rengeasek el sechal el ngara Ikelesia

10.

Chelechad er a Aaronic Priesthood

10.1

Moktek me a Chelechad

10.1.1

Moktek

A moktek er a chelechad a ngosuterir a roba priesthood el mo dmak loureor el kudmeklii a ureor el kirel a mo suobel me a ngar el mo cherechar.

10.1.2

Kerbai er a Aaronic Priesthood

“Ngak a Ngelekel a oubeltikereng el Dios, e Ngii a ngarngii a urerel kirek el mo meruul.

“Ngultuil er a renguk, klisichek, uldesuek, me a blakereng, e ak mo oubeltikereng el mo er a Dios, oltirakl a telbilek, e ousbech er a priesthood er Ngii el mesiou er a rebebil, lomuchel er a blik.

“Me sel kulasm el mesiou, e ultuil er a klaumera er ngak, e ouchel a renguk, e melasm el mo ungil er a bek el sils, eng sebechek el mo ngmai a klengeltengat er a templo me a diak a ulebengelel deurreng er a ebangkelio.

“Ak kudmeklak el mo blak a renguk el misionari, e ungil buch, e ungil chedam el mo meral loltirakl er a Jesus Kristo.

“Ak mo olngeseu el kudmeklii a beluulechad el kirel a luut er a Osobel el mo siotai er a rokui el chad el mei er a Kristo e lengai a klengeltengat er a Tngakireng er Ngii.”

10.1.3

Chelechad

10.1.3.1

Chelechad er a re Deacon

A rengeasek el sechal a soiseb er a chelechad er a deacon lomuchel er a Kot el buil er sel rak el bol 12 a rekrir. Tiaikid eng dirrek el sebechir el moterekokl el deacon a lsekum e te kldmokl e klikiid.

A ngerchelel a deacon a klouadel el ngara Doctrine and Covenants 20:57–59; 84:111. A bebil er a ngerachel a uldimukl er ngii omerusel a sakrament e olngeseu er a bisop er a kedmeklel a tekingel a klechad (Doctrine and Covenants 107:68).

10.1.3.2

Chelechad er a Resensei

A rengeasek el sechal a soiseb er a chelechad er a resensei lomuchel er a Kot el buil er sel rak el bol 14 a rekrir. Tiaikid eng dirrek el sebechir el moterekokl el sensei a lsekum e te kldmokl e klikiid.

A resensei osisiu a ngerchelir el uaia re deacon. Te dirrek el mengedmokl er a sakrament e mesiou loldingel el odam. A lmuut el bebil er a ngerachel a klouadel el ngara Doctrine and Covenants 20:53–59; 84:111.

10.1.3.3

Chelechad er a re Prist

A rengeasek el sechal a soiseb er a chelechad er a prist er a uchelel a Kot el buil er sel rak el bol 16 a rekrir. Tiaikid eng dirrek el sebechir el moterekokl el mo prist a lsekum e te kldmokl e klikiid.

A re prist a osisiu a ngerchelir me a re deacon me a resensei. A lmuut el bebil er a ngerchelir a klouadel el ngara Doctrine and Covenants 20:46–52, 73–79.

10.1.4

Kiis er a Priesthood

A lmuut el bebil er a omesodel aika el kiis, e mesa 3.4.1.

10.1.5

Remuul a Chelechad el kirel a Usbechellir a Rechad

Chelsel a ward a lechub a branch el mekesai a rengeasek el sechal, e a chelechad er a Aaronic Priesthood a sebechir el blechoel kebtech e kasisechakl a lechub eng kirel omilil.

10.2

Meruul a Ureror er a mo Suobel me a Ngar el mo Cherechar

10.2.1

Oltirakl er a Ebangkelio er a Jesus Kristo

10.2.1.2

Omesubel Ebangkelio

A miting er a chelechad a ngarngii er sel ongerung me a ongeua el Sandei er a bek el buil. Ng okeim el bung a temel. A chedal omerredel er a chelechad (a lechub a olngeseu er a bisop el ngara chelechad er a prist) a mengatikaik a miting. Ng mengetikaik er a chelechad e te melekoi er sel kerbai e dmak el chadecheduch el kirel a ureor, ngerachel, me a bebil er a tekoi.

A chedal a chelechad a lechub a klou el chad loungerachel a olsisechakl a suobel er a ebangkelio.

10.2.1.3

Omesiou me a Omilil

A omesiou me a omilil a kirel meleketek a klaumerang, melisiich a telungalek, e oldak a chelechad, e osiik a techall el mo omekngeltengat er a rebebil.

A bebil er a omesiou me a omilil a kirel uldimukl er ngii a rengeasek el sechal me a redil, tokuni a remekiklou el ngeasek.

Omilil er a Bek el Rak Ongongil aika el omilil, e a rengeasek el sechal a dirrek el sebechir el meruul aikakid er a bek el rak:

• Camp er a chelechad er a Aaronic Priesthood (mesa Aaronic Priesthood Quorum Camp Guide).

• Klou el ongdibel er a rengeasek er a ward a lechub a stake a lechub a ongdibel el Kirel a Klisichir a Rengeasek (FSY).

10.2.1.4

Ulekerulel a Chad

Me sel blakereng er tir el mo uaia Osobel, e a rengeasek a kirir el kudmokl a moktek er tir el mukeroul er a chedaol tekoi, teloi er a rebebil er a rechad, mesisiich a bedengir, e mellomes a rengrir (mesa Lukas 2:52).

A lmuut el bebil er a omesodel, e mesa ChildrenandYouth.ChurchofJesusChrist.org.

10.2.2

Omekerreu er a Rengesool

A roba Aaronic Priesthood a olngeseu er a bisop el kirel a kedmeklel a rokui el usbechellel a klechad (Doctrine and Covenants 107:68). Ng kirel blechoel ngarngii a techellir el mesiou er a rebebil er a chelsel a telungalek er tir, temel omilil er a rengeasek, me a kuk di tir.

10.2.2.1

Oldingel

A roba Aaroni Priesthood a ngmai a ngerachel odingel lomuchel er sel Kot el buil er sel rak el bo 14 a rekrir. A lmuut el bebil er a omesodel, e mesa bliongel 21.

10.2.3

Siotai er a Rokui el Chad el mo Nguu Ebangkelio

A roba Aaronic Priesthood a ngerchelir el siotai er a rokui el chad el mei er a Kristo (Doctrine and Covenants 20:59).

A roungalek me a roungerachel a mengelechel er a rengeasek el sechal mo mesiou el misionari e melemolem er a klengar tir lomerk er a ebangkelio.

10.2.4

Omak a Telungalek el mo er a Ulebongel

A roba Aaronic Priesthood a sebechir lolngeseu lomak a telungalek el mo er a ulebongel er a betok el rolel.

• Mengull er a redemerir me a rederrir e ochotii a ungil okesiu er a Blekerdelel a Kristo er a blai.

• Kudmekelterir el mo ngmai chedaol ruoll er a templo, luldimukl er a diak a ulebengelel chebechiil.

• Osiiik a ngklir a rebeldekir lousbech a chedaol ruoll er a templo (mesa FamilySearch.org).

• A lsebechir e bol blechoel meruul a techolbechelid me a olterekokl lomtechei er a re mla mad.

10.3

Klebisop

Sel kot el ngerchelel a bisop a omekerreu er a regeasek el sechal me a redil er a ward er ngii. Ng mo medengei a ngklir me a teletael er a delengcheklir. Ng blechoel ngara ikel omilil er tir me a ikel miting er a ikelesia a le Sandei.

A bisop a ngii a merredel er a chelechad er a re prist.

Ng kel kot el counselor er a bisop a oungerachel er a chelechad er a resensei. E ngike el ongeru el counselor a oungerachel er a chelechad er a re deacon.

A ikakid a bebil er a ngerchelir a klebisop er a ikel chelechad er a Aaronic Priesthood:

• Mo kebtech me a dersta el ngeasek el sechal el kesengil eng eru er a tal rak (mesa 31.3.1).

• Ngosuterir a rengeasek el sechal el mo kldmokl el mo nguu a Melchizedek Priesthood.

• Omes a rekord, report, me a udoud er a chelechad er a Aaronic Priesthood.

A re advisers me a re specialists a olngeseu er a ikal ngerachel a le mongit el mong.

10.4

Roungerachel a Chelechad er a Rengeasek

10.4.1

Okedong, Kongei, me a Olterekokl

A bisop a mekodongii a chimong a lechub e te teru el prist el mo olngeseu er ngii er a chelechad er a prist.

A chedal a klebisop a omekedong er a re mo remerredel ra deacon me a sensei. A le betok a roba Aaronic Priesthood e sebechir el mo mesiou, e tirkaikid el ngeasek el sechal a meluluuch losiik er a re mo secretary me a re counselors er a chelechad.

Uriul er a ikal okedong, e a chedal a klebisop odars a ngklir tirkal mo oungerachel er a chelechad el kirel a kengei er sel temel a miting er a chelechad. A bisop olterekokl er a rolngeseu er ngii me a remerredel er a chelchad er a re deacon me a resensei. Ng mesterir a remerredel er a chelechad a kiis er a priesthood. Ng sebechel msa ngerachel a counselor ngii meng mo olterekokl er a rebebil er a roungerachel me a re mo secretary.

10.4.2

Ngerachel

• Omtebechel er a urerel a chelechad el kirel a mo suobel me a ngar el mo cherechar (mesa bliongel 1).

• Mo ungil medengelterir e mesiou er a derta el chedal a chelechad, luldimukl er tirkel diak el ngara mitilengel a chelechad.

• Mesiou er sel chelechad er a rengeasek er a ward (mesa 10.4.4).

• Olisechakl er a rechedal a chelechad aikel ngerchelir er a priesthood (mesa Doctrine and Covenants 107:85–88).

• Melib e mengetikaik a mitilengel a chelechad (mesa 10.2.1.2).

• Melib e mengedmokl aikel omilil er a chelechad (mesa 10.2.1.3).

10.4.3

Miting er a Remerredelel a Chelechad

A remerredelel a chelechad er a Aaronic Priesthood a blechoel kebtech. A merredel er a chelechad a mengetikaik aika el miting. Kesengil eng teru el meklou el chad a ngarngii—chedal a klebisop, adviser, a lechub a specialist.

10.4.4

Chelechad er a Rengeasek er a Ward

Mesa 29.2.6 el kirel a lmuut lomesodel a chelechad er a rengeasek er a ward.

10.8

Lmuut el Bebil er a Tekoi me a Llach

10.8.1

Mengkerengir a Rengeasek

Sel sekum ea remeklou el chad el teloi er a rengeasek er a chelsel a Ikelesia, eng kirel kesengil ete teru el meklou el chad a teloi er tir.

Rokui el meklou el chad loureor lobengterir a rengalek me a rengeasek a kirir el rokir sel children and youth protection training [omesuub el mo omecheliu er a rengalek ma rengeasek] er a chelsel a tal buil ruriul er a lemoterekokl (ProtectingChildren.ChurchofJesusChrist.org).