Dagiti Napili manipud iti Sapasap a Handbook

Dagiti Linaonna
Panid ti Paulo
Panangusar iti Dagiti Napili manipud iti Sapasap a Handbook
Pundasion a Mainaig iti Doktrina
- 0. Pakagupgopan iti Pakauna
- 1. Ti Plano ti Dios ken ti Akemmo iti Aramid ti Pannakaisalakan ken Pannakaitan-ok
- 2. Panagsuporta kadagiti Indibidual ken Pamilia iti Aramid ti Pannakaisalakan ken Pannakaitan-ok
- 3. Dagiti Pagbatayan ti Priesthood
- 4. Panangidaulo ken dagiti Konseho iti Simbaan ni Jesucristo
Pannakabukel ti Simbaan
- 5. Panangidaulo iti Sapasap ken Area
- Panangidaulo iti Stake
- 7. Ti Bishopric
- 8. Korum dagiti Elder
- 9. Relief Society
- 10. Dagiti Korum ti Aaronic Priesthood
- 11. Young Women
  - 11.1. Panggep ken Organisasion
  - 11.2. Pannakiraman iti Aramid ti Pannakaisalakan ken Pannakaitan-ok
  - 11.3. Panangidaulo iti Young Women iti Ward
  - 11.6. Dagiti Mainayon a Pangiwanwan ken Annuroten
- 12. Primary
- 13. Sunday School
- 14. Dagiti Miembro nga Awan Asawana
- 15. Dagiti Seminary ken Institute ti Relihion
Ti Aramid ti Pannakaisalakan ken Pannakaitan-ok
- Panagbiag iti Ebanghelio ni Jesucristo
  - 16. Panagbiag iti Ebanghelio ni Jesucristo
  - 17. Panangisuro iti Ebanghelio
  - 18. Panangannong kadagiti Ordinansa ken Panangbendision ti Priesthood
  - 19. Musika
  - 20. Dagiti Aktibidad
- Panangaywan Kadagiti Agkasapulan
  - 21. Ministering
  - 22. Panangipaay kadagiti Temporal a Kasapulan ken Panangbangon iti Panagpannuray iti Bukod a Kabaelan
- Panangawis iti Amin nga Umawat iti Ebanghelio
  - 23. Panangibinglay iti Ebanghelio ken Panangpapigsa kadagiti Baro ken Agsubsubli a Miembro
  - 24. Dagiti Rekomendasion ken Serbisio ti Misionario
- Panamagkaykaysa kadagiti Pamilia para iti Kinaagnanayon
  - 25. Aramid iti Templo ken Family History iti Ward ken Stake
  - 26. Dagiti Temple Recommend
  - 27. Dagiti Ordinansa iti Templo para kadagiti Sibibiag
  - 28. Dagiti Ordinansa iti Templo para kadagiti Pimmusay
Panangimaton iti Simbaan
- 29. Dagiti Miting iti Simbaan
- 30. Dagiti Calling iti Simbaan
- 31. Dagiti Interbyu ken Dadduma Pay a Miting kadagiti Miembro
- 32. Paangbabawi ken dagiti Konseho iti Kinamiembro ti Simbaan
- 33. Dagiti Rekord ken Report
- 34. Dagiti Pakaseknan iti Kuarta ken Awdit
- 35. Panangaywan ken Panangusar kadagiti Balay a Pagmimitingan
- 36. Panagparnuay, Panangbalbaliw, ken Panangnagan kadagiti Baro a Yunit
  - 36.0. Pakauna
- 37. Dagiti Espesialisado a Stake, Ward, ken Branch
- Dagiti Annuroten ken Pangiwanwan iti Simbaan

11. Young Women

“11. Young Women,” Dagiti Napili manipud iti Sapasap a Handbook (2023).

“11. Young Women,” Dagiti Napili manipud iti Sapasap a Handbook

11.

Young Women

11.1

Panggep ken Organisasion

11.1.1

Panggep

Tulongan ti organisasion ti Young Women dagiti agtutubo a babbai a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona.

11.1.2

Tema ti Young Women

“Maysaak a maipatpateg nga anak a babai dagiti nailangitan a nagannak, nga addaan iti nadiosan a kababalin ken agnanayon a pagtungpalan.

“Kas disipulo ni Jesucristo, ikarigatak ti agbalin a kas Kenkuana. Agsapul ken agtignayak a mayannurot iti bukod a paltiing ken agserbi iti dadduma iti nasantuan a naganna.

“Agtakderak a kas saksi ti Dios iti amin a panawen ken iti amin a banag ken iti amin a lugar.

“No ikarigatak tapno maikari iti pannakaitan-ok, ipategko ti sagut ti panagbabawi ket agkalikagum a dumur-as iti inaldaw. Addaan iti pammati, papigsaek ti pagtaengak ken pamiliak, agaramid ken agtungpalak kadagiti sagrado a katulagan, ken umawatak kadagiti ordinansa ken bendision ti nasantuan a templo.”

11.1.3

Dagiti Klase

Agbalin a miembro dagiti agtutubo a babbai iti klase ti Young Women mangrugi iti Enero iti tawen nga agtawenda iti 12.

Sikakararag nga ikeddeng dagiti bishopric ken nataengan a lider ti Young Women no kasano ti mangbukel kadagiti klase segun iti edad. Tunggal klase, ania man ti kadakkelna, nasken nga addaan iti maysa a presidente ken, no mabalin, maysa wenno dua a mamagbaga ken maysa a secretary.

11.2

Pannakiraman iti Aramid ti Pannakaisalakan ken Pannakaitan-ok

11.2.1

Panagbiag iti Ebanghelio ni Jesucristo

11.2.1.2

Panagsursuro iti Ebanghelio

Maangay dagiti miting ti klase iti maikadua ken maikapat a Domingo ti bulan. Agpautda iti 50 a minuto. Ti maysa a miembro ti panguluen ti klase ti mangiturong. Idauluanna ti klase iti panangisao iti tema ken panaggiinnuman maipapan kadagiti naituding nga aramiden ken dadduma pay a banag.

Kalpasanna idauluan ti maysa a miembro ti klase wenno adult leader ti panangisuro iti ebanghelio.

11.2.1.3

Serbisio ken dagiti Aktibidad

Nasken a ti serbisio ken dagiti aktibidad ti mangpatibker kadagiti pammaneknek, mangpapigsa kadagiti pamilia, mangpataud iti panagkaykaysa ti klase, ken mangipaay kadagiti gundaway a mangbendision kadagiti dadduma.

Nasken a mairaman iti sumagmamano a serbisio ken dagiti aktibidad dagiti agpada nga agtutubo a lallaki ken agtutubo a babbai, nangnangruna kadagiti natataengan nga agtutubo.

Dagiti Tinawen nga Aktibidad. Kas nayon kadagiti regular nga aktibidad dagiti agtutubo, mabalin pay a makiraman dagiti agtutubo a babbai iti sumaganad iti tunggal tawen:

Maysa a kamping ti Young Women (kitaen iti Young Women Camp Guide).
Maysa a komperensia dagiti agtutubo iti ward wenno stake wenno maysa a komperensia ti Para iti Pigsa dagiti Agtutubo (FSY).

11.2.1.4

Bukod a Panagdur-as

Kadagiti panangkagumaanda nga agbalin nga ad-adda a kas iti Mangisalakan, maawis dagiti agtutubo a mangituding kadagiti panggep a tun-oyen a dumur-as iti naespirituan, sosial, pisikal, ken intelektual (kitaen iti Lucas 2:52).

Para iti ad-adu pay nga impormasion, kitaen iti ChildrenandYouth.ChurchofJesusChrist.org.

11.2.2

Panangaywan Kadagiti Agkasapulan

Nasken nga addaan dagiti agtutubo a babbai kadagiti regular a gundaway nga agserbi iti dadduma ken kadagiti pamiliada, bayat dagiti aktibidad dagiti agtutubo, ken iti bukodda.

11.2.2.1

Ministering

Mabalin nga umawat dagiti agtutubo a babbai kadagiti naituding nga aramiden iti ministering mangrugi iti Enero iti tawen nga agtawenda iti 14. Para iti ad-adu pay nga impormasion, kitaen iti kapitulo 21.

11.2.3

Panangawis iti Amin nga Umawat iti Ebanghelio

Awisen dagiti agtutubo a babbai ti amin nga umawat iti ebanghelio bayat ti “panagtakderda a kas saksi ti Dios iti amin a panawen ken iti amin a banag, ken iti amin a lugar” (Mosiah 18:9).

Matulongan dagiti nagannak ken lider dagiti agtutubo a babbai nga agsagana a mangibinglay iti ebanghelio iti unos ti panagbiagda.

11.2.4

Panamagkaykaysa kadagiti Pamilia para iti Kinaagnanayon

Makatulong dagiti agtutubo a babbai a mamagkaykaysa kadagiti pamilia iti kinaagnanayon iti adu a wagas.

Mangdayaw kadagiti dadakkelda ken mangipakita iti pagwadan ti panagbiag a kas ken Cristo iti pagtaenganda.
Agsagana nga umawat kadagiti ordinansa ti templo, agraman ti agnanayon a kallaysa.
Mangilasin kadagiti kapuonan nga agkasapulan kadagiti ordinansa iti templo (kitaen iti FamilySearch.org).
Makiraman kadagiti panagbuniag ken kumpirmasion para kadagiti natay a masansan no ipalubos dagiti kasasaad.

11.3

Panangidaulo iti Young Women iti Ward

11.3.1

Bishopric

Umuna ken kangrunaan a pagrebbengan ti bishop ti mangaywan kadagiti agtutubo a babbai ken agtutubo a lallaki ti wardna. Ammuenna ken dagiti mamagbagana ti nagnaganda ken maawatanna dagiti kasasaadda iti pagtaenganda. Makipagkitada iti tunggal agtutubo a babai iti uray laeng mamindua iti makatawen (kitaen iti 31.3.1).

Addaan ti bishop iti pagrebbengan para iti organisasion ti Young Women iti ward. Regular a makipagkita iti presidente ti Young Women.

Regular a makiraman ti bishop ken dagiti mamagbagana kadagiti miting, serbisio, ken aktibidad iti Young Women.

11.3.2

Panguluen ti Adult Young Women

Mangawag ken mang-set apart ti bishop iti maysa a nataengan a babai nga agserbi kas presidente ti Young Women iti ward. No umdas ti kadakkel ti yunit, irekomendana ti maysa wenno dua a nataengan a babbai a maawagan a kas mamagbagana (kitaen iti kapitulo 30).

Iti bassit a yunit, mabalin a ti presidente ti Young Women laeng ti maawagan nga adult leader iti organisasion ti Young Women. Iti daytoy a kaso, makipagtrabaho isuna kadagiti nagannak a mangbukel iti instruksion ken dagiti aktibidad para kadagiti agtutubo a babbai.

No awanan ti branch iti maysa a presidente ti Young Women, mabalin ti presidente ti Relief Society ti mangbukel iti instruksion para kadagiti agtutubo a babbai agingga a maawagan ti maysa a presidente ti Young Women.

Addaan ti presidente ti Young Women kadagiti sumaganad a pagrebbengan. Tumulong kenkuana dagiti mamagbagana.

Agserbi iti konseho iti ward.
Agserbi a kas miembro ti konseho dagiti agtutubo iti ward (kitaen iti 29.2.6).
Agminister a saggaysa kadagiti agtutubo a babbai.
Mangisuro kadagiti dadduma pay a lider ti Young Women ken panguluen ti klase kadagiti pagrebbenganda.
Makiuman kadagiti agtutubo a babbai maipapan kadagiti karit a saan nga agkasapulan iti bishop wenno maipanggep iti abuso (kitaen iti 32.3, 31.3.1, ken 38.6.2).

11.3.4

Panguluen ti Klase ken Secretary

11.3.4.1

Panangawag, Panangkanunong, ken Panang-set Apart

Nasken nga addaan ti tunggal klase ti Young Women iti maysa a panguluen ti klase.

Mangawag ti maysa a miembro ti bishopric iti maysa nga agtutubo a babai nga agserbi kas presidente ti klase. No adda umdas nga agtutubo a babbai nga agserbi, sikakararag nga ibilangna dagiti miembro ti klase tapno irekomenda kas dagiti mamagbaga ken maysa a secretary.

Kalpasan ti panangted kadagitoy a calling, idatag ti maysa a miembro ti bishopric dagiti agtutubo a babbai iti klaseda para iti panangkanunong. Ti bishop wenno ti maysa a nadutokan a mamagbaga ti mang-set apart kadagiti agtutubo a babbai.

11.3.4.2

Dagiti Pagrebbengan

Agserbi dagiti presidente ti klase iti konseho dagiti agtutubo ti ward (kitaen iti 11.3.4.4). Addaan pay dagiti panguluen ti klase kadagiti sumaganad a pagrebbengan:

Mangidaulo kadagiti panangkagumaan ti klase a makiraman iti aramid ti pannakaisalakan ken pannakaitan-ok (kitaen iti kapitulo 1).
Kaam-ammo ken pagserbianda ti tunggal agtutubo a babai, agraman dagiti saan a dumardar-ay kadagiti miting ti klase.
Mangplano ken mangiturong kadagiti miting ti klase iti Domingo (kitaen iti 11.2.1.2).
Mangplano ken mangipatungpal iti serbisio ken dagiti aktibidad ti klase (kitaen iti 11.2.1.3).

11.3.4.3

Miting ti Panguluen ti Klase

Regular nga agmiting dagiti panguluen ti klase ti Young Women. Ti presidente ti klase ti mangiturong kadagitoy a miting. Dumar-ay met dagiti nataengan a lider ti Young Women a nadutokan a mangsuporta iti panguluen ti klase.

11.3.4.4

Konseho dagiti Agtutubo iti Ward

Kitaen iti 29.2.6 para iti ad-adu pay nga impormasion maipapan iti konseho dagiti agtutubo iti ward.

11.6

Dagiti Mainayon a Pangiwanwan ken Annuroten

11.6.1

Panangsaluad kadagiti Agtutubo

No makilanglangen dagiti nataengan kadagiti agtutubo kadagiti setting ti Simbaan, nasken nga adda uray dua laeng a responsable a nataengan. Mabalin a kasapulan a pagtitiponen dagiti klase tapno maaramid a posible daytoy.

Amin a nataengan a makipagtrabaho kadagiti agtutubo ket nasken a leppasenda ti training iti panangsaluad kadagiti ubbing ken agtutubo iti uneg ti makabulan a pannakakanunongda (ProtectingChildren.ChurchofJesusChrist.org).