pagal ni fal’yangren u galasia

10.

Fapi Quorum ko Aaronic Priesthood

10.1

Fan nge Ulung

10.1.1

Fan

Fare fan e quroum e nge pii’ e ayuw ngak e pi’in nibay e priesthood roraed ni ngar muruwel gaed u ta’abang ni ngar rrin’ed fare muruwel rok’ Got ko thapegnag nge n’uf ngalang ko bin th’abi tolang ko falfalaen’.

10.1.2

Theme ko Quorum ko Aaronic Priesthood

“I gag e bitir ku Got ni gub t’uf rok’, ma bay e muruwel rog nike pii’ ni nggu rrin’.

“U polo’ i gum’ircha’eg, lanin’ug, tafney rog, nge gelngig, gura t’ufeg Got, ma gura ayuweg fapi m’ag rog, ma gura fanay fare priesthood rok’ ni nggu pigpig ngak e gidii’, ni somm’on e biney e nge tabab ulan e tabinaew rog.

“Napan ni gabe gay rogon ni nggu pigpig, ma gube gay rogon e mich, kalngaen’, nge mon’og ni gubin e rran, ma rayag ni gura thapeg fapi tawa’ath ko temple nge fare falfalaen’ ko gospel.

“Gura ngongliy rogog ni nggu mang reb e missionariy nib yul’yul’, reb e figirngiy nib yul’yul’, nge reb e matam nib riyul’ ni reb e gachalpen Yesus Kristus.

“Gura pii’ e ayuw nggu fal’ag rogon e fayleng nifan fare wub rok’ fare Tathapeg ni gura rrin’ e biney ni gube pinning e gidii’ ni gubin ni nge yib ngak Kristus nge thapeg fapi tawa’ath ko Bayul rok’.

10.1.3

Fapi Quorum

10.1.3.1

Fapi Quorum ko Deacon

Fapi pagal ni fal’yangren e yaed ma tabab ngar uned ko fapi quorum ko deacon ko m’on ko Januray ulan fare duw nira gaman 12 e duw roraed. Napan nira taw ko ngiyal’ ney ma krayag ni ngan yibliy raed ni ngar manged fapi deacon ni fa’anra kar fal’aged rogonraed ma fel’ thawingraed.

Rogon fapi muruwel ko deacon e ba’aray rogon nikan weliy ko Doctrine and Covenants 20:57–59; 84:111. Boech e muruwel e woed nib mu’un i pii’ fare sakramant nge pii’ e ayuw ngak e bishof ko “gubin mit e pigpig nib tu’uf” (Doctrine and Covenants 107:68).

10.1.3.2

Fapi Quorum ko Sensey

Fapi pagal ni fal’yangren e yaed ma tabab ngar uned ko fapi quorum ko teachers ko m’on ko Januray ulan fare duw nira gaman 14 e duw roraed. Napan nira taw ko ngiyal’ ney ma krayag ni ngan yibliy raed ni ngar manged fapi teachers ni fa’anra kar fal’aged rogonraed ma fel’ thawingraed.

Fapi teacher nge deacon e ta’areb rogon fapi muruwel roraed. Ki yaed ma fal’ag rogon fare sakrament ma ki yaed ma pigpig u ta’abang ni bugi walag ni pagal. Rogon fapi muruwel ni yaed ma rrin’ e ba’aray rogon nikan weliy ko Doctrine and Covenants 20:53–59; 84:111.

10.1.3.3

Fapi Quorum ko Prist

Fapi pagal ni fal’yangren e yaed ma tabab ngar uned ko fapi quorum ko prist ko m’on ko Januray ulan fare duw nira gaman 16 e duw roraed. Napan nira taw ko ngiyal’ ney ma krayag ni ngan yibliy raed ni ngar manged fapi prist ni fa’anra kar fal’aged rogonraed ma fel’ thawingraed.

Fapi prist e ta’areb rogon fapi muruwel roraed ko deacons nge sensey. Rogon fapi muruwel ni yaed ma rrin’ e ba’aray rogon nikan weliy ko Doctrine and Covenants 20:46–52, 73–79.

10.1.4

Fapi Kiy ko Priesthood

Boech mornga’agen e pi kiy ney, muguy ko 3.4. 1.

10.1.5

Thilyeg fare Quorum ni nge Ayuweg e tin nib Tu’uf nib Local

Ulan e ward fa branch ni ri’in e pagal riy ni fal’yangren, fare quorum ko Aaronic Priesthood e rayag nira mada’ nga ta’abang nifan e tin ni ngan fil nge fapi activities.

10.2

Un ko fare Muruwel rok’ Got ko Thapegnag nge N’uf Ngalang ko bin Th’abi Tolang ko Falfalaen’

10.2.1

Fol ko Gospel ku Yesus Kristus

10.2.1.2

Fil Mornga’agen e Gospel

Mo’olung ko fapi quorum e yima tay ko fare bin l’agruw nge eningeg ko fare rran ko Madnom ulan reb e pul. Gonap’an ni 50 minut n’umngin nap’an. Reb e member ko fare presidency quorum (fa reb e assistant rok’ bishof ulan fare quorum ko prist) era gagiyegnag e mo’olung. Ra tabab nag fare quorum ni ngar be’eged fare theme mi yaed machib u ta’abang ko mornga’agen fapi muruwel, nge tin nib tu’uf ban’en.

Reb e member ko quorum fa reb e tiyugang’ nib ilaal era tabab nag fare gospel.

10.2.1.3

Pigpig nge Activities

Pigpig nge activities e susun ni nge gel nag e mich, me gelnag e tabinaew, me chagliy e quorum nga ta’bang, me pii’ kanawo’en ni nge tawa’ath nag boech e gidii’.

Boech e pigpig fa activities e susun ni ngan chagliy e pagal ni fal’yangren nge bpin ni fal’yangren riy nga ta’abang, ni baga’ nifan e fal’yangren nib ilaal.

Fapi Gosgos ni Gubin e Duw. Chagliy e activities ni gubin ngiyal’ nifan e fal’yangren, pagal ni fal’yangren e krayag nira un ko tin ni ba’aray ni gubin e duw:

• Camp nifan e quorum ko Aaronic Priesthood (muguy ko Aaronic Priesthood Quorum Camp Guide).

• Conference ko fal’yangren ko ward nge stake fa conference ko For the Strength of Youth (FSY).

10.2.1.4

Mo’olung ni nge Ayuwegnem ngam Mon’og

Rogon ni yaedra gay rogon ni ngar boded fare Tathapeg, fapi fal’yangren e kan pinning raed ni ngar ngongliyed fapi goals nira ayuwegraed ngar mon’og gaed ko tin nib thothup ban’en, tha’ roraed ngak e gidii’, dogur roraed, nge llowean’ roraed (muguy ko Luke 2:52).

Boech mornga’agen e biney, muguy ko ChildrenandYouth.ChurchofJesusChrist.org.

10.2.2

Ayuweg e Pi’in nibe Gafgow

Pi’in nibay e Aaronic Priesthood roraed e yaed ma pii’ e ayuw ngak e bishof ko “gubin mit e pigpig nib tu’uf” (Doctrine and Covenants 107:68). Susun ni bo’or kanawo’en ni rayag ni ngar pigpig gaed ngak e gidii’ nge tabinaew roraed, ko napan e ngiyal’ ko activities nifan e fal’yangren, nge ngiyal’ ni yigo yaed roraed.

10.2.2.1

Pigpig

Pi’in nibay e Aaronic Priesthood roraed e yaed ma thapag fapi muruwel roraed nifan e machib ko m’on ko Januray ulan fare duw nira gaman 14 e duw roraed. Boech mornga’agen e biney, muguy ko guruy 21.

10.2.3

Pinning e Gidii’ ni Gubin ni nge Thapeg fare Gospel

Pi’in nibay e Aaronic Priesthood roraed e bay e muruwel roraed ni ngar “pinninged e gidii’ ni gubin ni nge yib ngak Kristus” (Doctrine and Covenants 20:59).

Galibthir nge fapi tiyugang’ e ngar pii’ed e athamgil ngak fapi pagal ni fal’yangren ni ngar pigpig gaed ko mission ni ga’angin yang mi yaed machib nag fare gospel ulan e yafos roraed.

10.2.4

Chagliy e Tabinaew ni Dariy Bi’id Manemus

Pi’in nibay e Aaronic Priesthood roraed e rayag ni ngar chagliyed e tabinaew ni nge par ni dariy bi’id manemus ni bo’or kanawo’en.

• Liyoer ngak e galibthir roraed mi yaed fanow ni woed wo’en Kristen ulan e tabinaew roraed.

• Ngongliyed rogon raed ni ngar thapagned fapi gam’ing ko temple, nib mu’un e mabgol ngay ni dariy bi’id manemus.

• Gay mornga’agen e gidii’ ni kakrom nib tu’uf ni ngan muruwliy e gam’ing ko temple nifan (muguy ko FamilySearch.org).

• Ma un ko fapi tawfe nge thapeg e thothup nifan e pi’in nike yim’ ko urngin ngiyal’ ni rayag rok’.

10.3

Bishofric

Fare bin th’abi ga’fan e muruwel rok’ fare bishof e fan ngak fapi pagal ni fal’yangren nge fapi bpin ni fal’yangren ulan fare ward. Ra fil fithinganraed ma gay rogon nge nangfan rogon e mithmith ko tabinaew roroad. Ma un ko fapi activities roraed nge fapi mo’olung nifan e Madnom.

Fare bishof e ire fare president ko quorum ko priest.

Fare bin somm’on e counselor ulan e bishofric e bay e muruwel rok’ nifan fare quorum ko fapi teacher. Fare bin l’agruw e counselor e bay e muruwel rok’ nifan fare quorum ko fapi deacons.

Fare bishofric e ba’aray boech nikan chagliy ko muruwel rok’ nifan fapi quorum ko Aaronic Priesthood:

• Ma mada’ nag fapi pagal ni fal’yangren l’agruw yay ulan reb e duw (muguy ko 31.3.1).

• Ayuweg fapi pagal ni fal’yangren ni ngar thapegned fare Melchizedek Priesthood.

• Yaed baga’ ko fapi records, fapi reports, nge salpiy ko fapi quorum ko Aaronic Priesthood.

Fapi advisors nge fapi specialists e yead ma pii’ e ayuw ko pi muruwel ney ni fa’anra yira fith.

10.4

Fapi Tiyugang’ ko Quorum ko Fal’yangren

10.4.1

Pigpig, Sustain nag, nge Set Apart

Fare bishof era mel’eg ta’areb fa l’agruw e prist ni nge pigpig ni’ir e assistant rok’ ni nge powi’iy fare quorum ko prist.

Reb e member ko fare bishofric era mel’eg bee’ ni nge pigpig ni’ir e president ko fapi deacons nge teachers. Fa’anra ba yo’or e pi’in nibay e Aaronic Priesthood rok’ ni rayag ni nge pigpig, ma fapi pagal ni fal’yangren e ngar meybil gaed ko mini’ ko fapi members ko quorum ni nge mang fagli counselors nge secretary.

Tomuren nikan mu’ i duugliy e pi’in ni nge pigpig, reb e member ko fare bishofric ere yoeg ko mini’ e kan tuurguy ni nge mang fare tiyuang’ ko quorum ko fal’yangren min sustain nag ulan fare mo’olung roraed. Fare bishof era yibliy fagli assistant rok’ nge facha’ nikan mel’eg ni nge pigpig ni’ir e president ko fapi deacons nge teachers. Me pii’ fapi kiy ko priesthood ngak fapi president ko quorum. Krayag nira duugliy fagli counselors rok’ ni ngar yibliyew boech fapi member ko presidency nge fapi secretary.

10.4.2

Fapi Muruwel

• Powi’iy fare quorum ni ngar athamgilgaed mar uned ko fare muruwel rok’ Got ko thapegnag nge n’uf ngalang ko bin th’abi tolang ko falfalaen’ (muguy ko guruy 1).

• Nang me pigpig ngak urngin fapi member ko quorum, nib mu’un e pi’in ni darma un ko fapi mo’olung ko quorum.

• Pigpig ulan fare mo’olung’ nifan e fal’yangren ko ward (muguy ko 10.4.4).

• Fil ngak fapi members ko quorum rogon e muruwel roraed ko priesthood (muguy ko Doctrine and Covenants 107: 85–88).

• Yarmiy me gagiyegnag fapi mo’olung ko quorum (muguy ko 10.2.1.2).

• Yarmiy me fal’ag rogon fapi pigpig nge activities ko quorum (muguy ko 10.2.1.3).

10.4.3

Mo’olung ko Quorum ko Presidency

Fapi presidency ko quorum ko Aaronic Priesthood e yead ma mada’ ni bo’or yay. Fare president ko fare quorum e ma gagiyegnag e pi mo’olung ney. L’agruw nii’ nib ilaal era tu’uf ni nge un—reb e member ko fare bishofric, reb e advisor, fa specialist.

10.4.4

Council ko Fal’yangren ko Ward

Muguy ko 29.2.6 boech mornga’agen e council ko fal’yangren ko ward.

10.8

Boech Kanawo’en nge Motochiyel

10.8.1

Gafaeliy e Fal’yangren

Fa’anra bay e gidii’ nib ilaal nibe un ngak e fal’yangren ko tin ni yibe rrin’ u Galasia, ma susun ni l’agruw nii’ nib ilaal nib fel’ panngin era par roraed.

Gubin e gidii’ nima pii’ e ayuw ngak e fal’yangren e thingari mu’nag fare training nifan e bitir nge fal’yangren ulan fare puul nikan yibliy riy (ProtectingChildren.ChurchofJesusChrist.org).