10.

Mga Korum sa Aaronic Priesthood

10.1

Katuyuan kag Organisasyon

10.1.1

Katuyuan

Ang katuyuan sang korum amo nga buligan ang mga nagakapot sang priesthood nga magbuligay sa pagtuman sang buluhaton sang kaluwasan kag pangkahitaasan.

10.1.2

Tema sang Aaronic Priesthood Quorum

“Pinalangga ako nga anak nga lalaki sang Dios, kag may buluhaton Sia para sa akon.

“Upod ang bug-os ko nga tagipusuon, ikasarang, panghunahuna, kag kusog, higugmaon ko ang Dios, tumanon ang akon mga kasugtanan, kag gamiton ang Iya priesthood sa pag-alagad sa iban, sugod sa akon kaugalingon nga puluy-an.

“Mientras nagatinguha ako nga magserbisyo, magpakita sang pagtuo, maghinulsol kag mag-uswag tagsa ka adlaw, mangin angayan ako sa pagbaton sang mga bugay sang templo kag sang nagadugay nga kalipay sang ebanghelyo.

“Magahanda ako nga mangin matutom nga misyonero, tampad nga bana, kag mapinalanggaon nga amay paagi sa pagkamatuod-tuod nga disipulo ni Jesucristo.

“Magabulig ako sa paghanda sang kalibutan para sa pagbalik sang Manluluwas paagi sa pag-agda sang tanan nga magkari kay Cristo kag magbaton sang mga bugay sang Iya Pagbayad-Sala.”

10.1.3

Mga Korum

10.1.3.1

Korum sang mga Deacon

Ang mga young men nagasulod sa korum sang mga deacon pagsugod sang Enero sa tuig nga mag-edad sila 12 anyos. Sa sini nga tion pwede na sila maordin bilang mga deacon kon handa na sila kag kaangay-angay.

Ang mga tulumanon sang deacon ginlaragway sa Doktrina kag mga Kasugtanan 20:57–59; 84:111. Dala sa iban nga mga tulumanon ang pagpanagtag sang sakramento kag pagbulig sa bishop sa “pagdumala sang tanan nga butang nga dutan-on” (Doktrina kag mga Kasugtanan 107:68).

10.1.3.2

Korum sang mga Teacher

Ang mga young men nagasulod sa korum sang mga teacher pagsugod sang Enero sa tuig nga mag-edad sila 14 anyos. Sa sini nga tiyempo pwede naman sila maordin bilang mga teacher kon handa na sila kag kaangay-angay.

Ang mga teacher may pareho nga mga tulumanon sa mga deacon. Nagahanda man sila sang sakramento kag nagaalagad bilang mga ministering brother. Ang dugang nga mga tulumanon ginalaragway sa Doktrina kag mga Kasugtanan 20:53–59; 84:111.

10.1.3.3

Korum sang mga Priest

Ang mga young men nagasulod sa korum sang mga priest pagsugod sang Enero sa tuig nga mag-edad sila 16 anyos. Sa sini nga tion pwede naman sila maordin bilang priest kon handa na sila kag kaangay-angay.

Ang mga priest may pareho nga mga tulumanon sa mga deacon kag teacher. Ang dugang nga mga tulumanon ginalaragway sa Doktrina kag mga Kasugtanan 20:46–52, 73–79.

10.1.4

Mga Yabi sang Priesthood

Para sa dugang nga impormasyon parte sa sining mga yabi, tan-awa sa 3.4.1.

10.1.5

Pagbagay sang mga Korum sa Lokal nga mga Panginahanglan

Sa ward ukon branch nga diutay lang ang young men, ang mga korum sang Aaronic Priesthood pwede nga tingbon para sa pagtudlo kag sa mga aktibidades.

10.2

Pagpartisipar sa Buluhaton sang Kaluwasan kag Pangkahitaasan

10.2.1

Pagpangabuhi sang Ebanghelyo ni Jesucristo

10.2.1.2

Pagtuon sang Ebanghelyo

Ang mga klase sang korum ginahiwat sa ikaduha kag ikaapat nga Domingo sang bulan. Nagalawig ini sang 50 ka minutos. Isa ka miyembro sang pangulohan sang korum (ukon isa sa mga bulig sang bishop sa priests quorum) ang nagapamuno. Ginapangunahan niya ang korum sa paghambal sing matunog kag dungan sang tema kag sa paghinambalanay parte sa mga asaynment, mga tulumanon, kag iban pa nga mga butang.

Isa ka miyembro sang korum ukon isa ka hamtong nga lider dayon ang nagapamuno sa pagtudlo sang ebanghelyo.

10.2.1.3

Pag-alagad kag Aktibidades

Ang mga pag-alagad kag aktibidades dapat nga magpatubo sang testimonya, magpabakod sang mga pamilya, magpabaskog sang paghiliusa sa korum, kag maghatag sang mga oportunidad nga mabugayan ang iban.

Ang iban nga mga pag-alagad kag aktibidades dapat nga magsakop sang pareho young men kag young women, labi na gid para sa mas gulang na nga mga lamharon.

Tuigan nga Aktibidades. Dugang pa sa regular nga aktibidades sang mga lamharon, ang mga young men pwede man nga magpartisipar sa masunod kada tuig:

• Aaronic Priesthood quorum camp (tan-awa sa Aaronic Priesthood Quorum Camp Guide).

• Ward ukon stake youth conference ukon sa For the Strength of Youth (FSY) conference.

10.2.1.4

Personal nga Pag-uswag

Sa ila pagtinguha nga mangin mas pareho sa Manluluwas, ang mga lamharon ginaagda nga magpahamtang sang mga lalab-uton para magtubo sa espiritwal, sosyal, pisikal, kag sa kinaalam (tan-awa sa Lucas 2:52).

Para sa dugang nga impormasyon, tan-awa sa ChildrenandYouth.ChurchofJesusChrist.org.

10.2.2

Pag-atipan sang mga Nagakinahanglan

Ang mga nagakapot sang Aaronic Priesthood nagabulig sa bishop sa “pagdumala sang tanan nga butang nga dutan-on” (Doktrina kag mga Kasugtanan 107:68). Dapat may regular sila nga mga oportunidad sa pagserbisyo sa iban sa sulod kag upod sang ila pamilya, sa tion sang aktibidades sang mga lamharon, kag kon sila lang.

10.2.2.1

Ministering

Ang mga nagakapot sang Aaronic Priesthood nagabaton sang mga ministering assignment pagsugod sa Enero sang tuig nga magaedad na sila sang 14 anyos. Para sa dugang nga impormasyon, tan-awa sa kapitulo 21.

10.2.3

Pag-imbitar sang Tanan nga Magbaton sang Ebanghelyo

Ang mga nagakapot sang Aaronic Priesthood may tulumanon nga “mag-agda sang tanan nga magkari kay Cristo” (Doktrina kag mga Kasugtanan 20:59).

Ang mga ginikanan kag mga lider nagapaisog sa mga young men nga maghanda sa pagserbisyo sa full-time nga misyon kag sa pagpaambit sang ebanghelyo sa bilog nila nga kabuhi.

10.2.4

Pag-isa sang mga Pamilya sa Wala Katapusan

Ang mga nagakapot sang Aaronic Priesthood makabulig sa pag-isa sang mga pamilya sa wala katapusan sa madamo nga paagi.

• Nagatahod sa ila mga ginikanan kag nagapakita sang ehemplo sang Cristohanon nga pagpangabuhi sa ila balay.

• Nagahanda sa pagbaton sang mga ordinansa sa templo, pati sa pag-asawahay nga wala sing katapusan.

• Nagapangita sang mga katigulangan nga nagakinahanglan sang mga ordinansa sang templo (tan-awa sa FamilySearch.org).

• Nagapartisipar pirme sa mga bunyag kag kumpirmasyon para sa mga napatay kon itugot sang ila sirkumstansya.

10.3

Bishopric

Ang mayor nga responsibilidad sang bishop amo nga atipanon ang mga young men kag young women sa iya ward. Ginahibalo niya ang ila mga ngalan kag ginaintiendi ang ila mga sirkumstansya sa balay. Regular sia nga nagaupod sa ila aktibidades kag mga klase kon Domingo.

Ang bishop amo ang presidente sang priests quorum.

Ang una nga manuglaygay sa bishopric ang responsable para sa teachers quorum. Ang ikaduha nga manuglaygay amo ang responsable para sa deacons quorum.

Ang bishopric may masunod nga dugang nga mga responsibilidad sa mga korum sang Aaronic Priesthood:

• Makigkita sa tagsa ka pamatan-on sang indi magnubo kaduha kada tuig (tan-awa sa 31.3.1).

• Buligan ang mga young men nga maghanda sa pagbaton sang Melchizedek Priesthood.

• Magdumala sang mga rekord, mga report, kag pinansyal sang mga korum sang Aaronic Priesthood.

Ang mga adviser kag espesyalista sang korum nagabulig sa sining mga responsibilidad kon pangayuon.

10.4

Mga Lider sang Youth Quorum

10.4.1

Pagtawag, Pagsakdag, kag Pag-set Apart

Ang bishop nagatawag sang isa ukon duha ka mga priest nga mangin iya mga kabulig sa pagpanguna sang priests quorum.

Isa ka miyembro sang bishopric ang naga-call sang mga deacon kag mga presidente sang teachers quorum. Bisan pa nga madamo ang nagakapot sang Aaronic Priesthood para magserbisyo, ining mga young men mainampuon nga nagabinagbinag kon sin-o ang mga miyembro sang korum nga irekomendar bilang mga counselor kag sekretaryo.

Pagkatapos nga magtanyag sining mga calling, isa ka miyembro sang bishopric ang magapresentar sang mga lider sang korum sang mga lamharon para sa pagsakdag sa miting sang ila korum. Gina-set apart sang bishop ang iya mga assistant kag ang mga presidente sang korum sang mga deacon kag teacher. Ginatugyan niya ang mga yabi sang priesthood sa mga presidente sang korum. Pwede niya asaynan ang iya mga manuglaygay nga i-set apart ang iban pa nga mga miyembro sang pangulohan kag mga secretary.

10.4.2

Mga Responsibilidad

• Magpanguna sa mga pagpaninguha sang korum sa pagpartisipar sa buluhaton sang kaluwasan kag pangkahitaasan (tan-awa sa kapitulo 1).

• Pangilalahon kag alagaran ang tagsa ka miyembro sang korum, pati na ang mga wala nagasulod sa mga miting sang korum.

• Mag-alagad sa ward youth council (tan-awa sa 10.4.4).

• Magtudlo sa mga miyembro sang korum sang ila mga tulumanon sa priesthood (tan-awa sa Doktrina kag mga Kasugtanan 107:85–88).

• Magplano kag maghiwat sang mga miting sang korum (tan-awa sa 10.2.1.2).

• Magplano kag magpatuman sang mga pagserbisyo kag aktibidades sang korum (tan-awa sa 10.2.1.3).

10.4.3

Miting sang Quorum Presidency

Ang mga pangulohan sang Aaronic Priesthood regular nga nagamiting. Ang quorum president amo ang nagapamuno sining mga miting. Duha ka hamtong ang dapat ara—isa ka miyembro sang bishopric, ang adviser, ukon specialist.

10.4.4

Ward Youth Council

Tan-awa sa 29.2.6 para sa dugang nga impormasyon parte sa ward youth council.

10.8

Dugang nga mga Pagsulundan kag Polisiya

10.8.1

Pag-amlig sang mga Lamharon

Kon nagapakigsimpon ang mga hamtong sa mga lamharon sa Simbahan, dapat may ara gid sang duha ka responsable nga mga hamtong.

Ang tanan nga mga hamtong nga nagatrabaho upod sa mga lamharon kinahanglan gid nga makatapos sang children and youth protection training sa sulod sang isa ka bulan pagkatapos nga ma-sustain (ProtectingChildren.ChurchofJesusChrist.org).