Rayag ni nge Rrin’ fapi Tiyugang’

U dakean fapi liiw nge muruwel nikan pii’ ulan e Galasia, Got e ke pii’ ngak fapi members rogon ni rayag ni ngar pigpig gaed mi yaed gagiyegnag. Fare Galasia e ke pii’ wo’en ni ngan ayuweg fapi members ko tin nib tu’uf nge tin ni rayag nira ayuwegraed (muguy ko Mosiah 18:27–29).

1.3.7

Ba Flock nib Sug ko Gidii’en Got

Gadaed ni flock ni gidii’en Got, ni gidii’en e Galasia e gadaed ma mukun nib ul’ul’ yay ni ngaed ted fan Got min tafney nag fare Tathapeg napan ni yibe fek fare saskrament (muguy ko Moroni 6:4–6; Doctrine and Covenants 20:77). Ma fapi members e yaed ma ayuweg raed ma kiyaed ma machib ngoraed (muguy ko Ephesians 2:19).

1.4

Muruwel rom ulan e Muruwel rok’ Got

Tiyugang’ ulan e Galasia, gur e kan pinningem ni ngam machib mag pii’ e ayuw ngak e pi’in ni gabe pigpig ngak ko napan ni yaed be pii’ e ayuw ko fare muruwel rok’ Got ko thapeg nge bin th’abi n’uf ngalang ko falfalaen’ (muguy ko 1.2.) Nangfan nib tomilang rogon e muruwel rok’ Got, ko n’en nibe pinningem ni ngam rrin’, nge fan fare Galasia rok’ era ayuwegnem ngam tin’um i fek e gidii’ ngak Kristus.

Meybil ni ngam fith ni ngam nang rogon ni rayag ni ngam pii’ e ayuw ko rogon e muruwel rok’ Got ngalan e yafos rok’ e pi’in ni gabe pigpig ngak. Got era powi’iyem u dakean e pi n’en nira thogthog nag fare Kan ni Thothup ngom (muguy ko 2 Nephi 32:5). Un ko muruwel ulan farengi mileay’ rok’ Somoel era e falfalaen’ ngom nib gel Jacob 5:70–72