mga babayi nga nagatuon sang balaan nga mga kasulatan

9.

Relief Society

9.1

Katuyuan kag Organisasyon

9.1.1

Katuyuan

Si Propetang Joseph Smith nagtudlo nga ang katuyuan sang Relief Society amo ang pagsalbar sang mga kalag kag pagpaumpaw sang pag-antos.

Ang motto sang Relief Society amo “Ang gugma wala [nagakulang]” (1 Mga Taga-Corinto 13:8).

9.1.2

Pagkamiyembro sa Relief Society

Ang lamharon nga babayi pwede na magsugod sulod sa Relief Society pagtungtong niya sang 18 anyos. Pag-edad niya 19 ukon kon maggwa na sia sa puluy-an, pareho abi kon mag-eskwela sa unibersidad ukon magserbe sa misyon, dapat sia nga mag-entra na sa Relief Society.

Ang kasado nga mga babayi nga wala pa 18 anyos mga miyembro man sang Relief Society.

9.2

Pagpartisipar sa Buluhaton sang Kaluwasan kag Pangkahitaasan

9.2.1

Pagpangabuhi sang Ebanghelyo ni Jesucristo

9.2.1.2

Pagtuon sang Ebanghelyo sa mga Miting sang Relief Society

Ang mga klase ginahiwat sa ikaduha kag ikaapat nga mga Domingo sang bulan. Nagalawig ini sang 50 minutos. Ang Relief Society presidency ang nagaplano sining mga miting. Isa ka miyembro sang pangulohan ang nagapamuno.

Ang mga klase sa Relief Society nagatutok sa mga topiko sa isa ukon madamo pa nga mga pamulong-pulong sa pinakaulihi nga pangkabilogan nga komperensya.

9.2.1.3

Aktibidades

Ang mga Relief Society presidency pwede nga magplano sang mga aktibidades. Kalabanan sang mga aktibidades ginahiwat sa adlaw magluwas kon Domingo ukon Lunes sang gab-i.

9.2.2

Pag-atipan sang mga Nagakinahanglan

9.2.2.1

Ministering

Ang mga sister nagabaton sang ministering assignment halin sa Relief Society presidency. Para sa dugang nga impormasyon, tan-awa sa kapitulo 21.

9.2.2.2

Temporaryo nga mga Panginahanglan

Ang mga ministering sister nagatinguha nga intiendihon kag sabton ang mga panginahanglan sang ila mga ginaserbisyohan. Posible nga ang mga miyembro nagakinahanglan sang temporaryo nga bulig sa oras sang pagmasakit, pagbata, pagkapatay, pagkadula sang trabaho, kag iban pa nga mga sirkumstansya.

Kon kinahanglanon, ang mga ministering sister nagapangayo sang bulig sa Relief Society presidency.

9.2.2.3

Malawig nga Panginahanglan kag Self-Reliance

Sa pagpakig-angot sang bishop, ang mga pangulohan sang Relief Society kag elders quorum nagabulig sa mga miyembro nga may malawig nga panginahanglan kag sa self-reliance.

Ang Relief Society president, elders quorum president, ukon iban pa nga lider nagabulig sa tawo ukon pamilya nga maghimo sang Self-Reliance Plan.

9.2.2.4

Kon Mapatay ang Isa ka Miyembro sa Ward

Kon may mapatay nga miyembro sang ward, ang mga pangulohan sang Relief Society kag elders quorum nagahatag sang pagpaumpaw kag bulig. Sa giya sang bishop, pwede sila magbulig sa lubong.

Para sa dugang nga impormasyon, tan-awa sa 38.5.8.

9.2.3

Pag-imbitar sang Tanan nga Magbaton sang Ebanghelyo

Ang Relief Society president nagaasayn sang isa ka miyembro sang pangulohan nga magbulig sa pagpanguna sa pangmisyonero nga buluhaton sang miyembro sa ward. Nagatrabaho sia upod sa naasayn nga miyembro sang pangulohan sang Elders Quorum sa pagpakig-angot sining mga pagpaninguha (tan-awa sa 23.5.1).

9.2.4

Pag-isa sang mga Pamilya sa Wala Katapusan

Ang Relief Society president nagaasayn sang miyembro sang pangulohan nga magbulig sa pagpanguna sa buluhaton sang templo kag family history sa ward. Nagatrabaho sia upod sa naasayn nga miyembro sang pangulohan sang elders quorum sa pagpakig-angot sining mga pagpaninguha (tan-awa sa 25.2.2).

9.3

Mga Lider sang Relief Society

9.3.1

Bishop

Ang bishop masami nagamiting upod sa Relief Society president kada bulan. Ginahambalan nila ang buluhaton sang kaluwasan kag pangkahitaasan, dala ang pagserbisyo sang mga ministering sister.

9.3.2

Relief Society Presidency

9.3.2.1

Pag-call sang Relief Society Presidency

Ang bishop nagatawag sang babayi nga mag-alagad bilang presidente sang Relief Society sa ward. Kon hustuhan ang kadakuon sang yunit, nagarekomendar sia sang isa ukon duha ka babayi nga mag-alagad bilang iya mga manuglaygay.

Ang iban nga magagmay nga yunit pwede nga wala sing presidente sang Young Women ukon Primary. Sa sining mga yunit, pwede nga buligan sang Relief Society president ang mga ginikanan nga magplano sang itudlo sa mga lamharon kag kabataan.

9.3.2.2

Mga Responsibilidad

Ang Relief Society president may masunod nga mga responsibilidad. Ang iya mga manuglaygay nagabulig sa iya.

• Magserbisyo sa ward council.

• Magpanguna sa mga pagpaninguha sang Relief Society nga magpartisipar sa buluhaton sang kaluwasan kag pangkahitaasan (tan-awa sa kapitulo 1).

• Mag-organisar kag dumalahan ang pag-alagad sang mga ministering sister.

• Sa giya sang bishop, magkonsulta sang hamtong nga mga miyembro sang ward.

• Magpakig-angot sang mga pagpaninguha sang Relief Society nga pabakuron ang young adult nga mga sister sa ward, nga single kag kasado.

• Magkigkita sa tagsa ka miyembro sang Relief Society bisan kaisa kada tuig.

• Magdumala sang mga rekord, report, kag pinansyal sang Relief Society (tan-awa sa LCR.ChurchofJesusChrist.org).

9.3.2.3

Miting sang Presidency

Ang Relief Society presidency kag sekretarya regular nga nagamiting. Ang presidente ang nagapamuno sining mga miting. Ang agenda pwede nga magasakop sang masunod:

• Plano kon paano pabakuron ang mga sister kag ang ila mga pamilya.

• Ipakig-angot ang pangmisyonaryo nga buluhaton kag buluhaton sa templo kag family history.

• Magsabat sang mga asaynment halin sa mga miting sang ward council.

• Magrebyu sang impormasyon halin sa mga ministering interview.

• Magbinagbinag kon sin-o nga mga sister ang magserbisyo sa mga calling kag asaynment sa Relief Society.

• Magplano sang mga miting kag aktibidades sang Relief Society.

9.3.3

Secretary

Ang Relief Society presidency pwede nga magrekomendar sang sister nga magserbisyo bilang secretary sang Relief Society.

9.4

Pagbulig sa Young Women nga Maghanda sa Pagpartisipar sa Relief Society

Ang Relief Society presidency nagabuligay upod sa mga young women, sa ila mga ginikanan, kag mga lider sang Young Women para buligan ang mga young women nga maghanda sa pagpartisipar sa Relief Society.

Ang mga lider nagahatag man sang sige-sige nga mga oportunidad para sa mga young women kag mga sister sang Relief Society nga magpabakod sang mga relasyon. Ang pag-alagad sing ululupod bilang mga ministering sister isa sa malahalon nga paagi sa pagpakig-angot.

9.6

Dugang nga mga Pagsulundan kag mga Polisiya

9.6.2

Literasiya

Kon kinahanglan, ang Relief Society presidency nagabuligay upod sa bishop, elders quorum presidency, kag ward council para buligan ang mga miyembro nga magtuon sa pagbasa kag pagsulat.