10.

Kolèj Prètriz Aawon

10.1

Objektif ak Òganizasyon

10.1.1

Objektif

Objektif yon kolèj (kowòm) se ede detantè prètriz yo travay ansanm pou akonpli travay sali ak egzaltasyon an.

10.1.2

Tèm Kolèj Prètriz Aawon an

“M se yon pitit gason byeneme Bondye, epi Li gen yon travay pou m fè.

“Avèk tout kè m, tout panse m, ak tout fòs mwen, m ap renmen Bondye, m ap kenbe alyans mwen yo, epi m ap itilize prètriz Li a pou m sèvi lòt moun, kòmanse nan pwòp lakay pa m.

“Pandan m ap fè efò pou m sèvi, pou m egzèse lafwa, repanti, ak amelyore chak jou, m ap kalifye pou m resevwa benediksyon tanp yo ak lajwa dirab levanjil la.

“M ap prepare pou m vin yon misyonè dilijan, yon mari lwayal, ak yon papa eman nan vin yon vrè disip Jezikri.

“M ap ede prepare mond lan pou retou Sovè a nan envite tout moun pou yo vin jwenn Kris la epi resevwa benediksyon Ekspyasyon L yo.”

10.1.3

Kolèj

10.1.3.1

Kolèj dyak

Jènjan yo rantre nan kowòm dyak yo kòmanse nan mwa janvye nan ane a yo gen 12 zan an. Lè sa a yo kalifye tou pou yo vin òdone kòm dyak si yo prepare epi diy.

Devwa yon dyak dekri nan Doktrin ak Alyans 20:57–59; 84:111. Lòt devwa yo enkli distribye Sentsèn epi ede evèk la nan “administre tout bagay tanporèl” (Doktrin ak Alyans 107:68).

10.1.3.2

Kolèj Enstriktè

Jènjan yo rantre nan kolèj enstriktè yo kòmanse nan mwa janvye nan ane a yo gen 14 zan an. Lè sa a yo kalifye tou pou yo vin òdone kòm enstriktè si yo prepare epi diy.

Enstriktè yo gen menm devwa avèk dyak yo. Anplis de sa, yo prepare Sentsèn nan epi yo sèvi kòm frè sèvis pastoral. Lòt devwa yo dekri nan Doktrin ak Alyans 20:53–59; 84:111.

10.1.3.3

Kolèj Prèt

Jènjan yo rantre nan kolèj prèt yo kòmanse nan mwa janvye nan ane a yo vire 16 zan an Lè sa a yo kalifye tou pou yo vin òdone prèt si yo prepare epi diy.

Prèt yo gen menm devwa avèk dyak yo ak enstriktè yo. Lòt devwa yo dekri nan Doktrin ak Alyans 20:46–52, 73–79.

10.1.4

Kle Prètriz yo

Pou enfòmasyon konsènan kle prètriz yo, gade nan 3.4.1.

10.1.5

Adapte Kolèj la pou bezwen lokal yo

Nan yon pawas oswa branch avèk kèk jènjan, kolèj Prètriz Aawon yo kapab reyini ansanm pou enstriksyon ak aktivite.

10.2

Patisipe nanTravay Sali ak Egzaltasyon an

10.2.1

Viv Levanjil Jezikri a

10.2.1.2

Aprantisaj Levanjil

Reyinyon kolèj yo fèt nan dezyèm ak katriyèm dimanch nan mwa a. Yo dire 50 minit. Yon manm nan prezidans kowòm nan (oswa youn nan asistan evèk yo nan kowòm prèt yo) dirije. Li dirije kowòm nan nan resite tèm nan epi pran konsèy ansanm sou tach, devwa, ak lòt bagay ankò.

Apresa, yon manm kowòm oswa yon dirijan adilt dirije enstriksyon levanjil la.

10.2.1.3

Sèvis ak Aktivite

Sèvis ak aktivite yo ta dwe bati temwayaj, fòtifye fanmi yo, ankouraje inite nan kowòm nan, epi bay opòtinite pou beni lòt moun.

Gen kèk sèvis ak aktivite ki ta dwe enkli ni jènjan ni jènfi yo, espesyalman pou jèn ki pi gran yo.

Aktivite anyèl. Anplis aktivite regilye jèn yo, jènjan yo ka patisipe tou nan bagay sa yo chak ane:

• Yon kan kowòm Prètriz Aawon (gade Gid Kan Kowòm Prètriz Aawon).

• Yon konferans pawas oswa pieu pou jèn oswa konferans Pou Fòs Jèn yo (FSY).

10.2.1.4

Devlopman Pèsonèl

Nan efò yo pou yo vin pi plis tankou Sovè a, yo envite jèn yo pou yo fikse objektif pou yo devlope espirityèlman, sosyalman, fizikman, ak entelektyèlman (gade Lik 2:52).

Pou plis enfòmasyon, gade nan ChildrenandYouth.ChurchofJesusChrist.org.

10.2.2

Pran Swen Moun ki nan Nesesite

Detantè Prètriz Aawon yo ede evèk la nan “administre tout bagay tanporèl” (Doktrin ak Alyans 107:68). Yo ta dwe gen opòtinite regilyèman pou sèvi lòt moun andedan fanmi yo epi avèk fanmi yo, pandan aktivite jèn yo ak poukont yo.

10.2.2.1

Sèvis pastoral

Detantè Prètriz Aawon yo resevwa tach sèvis pastoral yo kòmanse an janvye nan ane a yo gen 14 an an. Pou plis enfòmasyon, gade nan 18.1.

10.2.3

Envite Tout Moun Resevwa Levanjil la

Detantè Prètriz Aawon yo gen yon devwa pou yo “envite tout moun vin jwenn Kris la” (Doktrin ak Alyans 20:59).

Paran yo ak dirijan yo ankouraje jènjan yo pou prepare pou sèvi misyon aplentan epi pou yo pataje levanjil la pandan tout lavi yo.

10.2.4

Ini Fanmi yo pou Letènite

Detantè Prètriz Aawon yo ka ede ini fanmi yo pou letènite nan plizyè fason.

• Onore paran yo e yo bay yon egzanp Kris la pandan y ap viv lakay yo.

• Prepare pou resevwa òdonans tanp, tankou maryaj etènèl.

• Idantifye zansèt ki bezwen òdonans tanp yo (gade FamilySearch.org).

• Patisipe nan batèm ak konfimasyon pou moun ki mouri yo osi souvan sikonstans pèmèt yo.

10.3

Evèk

Premye responsablite prensipal evèk la se pran swen jènjan ak jènfi pawas li yo. Li aprann non yo e li konprann sitiyasyon lakay yo. Li asiste aktivite ak reyinyon dimanch yo regilyèman.

Evèk la se prezidan kolèj prèt yo.

Premye konseye nan episkopa a gen responsablite kolèj enstriktè a. Dezyèm konseye a gen responsablite kolèj dyak la.

Evèk la gen responsablite adisyonèl sa yo pou kowòm Prètriz Aawon yo:

• Rankontre ak chak jènjan omwen de fwa nan yon ane (gade 31.3.1).

• Ede jènjan yo prepare pou yo resevwa Prètriz Mèlkisedèk la.

• Sipèvize dosye, rapò, ak finans kowòm Prètriz Aawon yo.

Konseye ak espesyalis kowòm yo n ede avèk responsablite sa yo jan yo mande yo.

10.4

Dirijan Kowòm Jèn yo

10.4.1

Apèl, Soutyen, ak Mizapa

Evèk la aple youn oubyen de prèt pou yo vin asistan li nan dirijan kowòm prèt la.

Yon manm nan episkopa aple prezidan pou kowòm dyak ak kowòm enstriktè yo. Lè gen ase detantè Prètriz Aawon pou sèvi, jènjan sa yo ka nan lapriyè panse a manm kowòm pou yo rekòmande kòm konseye ak sekretè.

Apre apèl sa yo fin bay, yon manm nan episkopa a prezante dirijan kowòm jèn yo pou soutni nan reyinyon kowòm yo. Evèk la fè mizapa pou asistan l yo ak prezidan kowòm dyak yo ak prezidan kowòm enstriktè yo. Li konfere kle prètriz yo sou prezidan kowòm yo. Li ka bay konseye l yo responsablite pou yo mete apa lòt manm prezidans ak sekretè yo.

10.4.2

Responsablite

• Dirije efò kowòm nan pou patisipe nan travay sali ak egzaltasyon an (gade chapit 1).

• Chèche konnen ak sèvi chak manm kowòm, enkli moun ki pa vini nan reyinyon kowòm yo.

• Sèvi nan konsèy pawas jèn nan (gade 10.4.4).

• Anseye manm kowòm yo devwa prètriz yo (gade Doktrin ak Alyans 107:85–88).

• Planifye ak fè reyinyon kowòm (gade 10.2.1.2).

• Planifye ak reyalize sèvis ak aktivite kowòm yo (gade 10.2.1.3).

10.4.3

Reyinyon Prezidans Kowòm

Prezidans kowòm prètriz Aawon yo reyini regilyèman. Prezidan kowòm nan dirije reyinyon sa yo. Omwen de adilt dwe asiste—yon manm nan episkopa a, yon konseye, oswa yon espesyalis.

10.4.4

Konsèy Pawas Jèn

Gade 29.2.6 pou plis enfòmasyon sou konsèy pawas jèn.

10.8

Lòt Direktiv ak Règleman

10.8.1

Pwoteje Jèn yo

Lè adilt yo kominike avèk jèn yo nan anviwònman Legliz yo, omwen de adilt ki responsab ta dwe prezan.

Tout adilt k ap travay avèk timoun oubyen avèk jèn yo dwe konplete fòmasyon sou pwoteksyon timoun ak jèn nan yon mwa apre li fin soutni (ProtectingChildren.ChurchofJesusChrist.org).