“8. Korum dagiti Elder,” Dagiti Napili manipud iti Sapasap a Handbook (2023).
“8. Korum dagiti Elder,” Dagiti Napili manipud iti Sapasap a Handbook
8.
Korum dagiti Elder
8.1
Panggep ken Organisasion
8.1.1
Panggep
Dagiti maikari a lallaki nga agtawen iti 18 ken natataengan ket mabalin nga umawat iti Melchizedek Priesthood ken maordenan iti saad ti elder. Ti maysa a lalaki a naordenan iti dayta a saad ket sumrek iti sagrado a katulagan a tumulong iti Dios a mangitungpal iti aramidna (kitaen iti Doktrina ken Katulagan 84:33–44).
8.1.2
Kinamiembro iti Korum dagiti Elder
Addaan iti korum dagiti elder ti tunggal ward. Iraman daytoy dagiti sumaganad a kakabsat a lallaki:
-
Amin nga elder iti ward
-
Amin nga inanamaen nga elder iti ward (kitaen iti 8.4).
-
Amin a high priest iti ward, malaksid dagiti agdama nga agserserbi iti panguluen ti stake, iti bishopric, iti nangato a konseho, wenno kas patriarch.
Mabalin a rugian ti maysa nga agtutubo a lalaki ti dumar-ay kadagiti miting ti korum dagiti elder inton agtawen iti 18, uray no saan pay a naordenan kas elder. Inton agtawen iti 19 wenno no umakar manipud iti pagtaengan, kas iti panagadal iti unibersidad wenno panagserbi iti mision, nasken a maordenan isuna kas elder no maikari.
Dagiti naasawaan a lallaki nga awan pay 18 ti tawenda ket inanamaen nga elder ken miembroda pay ti korum dagiti elder.
8.2
Pannakiraman iti Aramid ti Pannakaisalakan ken Pannakaitan-ok
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fca%2Fe4%2Fcae4ace5c8cce80f8c4e06fe281c42dbc6d1e9fc%2Fcae4ace5c8cce80f8c4e06fe281c42dbc6d1e9fc.jpeg/full/!250,/0/default)
8.2.1
Panagbiag iti Ebanghelio ni Jesucristo
8.2.1.2
Panagsursuro iti Ebanghelio kadagiti Miting iti Korum
Maangay dagiti miting iti maikadua ken maikapat a Domingo ti bulan. Agpautda iti 50 a minuto. Ti panguluen ti korum dagiti elder ti mangplano kadagitoy a miting. Ti maysa a miembro ti panguluen ti mangiturong.
Maipamaysa kadagiti miting ti korum dagiti topiko iti maysa wenno ad-adu pay a mensahe manipud iti kaudian a sapasap a komperensia.
8.2.1.3
Dagiti Aktibidad
Mabalin a planuen dagiti panguluen ti korum dagiti elder dagiti aktibidad. Maangay ti kaaduan nga aktibidad iti dadduma nga oras malaksid kadagiti Domingo wenno rabii ti Lunes.
8.2.2
Panangaywan Kadagiti Agkasapulan
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F97%2F4e%2F974e9f17846aa514cea90aec8882cfa486d3363a%2F974e9f17846aa514cea90aec8882cfa486d3363a.jpeg/full/!250,/0/default)
8.2.2.1
Ministering
Umawat dagiti miembro ti korum dagiti elder kadagiti ministering assignment manipud iti panguluen ti korum. Para iti ad-adu pay nga impormasion, kitaen iti kapitulo 21.
8.2.2.2
Dagiti Kasapulan iti Ababa a Panawen
Kalikaguman nga awaten ken sungbatan dagiti ministering brother dagiti kasapulan dagiti pagserbianda. Mabalin a kasapulan dagiti miembro ti ababa a tulong iti panawen ti panagsakit, panagpasngay, ipapatay, pannakapukaw ti trabaho, ken dadduma pay a kasasaad.
No kasapulan, agpatulong dagiti ministering brother iti panguluen ti korum dagiti elder.
8.2.2.3
Dagiti Kasapulan iti Napaut a Panawen ken Panagpannuray iti Bukod a Kabaelan
Kas itunos ti bishop, tumulong dagiti panguluen ti korum dagiti elder ken Relief Society kadagiti miembro nga addaan iti napaut a kasapulan ken panagpannuray iti bukod a kabaelan.
Ti presidente ti korum dagiti elder, presidente ti Relief Society, wenno sabali pay a lider ti mangtulong iti tao wenno pamilia a mangparnuay iti Plano iti Panagpannuray iti Bukod a Kabaelan [Self-Reliance Plan]. Makatulong met dagiti ministering brother wenno sister iti plano.
8.2.2.4
No Matay ti maysa a Miembro ti Ward
No matay ti maysa a miembro ti ward, mangidiaya iti liwliwa ken tulong dagiti panguluen ti korum dagiti elder ken Relief Society. Babaen ti panangiwanwan ti bishop, makatulongda iti pamumpon.
Para iti ad-adu pay nga impormasion, kitaen iti 38.5.8.
8.2.3
Panangawis iti Amin nga Umawat iti Ebanghelio
Dutokan ti presidente ti korum dagiti elder ti maysa a miembro ti panguluen tapno tumulong a mangidaulo iti aramid ti misionario ti miembro iti ward. Makipagtrabaho isuna iti natudingan a miembro ti panguluen ti Relief Society tapno mangitunos kadagitoy a panagkagumaan.
8.2.4
Panamagkaykaysa kadagiti Pamilia para iti Kinaagnanayon
Dutokan ti presidente ti korum dagiti elder ti maysa a miembro ti panguluen tapno tumulong a mangidaulo iti aramid iti templo ken family history iti ward. Makipagtrabaho isuna iti natudingan a miembro ti panguluen ti Relief Society tapno mangitunos kadagitoy a panagkagumaan.
Kitaen iti 25.2.2.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F88%2F69%2F886999708076dbf09ad533958c83f683c1dc7440%2F886999708076dbf09ad533958c83f683c1dc7440.jpeg/full/!250,/0/default)
8.3
Dagiti Lider iti Korum dagiti Elder
8.3.1
Panguluen ti Stake ken Bishop
Direkta a responsable ti presidente ti korum dagiti elder iti panguluen ti stake. Regular a makipagkita iti maysa a miembro ti panguluen tapno umawat iti direksion ken mangireport kadagiti pagrebbenganna.
Umawat pay ti presidente ti korum dagiti elder iti pangiwanwan manipud iti bishop, nga isu ti mangimatmaton nga opisial iti ward. Regular nga agkitada.
8.3.2
Nangato a Konsehal
Mangpusgan ti panguluen ti stake iti nangato a konsehal tapno mangibagi kadakuada iti tunggal korum dagiti elder. Nabalabala dagiti pagrebbenganna iti 6.5.
8.3.3
Panguluen iti Korum dagiti Elder
8.3.3.1
Panangawag iti Panguluen ti Korum dagiti Elder
Kalpasan ti pannakiuman iti bishop, awagan ti stake president ti maysa nga elder wenno high priest nga agserbi a kas presidente ti korum dagiti elder.
No umdas ti kadakkel ti yunit, irekomenda ti presidente ti korum dagiti elder iti stake president ti maysa wenno dua nga elder wenno high priest nga agserbi a kas mamagbagana.
8.3.3.2
Dagiti Pagrebbengan
Addaan ti presidente ti korum dagiti elder kadagiti sumaganad a pagrebbengan: Tumulong kenkuana dagiti mamagbagana.
-
Agserbi iti konseho iti ward.
-
Mangidaulo kadagiti panangkagumaan ti korum a makiraman iti aramid ti pannakaisalakan ken pannakaitan-ok (kitaen iti kapitulo 1).
-
Mangurnos ken mangkita iti serbisio dagiti ministering brother.
-
Babaen ti panangiwanwan ti bishop, makiuman kadagiti nataengan a miembro iti ward.
-
Mangitunos kadagiti panagkagumaan ti korum dagiti elder a mangpapigsa kadagiti young adult a kakabsat a lallaki, agpadpada nga awanan asawa ken naasawaan.
-
Saggaysa a makipagkita iti tunggal miembro ti korum iti uray maminsan iti makatawen.
-
Mangisuro kadagiti miembro ti korum kadagiti rebbengenda iti priesthood (kitaen iti Doktrina ken Katulagan 107:89). Karaman ditoy ti panangisuro kadakuada no kasano nga usaren ti priesthoodda iti panangannong kadagiti ordinansa ken bendision.
-
Mangkitkita kadagiti rekord ti korum, report, ken pakaseknan iti kuarta (kitaen iti LCR.ChurchofJesusChrist.org).
8.3.3.3
Miting ti Panguluen
Regular nga agkita ti panguluen ti korum dagiti elder ken secretary. Ti presidente ti mangiturong kadagitoy a miting. Sagpaminsan a dumar-ay ti nangato a konsehal a naidutok iti korum.
Mabalin a karaman iti agenda dagiti sumaganad a banag:
-
Mangplano no kasano a papigsaen dagiti miembro ti korum (a pakairamanan dagiti inanamaen nga elder) ken dagiti pamiliada.
-
Mangitunos iti aramid ti misionario ken aramid iti templo ken family history.
-
Sumungbat kadagiti naituding nga aramiden manipud kadagiti miting ti konseho iti ward.
-
Mangrebyu iti impormasion manipud kadagiti interbyu iti ministering.
-
Mangibilang kadagiti kakabsat a lallaki nga agserbi kadagiti calling ken naituding nga aramiden.
-
Mangplano kadagiti miting ken aktibidad ti korum.
8.3.4
Secretary
Babaen ti pananganamong ti bishop, mabalin nga awagan ti maysa a miembro ti panguluen ti korum dagiti elder ti maysa a miembro ti korum tapno agbalin a secretary ti korum.
8.4
Panangtulong kadagiti Inanamaen nga Elder [Prospective Elder] nga Agsagana nga Umawat iti Melchizedek Priesthood
Ti inanamaen nga elder ket maysa a lalaki a miembro ti Simbaan a saan a nakaawat iti Melchizedek Priesthood ken (1) agtawen iti 19 wenno natataengan wenno (2) ub-ubing ngem 19 ken naasawaan.
Ti panangtulong kadagiti inanamaen nga elder nga agsagana nga umawat iti Melchizedek Priesthood ket maysa kadagiti kangatuan a prioridad ti panguluen ti korum.