“5. Tuʻunga Fakatakimuʻa Fakalūkufuá mo Fakaʻēliá,” Ngaahi Konga naʻe Filifili mei he Tohi Tuʻutuʻuni Fakakātoá (2023).
“5. Tuʻunga Fakatakimuʻa Fakalūkufuá mo Fakaʻēliá,” Ngaahi Konga naʻe Filifili mei he Tohi Tuʻutuʻuni Fakakātoá.
5.
Tuʻunga Fakatakimuʻa Fakalūkufuá mo Fakaʻēliá
5.0
Talateú
Ko Sīsū Kalaisi ʻa e “fungani makatuliki” ʻo Hono Siasí (ʻEfesō 2:20). ʻOkú Ne maʻu e ngaahi kī kotoa ʻo e lakanga fakataulaʻeikí. ʻOkú Ne ui ha kau ʻaposetolo mo ha kau palōfita ke tokoni kiate Ia ʻi he ngāue ʻo e fakamoʻuí mo e hakeakiʻí. ʻOkú ne foaki ki he kau tamaioʻeiki ko ʻeni kuo filí ʻa e ngaahi kī kotoa ʻoku fekauʻaki mo e puleʻanga ʻo e ʻOtuá ʻi he māmaní. (Vakai, Tokāteline mo e Ngaahi Fuakava 27:12-13; vakai foki, 3.4.1 ʻi he tohi tuʻutuʻuni ko ʻení.)
ʻOku ui ʻe he ʻEikí ʻa e kakai tangatá ki he tuʻunga ko e Fitungofulú, ʻo fakafou ʻi he kau palōfitá mo e kau ʻaposetoló, ke nau tokoni ʻi Heʻene ngāué ʻi māmani kotoa (vakai, Tokāteline mo e Ngaahi Fuakava 107:38). ʻIkai ngata ai, ʻoku foaki ki he Kau Pīsopeliki Pulé, Kau ʻŌfisa Māʻolungá, pea mo ha kau tangata mo fafine kehe ha ngaahi fatongia mahuʻinga ke tokoni ʻi he ngāué.
Ki ha fakamatala lahi ange, vakai ki he vahe 5 ʻi he Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (ChurchofJesusChrist.org).