6.

Taitaiga i le Siteki

6.1

Faamoemoega o se Siteki

Na faamatalaina e Isaia ia Siona o aso e gata ai o se fale’ie po o se tapeneko o le a faamautuina e fao (tagai i le Isaia 33:20; 54:2).

Ua faavaeina e le Alii ia siteki mo “le faapotopotoina faatasi” o Lona nuu ma “mo se puipuiga ma … se sulufaiga” mai le lalolagi (Mataupu Faavae ma Feagaiga 115:6

6.2

Au Peresitene o le Siteki

O le peresitene o le siteki e umia ki o le perisitua e taitaia ai le galuega a le Ekalesia i totonu o le siteki (tagai i le 3.4.1). O ia ma ona fesoasoani e faatulaga ai se au peresitene o le siteki. Latou te tausia tagata o le siteki i le alofa, ma fesoasoani ia i latou ia avea ma soo moni o Iesu Keriso.

O le peresitene o le siteki e fa ona tiutetauave autu:

1. O ia o le faitaulaga sili pulefaamalumalu i totonu o le siteki.

2. Na te taitaia le galuega a le Atua mo le faaolataga ma le faaeaga i totonu o le siteki.

3. O ia o se faamasino o tagata.

4. Na te vaaia faamaumauga, tupe, ma meatotino.

6.3

O eseesega i le va o le Pule a Peresitene o Itu ma le Pule a Peresitene o Siteki

I itu taitasi o tagata o le ekalesia, e valaauina se e umia le Perisitua Mekisateko e avea ma peresitene o le itu. E galue e pei lava o le peresitene o le siteki ae o eseesega nei:

• E le o ia o se peresitene o se korama a faitaulaga sili. O na korama e na o siteki e faatulagaina ai.

• Faatasi ai ma le faamaoniga a le peresitene o le misiona, e mafai e se peresitene o le itu ona faatalanoaina se uso ina ia faauuina o se toeaina. O le peresitene o le itu po o se tasi i lalo o lana taitaiga e mafai foi ona (1) tuuina atu se uso mo le lagolagoina ma le (2) faatinoina o le faauuga (tagai i le 18.10.1.3, 18.10.3, ma le 18.10.4). Peitai, e le mafai e se peresitene o le itu ona ia faauuina peteriaka, faitaulaga sili, po o epikopo.

• Faatasi ai ma le faamaoniga a le peresitene o le misiona, e mafai e se peresitene o le itu ona vaetofia peresitene o paranesi (tagai i le 18.11

• Na te le faamaloloina ia faifeautalai faamisiona.

• E na te le faatautaia ni faatalanoaga o pepa faataga o le malumalu pe sainia ni pepa faataga o le malumalu (tagai i le 26.3.1

• Na te le taloina se fono o se tagata o le ekalesia se’i vagana ua faatagaina e le peresitene o le misiona.

6.5

Fautua Maualuga

E valaauina e le au peresitene o le siteki ia faitaulaga sili e 12 e faatulaga ai le aufono a fautua maualuga a le siteki (tagai i le Mataupu Faavae ma Feagaiga 102:1; 124:131).

6.5.1

Sui i le Au Peresitene o le Siteki

E tofia e le au peresitene o le siteki se fautua maualuga i uarota taitasi i le siteki.

E tofia foi e le au peresitene o le siteki se fautua maualuga i korama taitasi a toeaina i le siteki.

E mafai e le au peresitene o le siteki ona tofia fautua maualuga e a’oa’o atu ia tagata nei i o latou tiutetauave mo le galuega o le malumalu ma talafaasolopito o aiga, ma le galuega faafaifeautalai:

• Au peresitene o korama a toeaina

• Taitai misiona a uarota

• Taitai mo malumalu ma talafaasolopito o aiga a le uarota

6.7

Faalapotopotoga a le Siteki

O faalapotopotoga o le Aualofa a le siteki, Tamaitai Talavou, Peraimeri, Aoga Sa, ma Alii Talavou e tofu taitaia e se peresitene. O nei peresitene e galulue i lalo o le taitaiga a le au peresitene o le siteki.

O tiutetauave autu o nei taitai o le lagolago atu lea i le au peresitene o le siteki ma ia a’oa’o ma lagolagosua i au peresitene o faalapotopotoga a uarota.

6.7.1

Au Peresitene o le Aualofa, Tamaitai Talavou, Peraimeri, ma le Aoga Sa a le Siteki

Ua i ai i sui auai o nei au peresitene ia tiutetauave nei:

• Galulue i le aufono a le siteki (na o peresitene).

• A’oa’o faamasani ia au peresitene fou o faalapotopotoga a le uarota faato’a valaauina.

• Ofo atu le lagolagosua ma a’oa’oga faifaipea. Fesootai e le aunoa ma au peresitene o faalapotopotoga a uarota e iloa ai o latou manaoga, talanoaina manaoga o tagata o loo latou tautuaina, ma faasoa atu faamatalaga mai le au peresitene o le siteki.

• A’oa’o ia au peresitene o faalapotopotoga a uarota i le taimi o fonotaga faaleautaitai a le siteki (tagai i le 29.3.4

6.7.2

Au Peresitene o Alii Talavou a le Siteki

Ua i ai i le au peresitene o Alii Talavou a le siteki ia tiutetauave nei:

• Galulue o se punaoa i au epikopo i o latou tiutetauave mo le usoga a le Perisitua Arona.

• Galulue i le komiti a le au taitai o le autalavou a le siteki (tagai i le 29.3.10

• I lalo o le taitaiga a le au peresitene o le siteki, fuafua ma faamaopoopo ia gaoioiga ma tolauapiga a le Perisitua Arona a le siteki.