4.

Ndausuŋ ye mme Esop ke Ufɔk Abasi Jesus Christ

4.0

Ntɔŋɔ

Nte adausuŋ ke Ufɔk Abasi, ekekot fi ke ifiɔk-spirit otode ke mme nnen-nnen isunŋutom Abasi. Afo emenyene ufaŋ ke edinwam ke utom Ete Heaven ke “edi[da] uwem unana mkpa ye nsinsi uwem nsɔk owo” (Moses 1:39).

4.2

Mme Ido Ndausuŋ ke Ufɔk Abasi

Kini utom ukwɔrɔ-ikɔ Abasi Esie ke isɔŋ, Andinyaŋa ama ɔnɔ uwutŋkpɔ ndausuŋ eke Ufɔk Abasi Esie. Ata akpan ntak Esie ekedi ndinam uduak Ete Heaven Esie nyuŋ nwam mbon efen ndifiɔk nyung nam ikɔ Abasi Esie (se John 5:30; Mosiah 15:7).

Eyom ndausuŋ Abasi man anwam mbufo ekpep enyuŋ enam mme utom eke ikoot mbufo ekure.

4.2.1.

Beŋe-idem ke Spirit

Jesus ama ebeŋe Idemesie ke spirit ɔnɔ utom eke isɔŋ Esie (see Luke 4:1–2). Afo ntre nko beŋ-idem ke spirit ke edisaŋa mkpere Ete Heaven ke akam, edikot nwed Abasi, ye edikop mme item mbet Esie.

Eyom eriyarare man ofiok mme unana eke mbon emi afo adade-usuŋ ye nte edinamde utom emi Abasi okokotde fi ete anam okure.

Jehovah nko ama ɔnwɔnŋɔ ndiyak mme enɔ eke spirit ndori mbon emi eyomde mmɔ (se Doctrine ye Covenants 46:8).

4.2.2.

Sin unwam nnɔ Ofuri Nditɔ Abasi

Ma mme owo emi afo anamde-ŋkpɔ ɔnɔ nte Jesus akanamde. Bɔng-akam “ke ofuri odudu esit fo” man ɔyɔhɔ ye ima Esie (Moroni 7:48)

Wam mme owo edinyene ntɔtuŋɔ nkabare-esit nyuŋ nsɔŋɔ mbuɔtidem mmɔ ke Ete Heaven ye ke Jesus Christ. Wam mmɔ ebenŋe-idem ndinam ediomi ke nte mmo ebode edinam ikɔ Abasi anditiene. Teme mmɔ ete enim ediomi emi mmɔ ekanamde enyuŋ ebuana ke mme edidioŋ erikabare-esit.

4.2.3.

Kpep Ikɔ Abasi Jesus Christ

Kpukpru mme adausuŋ edi mme andikpep. Edomo editiene uwutŋkpɔ eke Andinyaŋa nte andikpep (se chapter 17; Edikpep ke Usung Andinyaŋa). Ke iko ye edinam mbufo, ekpep ata-ukpepŋkpɔ Jesus Christ ye ido-mbet eke iko Abasi Esie (see 3 Nephi 11:32–33; Doctrine ye Covenants 42:12–14

Ekpep eto ŋwed Abasi ye ke ikɔ eke mme prophet ekpere edem usem (seke Doctrine ye Covenants 52:9).

Edieke ekotde mme edoŋde fi ete etie-ibuot ke esop mme edinam eke Ufɔk Abasi, ekut ete ke ukpepŋkpɔ oro ɔfɔn nyuŋ enen (seke Doctrine ye Covenants 50:21–23).

4.2.4.

Da-ibuot ke Edinen-ido

Adaibuot kiet-ket anam utom ke idak ndausunŋ emi akamade mme ukphode itie-oku (se 3.4.1). Ubono-ŋkpɔ emi ɔnɔ uyo ye anwaŋa usuŋ eke ubiɔŋ-utom ye edinam-ibat kini enamde utom Abasi.

Adaibuot kiet ekeme edidiɔŋ owo efen ke esisit ini ete adaibuot.

Adausuŋ emi adade-ibuot ke nka, mbono, mme edinam ke Ufɔk Abasi ana okut ete ke enam se idi uduak Abasi ekure. Ke anamde emi, adausuŋ oro eyetiene ido-mbet ikɔ Abasi, mbet Ufɔk Abasi, ye ndausung eke Edisana Spirit.

Ikoot mme ubiɔŋ ete adaibuot inamke owo oro ofon akan mme enyene-ufon akan mbon efen (seke Doctrine ye Covenants 84:109–10).

Ifɔnke edinyene ɔkpɔsɔŋ udoŋ man adaibuot ke nka ekededi ke Ufɔk Abasi Jehovah (seke Doctrine ye Covenants 121:34–37).

4.2.5.

Nnɔ Ubiɔŋ-utom yuŋ Kut ke Enam-ibat

Andinyaŋa ɔkɔnɔ mme mbet Esie nti udeme-utom ye ubiɔŋ-utom (se Luke 10:1). Enye nko ɔkɔnɔ mmɔ ufaŋ ndinam ibat ke utom emi ekenɔde mmɔ ete enam (se Luke 9:10).

Nte adausuŋ, afo emekeme edinwam mbon efen ekɔri ke edideme mme ubiɔŋ-utom nnɔ mmɔ. Edomo edisin kpukpru owo ke edi-nam utom Abasi.

Edideme-utom ŋko eyenam utom-unwam fo enehede ɔfɔn. Eyom ndausuŋ eke Spirit kabaŋa se ekpedeme man afo ekeme ediwuk-enyin nse mme ata akpan-ŋkpɔ mbufo.

4.2.6.

Beŋe Mbon Efen Idem Ndidi Mme Adausuŋ ye Andikpep

Kini ekerede abaŋa owo emi akpanamde-utom ke mme ikoot mme ubiɔŋ ke Ufɔk Abasi, nam ye akam. Ti ete ke Abasi eyenam mbonowo emi Enye okotde edot. Se idi ata akpan-ŋkpɔ edi ke mmɔ enyime edinam-utom, eyesuhɔre-idem eyom unwam Abasi, ndien ke edodomo man edot.

4.2.7.

Beŋe mme Mbono, Ukpep-ŋkpɔ, ye Edinam ye Inwaŋ-inwaŋ Uduak

Eyom ndausuŋ Spirit ke aduakde edinim mme mbono, ukpepŋkpɔ, ye edinam emi enyenede mme inwaŋ-inwaŋ ntak. Mme ntak emi akpana ɔsɔŋɔ mme owo ye ufɔkemana idem, anam mmɔ ekpere Christ, ndien anwam edi-nam utom Abasi eke erinyanga-ukpɔŋ ye edimenede nkure (see chapters 1 ye 2).

4.2.8.

Fiak se Ukeme Fo

Ndien-ndien fiak-se ubiɔŋ-utom ye nkɔri ŋkpɔ-spirit fo nte adausunŋ. Nko kere-banga nkɔri eke mbon emi afo adade-usuŋ.

Enehede eda edikut-unen nte adausuŋ edomo ye nsinifik fo ke edinwam nditɔ Abasi ekabare edi nti mbet Jesus Christ. Afo emekeme edidiɔŋɔ ke Abasi enem-esit ye ukeme fo ke nte afo okopde nte Spirit anamde-utom ke idem fo.

4.3

Mme Esop ekedude ke Ufɔk Abasi

Abasi ama eteme mme adadusuŋ ke Ufɔk Abasi Esie ete eneme ɔtɔkiet ke edi-nam utom Esie (se Doctrine ye Covenants 41:2–3). Mme esɔp ɔnɔ nti-ifet emi mbon esɔp edibɔde eriyarare ke nte mmɔ eyomde edifiɔk se nditɔ Abasi enanade enyuŋ eyom usuŋ man eyɔ mme unana oro.

4.4

Mme Ido eke Nti Esop

4.4.1.

Ntak eke mme Esop Edude

Mme esop enɔ akpan item man enwam mbon ufɔk Abasi ebɔ mme edinam enyuŋ enim ediomi ekesaŋade ye mmɔ.

4.4.2.

Edibeŋe-idem nnɔ mme Mbono Esop

Mme presidency ye esop enyene edibono-kiet ndien-ndien. Mme adausuŋ emi eyom ndausunŋ eke Abasi ke edibeŋe mme mbono esop. Mmɔ nko eyom ekikere eto mbon esop ke edibiere se ekpenemede.

Mme adausuŋ eyak mbon esop ediɔŋɔ ebaŋa mme mbubehe se edinemede ibaŋa kiso. Mbon esop ebeŋe-idem edibuana ifiɔk mmɔ kabaŋa mbubehe emi.

4.4.3.

Nneme ye mme Ubiere

Kini mbono esop, adausuŋ (mme owo kiet emi adausuŋ emekde) eyenam mbubehe se ekerede-ebaŋa anwaŋa. Ekem adausuŋ oro eyeteme ete eneme kotu ofuri mbon esop, obup mbume onyuŋ oyom mme ekikere.

Mbon esop ebuana mme ekikere enyuŋ ekpaŋ-utɔŋ enɔ kiet eken ke ukpono. Nte mmɔ eyomde edidiɔŋ uduak Abasi, spirit eke ifiɔk-Abasi ye edidiana-kiet ekeme edida-ukara.

Ke esop emi esinede iban ye irenowo, adausuŋ eyeoym ifiɔk ye ekikere oto mmɔ mbiba. Iban ye irenowo esiwak edinyene isio-isio ekikere emi ɔnɔde edikem emi eyomde.

Adausuŋ eyekpeme se enemede ke esop. Nte ededi, enye enyene edinɔ mkpaŋ-utɔŋ awak akan edititiŋ-ikɔ.

Ke nneme oro okurede, adausuŋ ekeme edibiere edinam ŋkpɔ mme editre ubiere kini oyomde ndadian etop ye ndausuŋ.

4.4.4.

Edidiana-kiet

Mbon esop eyom edikabare ndi kiet ke udɔŋ ye uduak ye Ete Heaven ye Jesus Christ. Mmɔ edomo eyom edidiana-kiet ke mme nneme ye ubiere mmɔ.

4.4.5.

Edinam ye Edinam-ibat

Mbon esop esinam ata utom mmɔ mbemiso etɔŋɔ mbono esop ye ke ekurede mbono esop. Kini mbono, mmɔ eyom ifiɔk-Abasi ke ediyom mme uduak man enam mme ubiere. Adausuŋ ke mbono eyekot mbon esop ete enam udemem-utom ekeneyede ebuana ye mme uduak emi.

Mbon esop enɔ etop kabaŋa udeme-utom mmɔ. Kpukpru ini nkɔri esitom ntiŋ-enyin unyime ye edifiak-nse udeme-utom.

4.4.6.

Ndedibe

Mme adausuŋ eda ɔnioɔŋ kini ebuanade etop idem-owo kini esop. Mmo esiwak ediyom unyime eke owo ufɔk Abasi man ebuana etop emi.

Mbon esop inaha nte ebuana etop idem-owo ebede ke esop ibɔhɔke eyom oro ke edida nam udeme-utom eke adausuŋ esop nkure.

Usuk mbubehe enehede odobi ke edida ndi kiso ofuri esop.