6.

Kaun akan en Steik

6.1

Kahrepe kan en Steik

Aiseia karasahieng Saion en imwin-rahn akan impwal ehu me kin katengtengkihdi mete kan (kilang Aiseia 33:20; 54:2).

Kauno ketin kawada steik kan ong “kapwurupwurpenehn” Sapwelime aramas oh “mehn perehre, oh … wasahn rokila” sang sampah (Doctrine and Covenants 115:6).

6.2

Steik Presidensi

Steik preseden kolokol kih en prihsduhd en moangehda doadoahk en Mwomwohdiso wet nan steik (kilang 3.4.1). Ih oh nah soun sawas kan me wiahda steik presedensi. Irail kin apwalih towe kan en nan steik kan ni limpoak, oh sowese irail en wiahla iahngahng mehlel kei ong Sises Krais.

Steik preseden ahneki pwukoah pahieu kesempwal pwukat:

1. Ih me wia kaun en prihsd lapalap akan nan steik.

2. E kin moangehda doadoahk en komour oh lapalapala nan steik

3. Ih me wia soun kopwung.

4. E kin apwalih rekohd kan, wiepen mwohni kan, oh ihmw oh kepwe kan me en mwohmwohdiso.

6.3

Wekpeseng en Manaman en Distrik Preseden oh Steik Preseden

Nan ehu ehu distrik, emen me kolokol Melkisedek Prihsduhd kin kapwukoahieng en wia distrik preseden. E kin papah duwehte steik preseden ahpw ih mepwukat me e kin wek kihsang:

• E sohte wia preseden en prihsd lapalap akan. Soangen pwihn wet kin kokoudahte nan steik.

• Ma preseden en misin pahn kiheng mweimwei, distrik preseden kak wia kapeidek en ohl me pahn wiahla elder. Distrik Preseden de emen me e kin ilakih pil kak (1) kihda eden ohl emen en alehda utuht oh (2) wia kasarawio (kilang 18.10.1.3, 18.10.3, oh 18.10.4). Ahpw, distrik preseden men sohte kak kasarawih peitriark kan, prihsd lapalap kan, de pisop kan.

• Pahn mweimwei en misin preseden, distrik preseden kak kasarawihala prans preseden kan (kilang 18.11).

• E sohte kin kak kakomoalehdi misineri en ansou koaros kan.

• E sohte kak wia kapeidek kan ong silikou en mweimwei ong nan tehnpas sarawi kan de sain silikou pwukat (kilang 26.3.1).

• E sohte kak wia tiepenehn kaunsel en towehkan ma sohte mweimwei alahldi sang misin preseden.

6.5

Kaunsel Lapalap

Presedensi en steik kin idihada prihsd lapalap meh 12[ehk riemen] pwehn wiahda kaunsel lapalap en steik (kilang Doctrine and Covenants 102:1; 124:131).

6.5.1

Weliandi Presedensi en Steik

Presedensi en steik kapwukoahieng emen kaunsel lapalap ong nan ehu ehu ward kan nan steik.

Presedensi en steik pil kin kapwukoahieng emen kaunsel lapalap nan ehu ehu pwihn en elder kan nan steik.

Presedensi en steik kak kapwukoahki kaunsel lapalap kan en padahkih aramas pwukat nan arail pwukoah ong doadoahken tehnpas sarawi oh poadoapoan peneinei oh doadoahk en misineri.

• Presedensi en pwihn en Elder kan

• Kaun en Misin nan Ward kan

• Kaun akan en doadoahk en tehnpas sarawi oh poadoapoan peneinei

6.7

Pwihn kan nan Steik

E kin mie emen preseden me kin moangehda ehu ehu pwihn nan steik, Pwihn en Sawas en Lih, Peinakapw akan, Priimeri, Santi Skuhl, oh Mwahnakapw akan. Preseden pwukat kin doadoahk pahn kaweidpen presedensi en steik.

Kahlapen pwukoah en kaun pwukat iei irail en sewese presedensi en steik padahkih oh kaweid presedensi en pwihn akan nan ehu ehu ward.

6.7.1

Presedensi kan en Pwihn en Sawas en Lih, Peinakapw akan, Praimeri, oh Santi Skuhl nan Steik.

Tohn presedensi pwukat ahneki pwukoah pwukat:

• Papah nan steik kaunsel (presiden kan te)

• Tepin kasukuhl ong presedensi kapw en pwihn akan nan ward

• Kin kihkihda sawas oh kasukuhl. Kin kalapw koaskoasoaieng presedensi en pwihn akan pwe en ese dahme irail anahne, koasoaia duwen anahn en irail akan me irail kin papah, oh padahkiheng irail dahme rohng sang presedensi en steik.

• Padahkih presedensi en pwihn akan nan ward kan ni mihting en kaun akan nan steik (kilang 29.3.4).

6.7.2

Presedensi en Mwahnakapw akan nan Steik

Presedensi en Mwahnakapw akan nan Steik ahneki pwukoah pwukat:

• Wia sawasepen pisoprik nan arail pwukoah ong mwahnakapw akan me kolokol Prihsduhd en Aron.

• Wia tohn koamidi en kaun en me pwulopwul kan nan steik (kilang 29.3.10).

• Pahn kaweidpen steik preseden, irail kin pilahnehda oh koasoanehdi kapokon en iral akan me kolokol Prihsduhd en Aaron.