8.

Elders Quorum

8.1

Fan nge Ulung

8.1.1

Fan

Pumo’on nib fel’ thawingraed ni 18 e duw roraed ngalang e rayag ni ngar thapegned fare Melchizedek Priesthood min yibliy raed ko fare office ko elder. Reb e pumo’on nikan yibliy ko biney e office e ke un ngareb e m’ag nib thothup ni nge pii’ e ayuw ko muruwel rok’ Got (muguy ko Doctrine and Covenants 84:33–44).

8.1.2

Membership ko fare Elders Quorum

Ra reb fapi ward ma bay e elders quorum riy. Nib mu’un e tin ba’aray e pumo’on ngay:

• Gubin fapi elders nibay ulan fare ward.

• Gubin fapi pumo’on nike chugur ni ngar manged boech e elders ulan fare ward (muguy ko 8.4).

• Gubin fapi high priests ulan fare ward, makemus ni gathi tin nibe pigpig ko stake presidency, fa ko bishopric, fa high council, fa patriarch.

Pagal nib fel’yangren e rayag ni nge tabab i un ko mo’olung ko elders quorum napan nira gaman e 18 e duw rok’, dariy fan ni fa’anra dawrin yibliy ni nge mang reb e elder. Napan nira 19 e duw rok’ fake chuw u tabinaew, ni woed nike yaen nga college fa pigpig ko mission rok’, ma susun ni ngan yibliy nge mang reb e elder ni fa’anra fel’ thawingin.

Pumo’on nike mabgol ni 18 e duw roraed nga butt’ e woed ni bayra manged fapi elders ma kiyad e bugi members ko fare elders quorum.

8.2

Un ko fare Muruwel ku Got ko Thapegnag nge N’uf Ngalang ko bin Th’abi Tolang ko Falfalaen’

8.2.1

Fol ko Gospel ku Yesus Kristus

8.2.1.2

Fil Mornga’agen e Gospel ulan fapi Mo’olung ko Quorum

Mo’olung riy e yima tay ko fare bin l’agruw nge aningeg ko fare rran ko Madnom ulan reb e pul. Gonap’an ni 50 minut n’umngin nap’an. Fapi presidency ko elders quorum e yead ma ngongliy rogon e pi mo’olung ney. Reb e member ko fare presidency era gagiyegnag fare mo’olung.

Mo’olung ko quorum e baga’ nima weliy mornga’agen fapi numon ni fin giyib ko general conference.

8.2.1.3

Fapi Acvitivies

Fapi presidencies ko elders quorum e rayag ni ngar puruy’ niged fapi activities. Oren fapi activiity e yima tay ko boech e rran ni gathi Madnom fa Ta’areb fana Murwel ko mithigyael’.

8.2.2

Ayuweg e Pi’in nibe Gafgow

8.2.2.1

Pigpig

Fapi members ko fare elders quorum e yaed ma thapeg fapi muruwel ko pigpig nibe yib ko fare quorum presidency. Boech mornga’agen e biney, muguy ko guruy 21.

8.2.2.2

Ayuw ko Taboechingiyal’

Pumo’on nibe pigpig u ta’abang e ngar gayed rogon ni ngar nangfaned mi yaed pii’ e ayuw ko fapi gidii’ ni yaed ma pigpig ngak. Boech e members e bay nib tu’uf e ayuw roraed ko taboechingiyal’ ko ngiyal’ ni yaed m’ar, fa ke gargel bee’, fa bee’ ke yim’, fa bee’ nikan digey ko muruwel, nge ku boech reb e ban’en.

Napanra tu’uf, ma fapi pumo’on nibe pigpig u ta’abang e yaedra fith ngak fapi presidency ko elders quorum ni ngar pii’ed e ayuw.

8.2.2.3

Ayuw nib N’uw Napan nge Gur Rom ni Ngeyag ni Ngam Ayuwegnem

Woed rogon nike ngongliy fare bishof, fare elders quorum nge presidencies ko Relief Society e ngar pii’ed e ayuw ngak fapi members ni bay e tin nib tu’uf roraed nib n’uw napan nge yead roraed ni ngar gayed rogon ni ngar ayuweged yaed.

Fare presidencies ko elders quorum, president ko Relief Society, fa reb e tiyugang’ e ngar ayuweged facha’ fa fare tabinaew ni ngar gayed rogon e Wo’en e Self-Reliance. Fapi pomu’on nge bpin nibe machib u ta’abang e krayag ni ngar pii’ed e ayuw ko rogon i rrin’ e biney.

8.2.2.4

Napan nike Yim’ reb e Member ko fare Ward

Napan ra yim’ reb e member ko fare ward, ma fare elders quorum nge presidencies ko Relief Society e yaedra pii’ e ayuw ko tin nib tu’uf. Ni fare bishof e ir e bay nibe powi’iyraed, ma rayag ni ngar pii’ed e ayuw ko fare magawon.

Boech mornga’agen e biney, muguy ko 38.5. 8.

8.2.3

Pinning e Gidii’ ni Gubin ni nge Thapeg fare Gospel

Fare president ko fare elders quorum era duugliy reb fapi member ko fare presidency ni nge pii’ e ayuw me powi’iy e muruwel ko missionary ulan fare ward. Yowra muruwel reb e member ko presidency ko Relief Society ni ngar gayew rogon ni ngar pii’ew e ayuw.

Muguy ko 23.5.1 nge 23.5.3.

8.2.4

M’ag e Tabinaew ni nge Par ni Manemus

Fare president ko elders quorum era duugliy reb fare member ko fare presidency ni nge pii’ e ayuw ko fapi muruwel nifan e temple nge cheppin e tabinew ulan fare ward. Yowra muruwel reb e member ko presidency ko Relief Society ni ngar gayew rogon ni ngar pii’ew e ayuw.

Muguy ko 25.2.2.

8.3

Tiyugang’ ko Elders Quorum

8.3.1

Stake Presidency nge Bishof

Fare president ko elders quorum e bay e muruwel roraed ngak e stake presidency. Ma mada’ nag reb fapi members ko presidency ni ngan powi’iy ko muruwel rok’ me report nag rogon nibe rrin’ fapi muruwel rok’.

Fare president ko elders quorum e kuma thapeg e powi’iy nibe yib rok’ fare bishof, ni’ir e fare officer nib ga’ ulan fare ward. Yaed ma mada’ ni bo’or yay.

8.3.2

High Councilor

Fare stake presidency era duugliy reb e high councilor ni nge non ni pa’raed ulan reb fapi elders quorum. Fapi mruwel rok’ e ba’aray rogon nibay ko 6.5.

8.3.3

Presidency ko Elders Quorum

8.3.3.1

Pigpig nge Presidency ko Elders Quorum

Tomuren nikan gopuruy’ ngak fare bishof, fare stake president era pining reb e elder fa high priest ni nge pigpig ni’ir e fare president ko fare elders quorum.

Fa’anra baga’ fare unit, fare president ko elders quorum ere yoeg ngak fare stake president ta’areb fa l’agruw e elders fa high priest ni nge mang fagli counselors rok’.

8.3.3.2

Fapi Muruwel

Fare president ko elders quorum e ba’aray rogon e muruwel rok’. Fagli counselors rok’ e yowma pii’ e ayuw ngak.

• Pigpig ulan fare ward council.

• Powi’iy fare quorum ni ngar athamgilgaed mar uned ko fare muruwel ko thapegnag nge n’uf ngalang ko bin th’abi tolang ko falfalaen’ (muguy ko guruy 1).

• Yarmiy me guy rogon fapi pigpig nibe tay fapi pumo’on nibe machib u ta’abang.

• U tan pa’ e tin nibe powi’iy fare bishof, machib ngak fapi members nib ilaal ulan fare ward.

• Yarmiy rogon e athamgil ko elders quorum ni nge pii’ gelngin e pumo’on ni fel’yangren, tin ni dawri mabgol nge tin nike mabgol.

• Ra reb fapi member ko quorum nima mada’ nag ta’abiyay ulan reb e duw.

• Fil ngak fapi members ko quorum rogon e muruwel roraed ko priesthood (muguy ko Doctrine and Covenants 107:89). Biney e mu’un rogon ni fil ngoraed rogon ni ngar fanayed fare priesthood roraed ni ngar rrin’ed fapi gam’ing nge fapi tawa’ath.

• LCR.ChurchofJesusChrist.orgYaed baga’ ko fapi records ko quorum, fapi reports, nge yarmiy e salpiy (muguy ko ).

8.3.3.3

Mo’olung ko Presidency

Fare presidency ko elders quorum nge secretary e yead ma mada’ ni bo’or yay. Fare president e yaed ma gagiyegnag e pi mo’olung ney. Fare high councilor nikan duugliy ko fare quorum e bay ni bochingiyal’ nima un.

Fare agenda e bay nib mu’un e tin ba’aray ngay:

• Puruy’ nag rogon ni ngan gelnag fapi members ko quorum (nib mu’un e tin ni bayi mang elders) nge tabinaew roraed.

• Yarmiy rogon fapi muruwel ko missionary nge temple nge muruwel nifan e cheppin e tabinaew.

• Rrin’ fapi muruwel nike yib ko fapi mo’olung ko ward council.

• Nangfan mornga’agen fapi interview nibe yib ko rogon e pigpig ni yibe tay.

• Tafney nag ko bin ngan ko fapi pumo’on e nge rrin’ reb fapi pigpig nifan e Galasia fa reb e muruwel.

• Puruy’ nag fapi mo’olung ko quorum nge fapi activities.

8.3.4

Secretary

Fa’anra ke pii’ fare bishof mat’won, reb e member ko fare presidency ko elders quorum e bay ni rayag ni nge pining reb e member ko fare quorum ni nge mang fare secretary ko quorum.

8.4

Ayuweg fapi Pumo’on ni Bayra Manged e Elders ni ngar Thapegned fare Melchizedek Priesthood

Bee’ ni bayi mang reb e elder e bee’ ni reb e member ko Galasia nib pumo’on ni dawri thapeg e Melchizedek Priesthood ni (1) 19 e duw rok’ fa ba ilaal fa (2) ba achig e duw rok’ ko 19 make mabgol.

Ayuweg fapi pumo’on ni bayra manged e elders ni ngar thapegned fare Melchizedek Priesthood e ir reb e muruwel ko fapi quorum presidency’s ni rib ga’fan.