lallaki a mangingatngato iti bato

21.

Ministering

21.0

Pakauna

Ti ministering kayatna a sawen ti panagserbi iti dadduma kas iti inaramid ti Mangisalakan (kitaen iti Mateo 20:26–28).

Kayat ti Apo nga umawat iti kasta a pammateg ti amin a miembro ti Simbaanna. Gapu iti daytoy, madutokan ti amin a priesthood holder kas ministering brother iti tunggal miembro ti sangakabbalayan. Madutokan dagiti ministering sister iti tunggal nataengan a kabsat a babai.

21.1

Dagiti Pagrebbengan dagiti Ministering Sister ken Brother

Addaan dagiti ministering sister ken brother kadagiti sumaganad a pagrebbengan para kadagiti indibidual ken pamilia a naidutok kadakuada:

• Mangtulong kadakuada a mangpapigsa iti pammatida iti Nailangitan nga Ama ken ni Jesucristo.

• Mangtulong kadakuada nga agsagana nga agaramid ken agtungpal kadagiti sagrado a katulagan iti Dios no awatenda dagiti ordinansa.

• Mangilasin [discern] kadagiti kasapulan ken mangipaay iti kas ken Cristo nga ayat, panangaywan, ken panagserbi.

• Mangtulong kadakuada nga agbalin a mapagpannuray iti bagida a mainaig iti naespirituan ken temporal.

21.2

Panangbukel iti Ministering

21.2.1

Panagaramid kadagiti Naituding nga Aramiden

Sikakararag dagiti panguluen ti korum dagiti elder ken Relief Society a mangibilang kadagiti naituding nga aramiden dagiti ministering brother ken sister. Gagangay a dutokanda ti dua a lallaki ken dua a babbai kas agkompanion. Kiddawenda ti pananganamong ti bishop para iti ministering companionship ken assignment.

Mabalin a madutokan ti nagkallaysa nga agassawa nga agkadua nga agministerda iti maysa a tao wenno pamilia.

Maawagan, makanunongan, wenno mai-set apart dagiti ministering brother ken sister.

21.2.2

Dagiti Naituding nga Aramiden iti Ministering para kadagiti Agtutubo

Mabalin nga agserbi ti maysa nga agtutubo a babai kas ministering companion iti kabsat a Relief Society no natallugod ken makabael ti agtutubo a babai. Mabalinna ti mangrugi nga agserbi iti tawen a panag-14-na.

Agserbi ti maysa nga agtutubo a lalaki kas ministering companion iti Melchizedek Priesthood holder no maordenan iti saad ti teacher wenno priest.

21.3

Dagiti Interbyu iti Ministering

Ti presidente ti korum dagiti elder ken dagiti mamagbagana ti manginterbyu kadagiti ministering brother. Ti presidente ti Relief Society ken dagiti mamagbagana ti manginterbyu kadagiti ministering sister.

Maangay dagitoy nga interbyu iti uray maminsan laeng iti tunggal kuarter.

Dagiti panggepda ti:

• Mangbalakad maipapan kadagiti pigsa, kasapulan, ken karit dagiti naidutok nga indibidual ken pamilia.

• Paglilinnawagan dagiti wagas a pakatulongan kadagiti tao nga agsagana nga umawat kadagiti ordinansa no kasapulan.

• Mangibilang no kasano a makatulong ti korum dagiti elder, Relief Society, konseho ti ward, ken dadduma pay.

• Mangisuro ken mangparegta kadagiti ministering brother ken sister.

21.4

Panangitunos kadagiti Panagkagumaan iti Ministering

Agmimiting dagiti paguluen ti Relief Society ken korum dagiti elder iti uray tunggal tallo a bulan. Irebyuda no ania ti nasursuroda kadagiti interbyu iti ministering (kitaen iti 21.3). Itunosda pay dagiti naituding nga aramiden iti ministering.

Kadagiti yunit nga addaan iti manmano nga aktibo a miembro, mabalin nga ikeddeng dagiti panguluen ti Relief Society ken korum dagiti elder ti saan a mangdutok iti agpadpada a ministering sister ken ministering brother iti sumagmamano a miembro.