10.

Dagiti Korum iti Aaronic Priesthood

10.1

Panggep ken Organisasion

10.1.1

Panggep

Ti panggep ti maysa a korum ket tapno matulongan dagiti priesthood holder nga agtitinnulong a mangipatungpal iti aramid ti pannakaisalakan ken pannakaitan-ok.

10.1.2

Tema ti Korum ti Aaronic Priesthood

“Maysaak a maipatpateg nga anak ti Dios, ken adda paaramidna kaniak.

“Iti amin a pusok, kabaelan, panunotko ken pigsak, ipatpategko ti Dios, tungpalek dagiti katulagak, ken usarek ti priesthoodna nga agserbi iti dadduma, mangrugi iti pagtaengak.

“No ikarigatak ti agserbi, aramatek ti pammati, agbabawi, ken dumur-as iti inaldaw, maikariak nga umawat kadagiti bendision ti templo ken ti napaut a rag-o ti ebanghelio.

“Agsaganaakto nga agbalin a napasnek a misionario, napudno nga asawa, ken managayat nga ama babaen ti panagbalin a pudno a disipulo ni Jesucristo.

“Tumulongakto a mangisagana iti lubong para iti yaay ti Mangisalakan babaen ti panangawis iti amin nga umay ken Cristo ken umawat kadagiti bendision ti Pannubbotna.”

10.1.3

Dagiti Korum

10.1.3.1

Korum dagiti Deacon

Kumappeng dagiti agtutubo a lallaki iti korum dagiti deacon mangrugi iti Enero iti tawen nga agtawenda iti 12. Iti daytoy a gundaway maikarida pay a maordenan a deacon no nakasagana ken maikarida.

Nailadawan dagiti pagrebbengan ti maysa a deacon iti Doktrina ken Katulagan 20:57–59; 84:111. Mairaman iti dadduma pay a pagrebbengan ti panangipasa iti sakramento ken panangtulong iti bishop iti “panangannong iti amin a naindagaan a banag” (Doktrina ken Katulagan 107:68).

10.1.3.2

Korum dagiti Teacher

Kumappeng dagiti agtutubo a lallaki iti korum dagiti teacher mangrugi iti Enero iti tawen nga agtawenda iti 14. Iti daytoy a gundaway maikarida pay a maordenan a teacher no nakasagana ken maikarida.

Addaan dagiti teacher iti isu met laeng a pagrebbengan a kas kadagiti deacon. Isaganada pay ti sakramento ken agserbida kas ministering brother. Nailadawan dagiti mainayon a pagrebbengan iti Doktrina ken Katulagan 20:53–59; 84:111.

10.1.3.3

Korum dagiti Priest

Kumappeng dagiti agtutubo a lallaki iti korum dagiti priest mangrugi iti Enero iti tawen nga agtawenda iti 16. Iti daytoy a gundaway maikarida pay a maordenan a priest no nakasagana ken maikarida.

Addaan dagiti priest iti isu met laeng a pagrebbengan a kas kadagiti deacon ken teacher. Nailadawan dagiti mainayon a pagrebbengan iti Doktrina ken Katulagan 20:46–52, 73–79.

10.1.4

Dagiti Tulbek ti Priesthood

Para iti impormasion maipapan kadagitoy a tulbek, kitaen iti 3.4.1.

10.1.5

Panangibagay kadagiti Korum kadagiti Lokal a Kasapulan

Iti maysa a ward wenno branch nga addaan iti sumagmamano nga agtutubo a lallaki, mabalin nga agmimiting dagiti korum ti Aaronic Priesthood para iti instruksion ken dagiti aktibidad.

10.2

Pannakiraman iti Aramid ti Pannakaisalakan ken Pannakaitan-ok

10.2.1

Panagbiag iti Ebanghelio ni Jesucristo

10.2.1.2

Panagsursuro iti Ebanghelio

Maangay dagiti miting iti maikadua ken maikapat a Domingo ti bulan. Agpautda iti 50 a minuto. Maysa a miembro ti panguluen ti korum (wenno maysa kadagiti katulongan ti bishop iti korum dagiti priest) ti mangiturong. Idauluanna ti korum iti panangisao iti tema ken panaggiinnuman maipapan kadagiti naituding nga aramiden, pagrebbengan, ken dadduma pay a banag.

Kalpasanna idauluan ti maysa a miembro ti korum wenno adult leader ti panangisuro iti ebanghelio.

10.2.1.3

Serbisio ken dagiti Aktibidad

Nasken a ti serbisio ken dagiti aktibidad ti mangpatibker kadagiti pammaneknek, mangpapigsa kadagiti pamilia, mangpataud iti panagkaykaysa ti korum, ken mangipaay kadagiti gundaway a mangbendision kadagiti dadduma.

Nasken a mairaman iti dadduma pay a serbisio ken dagiti aktibidad dagiti agpada nga agtutubo a lallaki ken agtutubo a babbai, nangnangruna kadagiti natataengan nga agtutubo.

Dagiti Tinawen nga Aktibidad. Kas nayon kadagiti regular nga aktibidad dagiti agtutubo, mabalin pay a makiraman dagiti agtutubo a lallaki iti sumaganad iti tunggal tawen:

• Maysa a kamping ti korum ti Aaronic Priesthood (kitaen iti Aaronic Priesthood Quorum Camp Guide).

• Maysa a komperensia dagiti agtutubo iti ward wenno stake wenno maysa a komperensia ti Para iti Pigsa dagiti Agtutubo (FSY).

10.2.1.4

Bukod a Panagdur-as

Kadagiti panangkagumaanda nga agbalin nga ad-adda a kas iti Mangisalakan, maawis dagiti agtutubo a mangituding kadagiti panggep a tun-oyen a dumur-as iti naespirituan, sosial, pisikal, ken intelektual (kitaen iti Lucas 2:52).

Para iti ad-adu pay nga impormasion, kitaen iti ChildrenandYouth.ChurchofJesusChrist.org.

10.2.2

Panangaywan Kadagiti Agkasapulan

Tumulong dagiti Aaronic Priesthood holder iti bishop iti “panangannong iti amin a naindagaan a banag” (Doktrina ken Katulagan 107:68). Nasken nga addaanda kadagiti regular a gundaway nga agserbi iti dadduma ken kadagiti pamiliada, bayat dagiti aktibidad dagiti agtutubo, ken iti bukodda.

10.2.2.1

Ministering

Umawat dagiti Aaronic Priesthood holder kadagiti naituding nga aramiden iti ministering mangrugi iti Enero iti tawen nga agtawenda iti 14. Para iti ad-adu pay nga impormasion, kitaen iti kapitulo 21.

10.2.3

Panangawis iti Amin nga Umawat iti Ebanghelio

Addaan dagiti Aaronic Priesthood holder iti pagrebbengan a “mangawis iti amin nga umasideg ken ni Cristo”(Doktrina ken Katulagan 20:59).

Paregtaen dagiti nagannak ken lider dagiti agtutubo a lallaki nga agsagana nga agserbi kadagiti full-time a mision ken mangibinglay iti ebanghelio iti unos ti panagbiagda.

10.2.4

Panamagkaykaysa kadagiti Pamilia para iti Kinaagnanayon

Makatulong dagiti Aaronic Priesthood holder a mamagkaykaysa kadagiti pamilia iti kinaagnanayon iti adu a wagas.

• Mangdayaw kadagiti dadakkelda ken mangipakita iti pagwadan ti panagbiag a kas ken Cristo iti pagtaenganda.

• Agsagana nga umawat kadagiti ordinansa ti templo, agraman ti agnanayon a panagkallaysa.

• Mangilasin kadagiti kapuonan nga agkasapulan kadagiti ordinansada iti templo (kitaen iti FamilySearch.org).

• Makiraman kadagiti panagbuniag ken kumpirmasion para kadagiti natay a masansan no ipalubos dagiti kasasaad.

10.3

Bishopric

Umuna ken kangrunaan a pangrebbengan ti bishop ti mangaywan kadagiti agtutubo a lallaki ken agtutubo a babbai ti wardna. Mangammo iti nagnaganda ken maawatanna dagiti kasasaadda iti pagtaenganda. Regular a dar-ayanna dagiti aktibidad ken mitingda iti Domingo.

Ti bishop ti presidente ti korum dagiti priest.

Addaan ti umuna a mamagbaga iti bishopric iti pagrebbengan para iti korum dagiti teacher. Addaan ti maikadua a mamagbaga iti pagrebbengan para iti korum dagiti deacon.

Addaan ti bishopric kadagiti sumaganad a mainayon a pagrebbengan para kadagiti korum ti Aaronic Priesthood:

• Saggaysa a makipagkita iti tunggal agtutubo a lalaki iti uray laeng mamindua iti makatawen (kitaen iti 31.3.1).

• Mangtulong kadagiti agtutubo a lallaki nga agsagana nga umawat iti Melchizedek Priesthood.

• Mangkita kadagiti rekord, report, ken pakaseknan iti kuarta dagiti korum ti Aaronic Priesthood.

Mangtulong kadagiti mamalbalakad ken specialist ti korum kadagitoy a pagrebbengan no makiddaw.

10.4

Dagiti Lider ti Korum dagiti Agtutubo

10.4.1

Panangawag, Panangkanunong, ken Panang-set Apart

Mangawag ti bishop iti maysa wenno dua a priest nga agbalin nga assistant-na iti panangidaulo iti korum dagiti priest.

Mangawag ti maysa a miembro ti bishopric kadagiti presidente ti korum dagiti deacon ken teacher. No adda umdas nga Aaronic Priesthood holder nga agserbi, sikakararag dagitoy nga agtutubo a lallaki a mangibilang kadagiti miembro ti korum tapno irekomenda kas dagiti mamagbaga ken maysa a secretary.

Kalpasan ti panangted kadagitoy a calling, idatag ti maysa a miembro ti bishopric dagiti lider ti korum dagiti agtutubo para iti panangkanunong iti mitingda iti korum. Ti bishop ti mang-set apart kadagiti assistantna ken dagiti presidente ti korum dagiti deacon ken teacher. Isu ti mangi-confer kadagiti tulbek ti priesthood kadagiti presidente ti korum. Mabalinna a dutokan dagiti mamagbagana a mang-set apart iti dadduma pay a miembro ti panguluen ken sacrerary.

10.4.2

Dagiti Pagrebbengan

• Mangidaulo kadagiti panagkagumaan ti korum a makiraman iti aramid ti pannakaisalakan ken pannakaitan-ok (kitaen iti kapitulo 1).

• Mangam-ammo ken pagserbianna ti tunggal miembro ti korum, agraman dagiti saan a dumardar-ay kadagiti miting ti korum.

• Agserbi iti konseho dagiti agtutubo iti ward (kitaen iti 10.4.4).

• Mangisuro kadagiti miembro ti korum kadagiti rebbengenda iti priesthood (kitaen iti Doktrina ken Katulagan 107:85–88).

• Mangplano ken mangiturong kadagiti miting ti korum (kitaen iti 10.2.1.2).

• Mangplano ken mangipatungpal iti serbisio ken dagiti aktibidad ti korum (kitaen iti 10.2.1.3).

10.4.3

Miting ti Panguluen ti Korum

Regular nga agmiting dagiti panguluen ti korum ti Aaronic Priesthood. Ti presidente ti korum ti mangiturong kadagitoy a miting. Dumar-ay ti uray dua laeng a nataengan—maysa a miembro ti bishopric, maysa a mamalbalakad, wenno maysa a specialist.

10.4.4

Konseho dagiti Agtutubo iti Ward

Kitaen iti 29.2.6 para iti ad-adu pay nga impormasion maipapan iti konseho dagiti agtutubo iti ward.

10.8

Dagiti Mainayon a Pangiwanwan ken Annuroten

10.8.1

Panangsaluad kadagiti Agtutubo

No makilanglangen dagiti nataengan kadagiti agtutubo kadagiti setting ti Simbaan, nasken nga adda uray dua laeng a responsable a nataengan.

Amin a nataengan a makipagtrabaho kadagiti agtutubo ket nasken a leppasenda ti training iti panangsaluad kadagiti ubbing ken agtutubo iti uneg ti makabulan a pannakakanunongda (ProtectingChildren.ChurchofJesusChrist.org).