rsechal chadecheduch

8.

Chelechad er a re Elders

8.1

Moktek me a Chelechad

8.1.1

Moktek

Klikiid el meklou el sechal el 18 a rekrir el mo er bab a nguu a Melchizedek Priesthood e moterekokl el mo er a obis er a elder. A chad el mechedaol el mo er til obis a soiseb er a chedaol telbiil el mo olngeseu er a Dios el kudmeklii a Urerel (mesa Doctrine and Covenants 84:33–44).

8.1.2

Chedal a Chelechad er a re Elders

A bek el ward a ngarngii a chelechad er a re elders. Ng uldimukl er tirkakid el meklou el sechal.

• Rokui el elders el ngara ward.

• Rokui e mochu sebechir el mo elder el ngara ward (mesa 8.4).

• Rokui el high el prist er a ward, eng di diak luldimukl er tirkel mesiou el ngara omerredel er a stake, klebisop, ngarbab el chelechad, a lechub a patriarch.

A ngeasek el sechal a sebechel lomuchel el ngara ikel miting er a chelechad er a re elders sel bocha les 18 a rekil, a bla lemoterekokl el elder me a lak. Sel bol 19 a lechub eng tobedang er a blil, el mo er a skuul a lechub eng mo er a mision, eng kirel moterekokl el elder a lsekum eng klikiid.

A rebechiil sechal ngariou a rekrir er a 18 el mochu elders me te dirrek el chedal a chelechad er a re elders.

8.2

Meruul a Ureor el kirel a mo Suobel me a Ngar el mo Cherechar

8.2.1

Oltirakl er a Ebangkelio er a Jesus Kristo

8.2.1.2

Omesubel Ebangkelio er a ikel Miting er a Chelechad

Aika el miting a ngarngii sel ongeru me a ongeua el Sandei er a buil. Ng okeim el bung a temel. A rengara omerredel er a chelechad er a re elders a melib aika el miting. Ea chedal omerredel a oungerachel.

A moktek er a miting er a chelechad a mesaod er a tang malechub eng betok el cheldecheduch er a dirk mlomerek el klou el ongdibel.

8.2.1.3

Omilil

A rengara omerredel er a re elders a sebechir el melib omilil. Oumesingd aikal omilil a ngara ikel sils el diak el Sandei a lechub el kebesengei er a Kot el ureor.

8.2.2

Omekerreu er Tirkel Ngesool

8.2.2.1

Oldingel

A rechedal a chelechad er a re elders a nguu a ngerachel er a remerredel er a chelechad el mo oldingel. A lmuut el bebil er a omesodel, e mesa bliongel 21.

8.2.2.2

Di Kedeb a Klsel Ngesou

A rodam loldingel osiik el mo medengei e onger a usbechellir tirkel losiou er tir. A rechedal a ikelesia a locha ousbech di kedeb el taem lousbech a ngesou el uaia rua secher, cheroll, kodall, mo diak loureor, a lechub eng bebil er a tekoi.

A lusbechall, e a roldingel el odam olengit a ngesou er a remerredel er a chelechad er a re elders.

8.2.2.3

Kemanget el Usbechellel a Ngesou me a Duch el Ileakl

Ultuil er a bisop, e a remerredel er a chelechad er a re elders me a Relief Society a ngosuterir a rechedal a ikelesia er a usbechellir er a chelsel a kemanget el taem me a duch el mo ileakl.

A merredel er a chelechad er a re elders, merredel er a Relief Society, a lechub a tara oungerachel a ngoseuir a chad a lechub a telungalek er a Duch el mo Ileakl. A roldingel el rodam me a rodos a dirrek el sebechir lolngeseu el melib.

8.2.2.4

Sel Lemad a Chedal a Ward

Sel lemad a chedal a ward, e a remerredel er a chelechad er ra re elders me a Relief Society a odars ongelaod me a ngesou. Ngokiu a ulekrael er a bisop, eng sebechir lolngeseu er sel temel a kemeldiil.

A lmuut el bebil er a omesodel, e mesa 38.5.8.

8.2.3

Siotai er a Rokiu el Nguu Ebangkelio

A merredel er a chelechad er a re elders a tutkii a chedal omerredel el mo olngeseu el kirel a urerel a misionari er a ward. Ngii oureor lobengkel a kuk mla metutk el chedal omerredel er a Relief Society el kirel orretel tial ureor.

Mesa 23.5.1 me a 23.5.3.

8.2.4

Omak a Telungalek el mo Cherechar

A merredel er a chelechad er a re elders a tutkii a chedal omerredel el mo olngeseu e omekrael er a ureor er a templo me a reksi er a telungalek er a ward. Ngii oureor lobengkel ngike el mla metutk el chedal omerredel er a Relief Society el kirel tial ureor.

Mesa 25.2.2.

8.3

Roungerachel er a Chelechad er a re Elders

8.3.1

Rengara presidency er a Stake me a Bisop

A merredel er a chelechad er a re elders a kmal ngerchelel mengedecheduch er a precidency er a stake. Ng blechoel kebtech lobengkel a tara chedal omerredel el kirel a ulekrael e ouchais a urerel er a ngerchelel.

A merredel er a chelechad er a re elders a dirrek el sebechel ngmai a ulekrael er a bisop, el ngii a bdelul a ward. Te blechoel kebtech.

8.3.2

Ngarbab el Councilor

A remerredel er a stake a tutkii a ngarbab el councilor el mo omtechei er tir er a bek el chelechad. A ngerchelel a beldukl el ngara 6.5.

8.3.3

Omerredel er a Chelechad er a re Elders

8.3.3.1

Okedong me a Omerredel er a Chelechad er a re Elders

Uriul er a cheldecheduch lobengkel a bisop, e a president er a stake a mekodongii a elder a lechub a ngarbab el prist el mo merredel er a chelechad er a re elders.

A lsekum eng klou el unit, e a merredel er a chelechad er a re elders a odersii el mora stake president a ngklel a tang a lechub eng terung el elder a lechub e te ngarbab el prist el mo mesiou el counselor ngii.

8.3.3.2

Ngerachel

A ikakid a ngerchelel a merredel er a president er a re elders. A re counselor ngii olngeseu er ngii.

• Mesiou a chelechad er a ward.

• Omekrael er a chelechad er a ngerchelir el kirel a urerel olsobel me a ngar el mo cherechar (mesa bliongel 1).

• Mengederoder e omes a urerir a roldingel el odam.

• Ngokiu a ulekrael er a bisop, e te mengedecheduch er a remeklou el chad er a ward.

• Omes a urerel a chelechad er a re elders el melisiich er a rengeasek el odam, a remesobil me a rebechiil.

• Mo kebtech lobengterir a redersta el chad er a chelechad el kesengil eng tang er a tal rak.

• Olisechakl er a rechedal a chelechad a ngerchelir er a priesthood (mesa Doctrine and Covenants 107:89). Tia uldimukl er ngii a olisechakl er tir el kirel a usbechellel a priesthood sel longedmokl a chedaol ruoll me a klengeltengat.

• Omes a rekord, report, me a udoud er a chelechad (mesa LCR.ChurchofJesusChrist.org).

8.3.3.3

Miting er a rengara Presidency

A rengara omerredel er a chelechad er a re elders me a secretary a blechoel kebtech. A merredel mengetikaik aika el miting. Ngike el telutk el ngarbab el councilor er a chelechad a sebechel dersta le ngara ikal miting.

A mo soadel er a miting a sebechel uldimukl er ngii aikakid:

• Melib el kmo ng mekera lolisiich er a rechedal a chelechad (luldimukl er tirkel mochu elders) me a telungalek er tir.

• Olngeseu er a urerel a misionari me a templo me a reksi er a telungalek.

• Meruul a ikel ngerachel el metib er a miting er a ward.

• Omes a ikel tekoi el mekedmokl er a roldingel.

• Omes er tirkel odam el sebechir el mo mesiou okedong me a ngerachel.

• Melib a miting me a omilil er a chelechad.

8.3.4

Secretary

Ngokiu a kengei er a bisop, e a chedal omerredel er a chelechad er a re elders a sebechel mekodongii a chedal a chelechad el mo secretary er a chelechad.

8.4

Olngeseu er tirkel Mochu Elders el mo Kldmokl el mo Nguu a Melchizedek Priesthood

A mochu elder el chad a sechal chedal a Ikelesia el dirkak el nguu a Melchizedek Priesthood e (1) 19 a rekil el mo er bab a lechub eng (2) kesai a rekil er a 19 e bechiil.

A olngeseu er a re mochu elder el mo kldmokl el mo nguu a Melchizedek Priesthood a tara kot el ngerchelir a re ngara omerredel er a chelechad.