9.

Relief Society

9.1

Moktek me a Chelechad

9.1.1

Moktek

A Profet Joseph Smith a ulisechakl el kmo a moktek er a Relief Society a mo olsobel er a rechad e mengebekakl a ringel.

A kerbai er a Relief Society a kmo “A Dmolech el Beltikereng a diak lengemed” (1 Korinth 13:8).

9.1.2

Chedal a Relief Society

A ngeasek el dil a sebechel omuchel el ngara Relief Society el bo el 18 a rekil. Sel bocha le 19 a lechub e le tebedang er a blil, el mo er a daingak a lechub eng mision, eng kirel mo ngara Relief Society.

A rebechiil redil el ngariou a rekrir er a 18 a dirrek el chedal a Relief Society.

9.2

Meruul a Urerel a mo Suobel me a Ngar el mo Cherechar

9.2.1

Oltirakl er a Ebangkelio er a Jesus Kristo

9.2.1.2

Omesubel Ebangkelio er a ikel Miting er a Relief Society

Aika el miting a ngarngii sel ongerung me a ongeua el Sandei er a buil. Ng okeim el bung a temel. A rengara omerredel er a Relief Society a melib aika el miting. A tara chedal omerredel a mengetikaik aika el miting.

A miting er a Relief Society a melutk el kirel a suobel e ra chimong malechub eng betok el cheldecheduch er a dirk mlo merek el klou el ongdibel.

9.2.1.3

Omilil

A rengara omerredel er a Relief Society a melib omilil. Oumesingd ikal omilil a ngara ikel taem el diak el Sandei a lechub el kebesengei er a Kot el ureor.

9.2.2

Omekerreu er a Rengesool

9.2.2.1

Oldingel

A rodos a ngmai a ngerachel er a oldingel er tirkel ngara omerredel er a Relief Society. A lmuut el bebil er a omesodel, e mesa bliongel 21.

9.2.2.2

Mekedeb a Klsel Ngesou

A rodos loldingel a osiik el mo medengei e onger aikel usbechall er tirkel losiou er tir. A rechedal a ikelelsia a locha mo ousbech a ngesou el di kedeb el taem el uaia rua secher, cheroll, kodall, mo diak loureor, me a lmuut el bebil.

A lusbechall, e a roldingel el odos olengit a ngesou er a remerredel er a Relief Society.

9.2.2.3

Ngesou er a kemanget el Taem me a Duch el mo Ileakl

Ngultuil er a bisop, e a rengara omerredel er a Relief Society me a chelechad er a re elders a ngosuterir a rechad lousbech a ngesou er a chelsel a kemanget el taem me a duch el mo ileakl.

A merredel er a Relief Society, merredel er a chelechad er a re elders, a lechub a tara oungerachel a ngoseuir a chad a lechub a telungalek er a Duch el mo ileakl.

9.2.2.4

Sel Lemad a Chedal a Ward

Sel lemad a chedal a ward, e a remerredel er a chelechad er a re elders me a Relief Society odars ongelaod me a ngesou. Ngultuil er a dereder er a bisop, eng sebechir el mo olngeseu er a kemeldiil.

A lmuut el bebil er a omesodel, e mesa 38.5.8.

9.2.3

Siotai er a Rokui el Chad el mo Nguu Ebangkelio

A merredel er a Relief Society a tutkii a tara chedal omerredel el mo olngeseu er a ureor er a misionari er a ward. Ng oureor lobengkel ngike el kuk mla metutk er a omerredel er a chelechad er a re elders lorrurt er tial ureor (mesa 23.5.1).

9.2.4

Merenged a Telungalek el mo Cherechar

A merredel er a Relief Society a tutkii a tara chedal omerredel el mo olngeseu a ureor er a templo me a reksi er a telungalek er a ward. Ng oureor lobengkel ngike el kuk mla metutk el ngara omerredel er a chelechad er a re elders er tial ureor (mesa 25.2.2).

9.3

Roungerachel er a Relief Society

9.3.1

Bisop

A bisop a blechoel mo kebtech ngii me a merredel er a Relief Society er a bek el buil. Te mesaod el kirel a ureor er a mo suobel e kiei el mo cherechar, luldimukl er tirkel lodos loldingel.

9.3.2

Omerredel er a Relief Society

9.3.2.1

Okedong er a Remerredel er a Relief Society

A bisop a mekodongii a redil el mo mesiou el merredel er a Relief Society er a ward. A lsekumm eng klou el unit, eng msa ngklir a chimong a lechub a terung el odos el mo mesiou el counselor er ngii.

A bebil er a mekekerei el unit a locha diak a merredel er a Young Women a lechub a Primary. Aikaikid el unit, e a merredel er a Relief Society a sebechel lolngeseu er a roungalek el tuib osisechakl el mo er a rengeasek me a rengalek.

9.3.2.2

Ngerachel

Aikakid a ngerchelel a merredel er a Relief Society. A re counselor ngii olngeseu er ngii.

• Ng mesiou el ngara chelechad er a ward.

• Omtebechel er a ngerchelel a Relief Society el kirel a ureor lolsobel e kiei el mo cherechar (mesa bliongel 1).

• Mengedmokl e omes er a rodos loldingel.

• Ngokiu a dereder er a bisop, eng olisechakl er a remeklou el chad er a ward.

• Omtebechel er a ngerchelel a Relief Society el melisiich er a rengeasek el meklou lodos er a ward, a remesobil me a rebechiil.

• Mo kebtech ngii me a bek el chedal a Relief Society el kesengil eng tang er a tal rak.

• Omes a rekord, report, me a udoud (mesa LCR.ChurchofJesusChrist.org).

9.3.2.3

Miting er a Remerredel

A remerredel er a Relief Society me a secretary a blechoel mo kebtech. A president a mengetikaik aika el miting. A tekoi el soadel a sebechel uldimukl er ngii a:

• Melib el kmo ng mekera lolisiich er a rodos me a telungalek.

• Omtebechel er a ureor er a misionari me a templo me a reksi er a telungalek.

• Meruul aike ureor el metib er a miting er a chelechad er a ward.

• Omes aikel tekoi el mekedmokl er tirkel loldingel.

• Omes er tirkel odos el sebechir el mo mesiou okedong me a ngerachel er a Relief Society.

• Melib a miting me a omilil er a Relief Society.

9.3.3

Secretary

A remerredel er a Relief Society a sebechir el mekodongii a tara odos el mo mesiou el secretary er a Relief Society.

9.4

Olngeseu er a re Young Women el mo Kldmokl el mo Teloi er a Relief Society

A remerredel er a Relief Society oureor lobengterir a re young women, rechad er a blirir, me a roungerachel er a re Young Women el ngosuterir a rengeasek el dil el mo kldmokl el mo teloi er a Relief Society.

A roungerachel a dirrek el mesterir a rengeasek el dil me a rodos er a Relief Society a techall el mekdubech a ungil deleuill. A dmak el mesiou el merael loldingel lodos a tara bedochel rolel a ungil deleuill.

9.6

Lmuut el bebil er a Ulekrael me a Llach

9.6.2

Omenguiu me a Omeluches

A lusbechall, e a remerredel er a Relief Society a oureor lobengkel a bisop, remerredel er a chelechad er a re elders, me a rengara chelechad er a ward el ngosuterir a rechedal a ikelesia el mo mesuub el menguiu e meluches.