11.

Young Women

11.1

Fan nge Ulung

11.1.1

Fan

Fapi ulung ko Young Women e ma ayuweg e bpin ni fal’yangren ni nge ngongliy me ayuweg fapi m’ag mi yaed gelnag e mich roraed ngak Yesus Kristus nge gospel rok’.

11.1.2

Theme nifan e Young Women

“I gag e bpin ni fak ni galibthir rog e bay u tharmiy, nibay e milekag rog nge fag nib thothup.

“I gag reb gachalpen Yesus Kristus, ni guma gay rogon ni nggu par ni woed ir. Guma gay ma guma rrin’ fapi yi’iy ni gube thapeg nifan ngog ma guma pigpig ngak e gidii’ u dakean fithingan nib thothup.

“Gura par ni gag reb e gidii’ rok’ Got ni gubin ngiyil’ nge gubin ban’en nge gubin yang.

“Napan ni gube gay rogon ni nggu thapeg e bin th’ab n’uf ngalang ko falfalaen’, ma gura ayuweg fare tawa’ath ko kalngaen’ mu gay rogon ni nggu mon’og ni gubin e rran. U fithik’ e mich, gura gelnag e tabianew rog nge gathon e tabinaew rog, mugu ngongliy mugu ayuweg fapi m’ag nib manechubog, mugu thapeg fapi gam’ing nge fapi tawa’ath ko temple nib thothup.

11.1.3

Fapi Klass

Fapi bpin ni fal’yangren e yaed ma mang member ko Young Women ni klass riy e ma tabab ko Januray ulan fare duw nira gaman 12 e duw roraed.

Fapi bishofric nge fapi tiyugang’ ko Young Women nib ilaal e yaedra meybil mi yaed duugliy ko rogon ni ngan yarmiy fapi klass nibe yaen u rogon e duw. Ra reb fapi klass, demeturug ga’angin, ma susun ni bay e president riy nge, ma fa’anra rayag, ma bay ta’areb fa l’agruw e counselor riy nge reb e secretary.

11.2

Un ko fare Muruwel Rok Got ningan Thapegnag nge N’uf Ngalang ko bin Th’abi Tolang ko Falfalaen’

11.2.1

Fol ko Gospel ku Yesus Kristus

11.2.1.2

Fil Mornga’agen e Gospel

Klass riy e yima tay ko fare bin l’agruw nge eningeg ko fare rran ko Madnom ulan reb e pul. Gonap’an ni 50 minut n’umngin nap’an. Reb e member ko fare klass presidency era gagiyegnag fare mo’olung. Ra tabab nag fare klass ni ngar be’eged fare theme mi yaed machib u ta’abang ko mornga’agen fapi muruwel tin nib tu’uf ban’en.

Reb e member ko fare klass fa reb e tiyugang’ nib ilaal era tabab nag fare gospel.

11.2.1.3

Pigpig nge Activities

Pigpig nge activities e susun ni nge gel nag e mich, me gelnag e tabinaew, me chagliy e klass nga ta’bang, me pii’ kanawo’en ni nge tawa’ath nag boech e gidii’.

Boech e pigpig fa activities e susun ni ngan chagliy e pagal ni fal’yangren nge bpin ni fal’yangren riy nga ta’abang, ni baga’ nifan e fal’yangren nib ilaal.

Fapi Gosgos ni Gubin e Duw. Chagliy e activities ni gubin ngiyal’ nifan e fal’yangren, bpin ni fal’yangren e krayag nira un ko tin ni ba’aray ni gubin e duw:

• Camp nifan e Young Women (muguy ko Young Women Camp Guide).

• Conference ko fal’yangren ko ward nge stake fa conference ko For the Strength of Youth (FSY).

11.2.1.4

Mo’olung ni nge Ayuwegnem ngam Mon’og

Rogon ni yaedra gay rogon ni ngar boded fare Tathapeg, fapi fal’yangren e kan pinning raed ni ngar ngongliyed fapi goals nira ayuwegraed ngar mon’og gaed ko tin nib thothup ban’en, tha’ roraed ngak e gidii’, dogur roraed, nge llowean’ roraed (muguy ko Luke 2:52).

Boech mornga’agen e biney, muguy ko ChildrenandYouth.ChurchofJesusChrist.org.

11.2.2

Ayuweg e Pi’in nibe Gafgow

Bpin ni fal’yangren e susun ni bo’or kanawo’en ni rayag ni ngar pigpig gaed ngak e gidii’ nge tabinaew roraed, ko napan e ngiyal’ ko activities nifan e fal’yangren, nge ngiyal’ ni yigo yaed roraed.

11.2.2.1

Pigpig

Bpin ni fal’yangren e rayag ni yaedra thapag fapi muruwel roraed nifan e machib u m’on ko January ulan fare duw nira gaman 14 e duw roraed. Boech mornga’agen e biney, muguy ko guruy 21.

11.2.3

Pinning e Gidii’ ni Gubin ni nge Thapeg fare Gospel

Bpin ni fal’yangren e yaed ma pining e gidii’ ni gubin ni nge thapeg fare gospel ni “ngam pired ni gimed e pi mich rokʼ Got ni gubin e ngiyalʼ ngo fithikʼ gubin banʼen, nge gubin yang ni gimed bay riy” (Mosiah 18:9).

Galibthir nge fapi tiyugang’ e rayag ni ngar pii’ed e ayuw ngak e bpin ni fal’yangren ni ngar machib niged fare gospel ulan e yafos roraed.

11.2.4

Chagliy e Tabinaew ni Dariy Bi’id Manemus

Bpin ni fal’yangren e rayag ni ngar kunuyed e tabinaew ni nge par ni dariy bi’id manemus ni bo’or kanawo’en.

• Liyoer ngak e galibthir roraed mi yaed fanow ni woed wo’en Kristen ulan e tabinaew roraed.

• Ngongliyed rogon raed ni ngar thapagned fapi gam’ing ko temple, nib mu’un e mabgol ngay ni dariy bi’id manemus.

• Ma gay mornga’agen e gidii’ ni kakrom nib tu’uf ni ngan muruwliy e gam’ing ko temple nifan (muguy ko FamilySearch.org).

• Ma un ko fapi tawfe nge thapeg e thothup nifan e pi’in nike yim’ ko urngin ngiyal’ ni rayag rok’.

11.3

Fapi Tiyugang’ ko Young Women ko Ward

11.3.1

Bishofric

Fare bin th’abi ga’fan e muruwel rok’ fare bishof e fan ngak fapi bpin ni fal’yangren nge fapi pagal ni fal’yangren ulan fare ward. Ir nge fagli counselor rok’ e yaedra fil fithinganraed mi yaed gay rogon ngar nangfaned rogon e mithmith ko tabinaew roroad. Yaed ma mada’ nag fapi bpin ni fal’yangren l’agruw yay ulan reb e duw (muguy ko 31.3.1).

Fare bishof e bay e muruwel rok’ nifan fare ulung ko Young Women ko ward. Ma gopuruy’ ngak fare president ko Young Women ni bo’ory yay.

Fare bishof nge fagli councelors rok’ e yead ma un ko fapi mo’olung ko Young Women ni bo’or yay, nge fapi pigpig ni yaed ma tay, nge fapi activities.

11.3.2

Presidency ko Young Women nib Ilaal

Fare bishof era me’eleg reb e bpin nib ilaal ni nge yibliy me pigpig ni’ir e fare President ko Young Women. Fa’anra baga’ fare unit, ra yoeg ni ngan pii’ ngak ta’areb fa l’agruw e bpin ni nge mang e counselors rok’(muguy ko guruy 30).

Ulan e unit nib achichig, fare president ko Young Women e bay nikemus ni yigo ir e tiyugang’ nib ilaal ulan fare ulung ko Young Women. Fa’anra buch e biney, ma ir e ngar muruwel gaed fapi galibthir ni ngar yarmiyed fapi wo’en e activities nifan e bpin ni fal’yangren.

Fa’anra fare branch e dariy e president riy ko Young Women, ma fare president ko Relief Society e rayag nira yarmiy wo’en e tin nifan e bpin ni fal’yangren nge mada’ ko ngiyal’ nikan me’eleg bee’ ni nge mang e president ko Young Women.

Fare president ko Young Women e ba’aray rogon e muruwel rok’. Fagli counselors rok’ e yowma pii’ e ayuw ngak.

• Pigpig ulan fare ward council.

• Pigpig ni’ir reb e member ko youth council ko ward (muguy ko 29.2.6).

• Pigpig ngak e bpin ni fal’yangren.

• Fanow nag fapi tiyugang’ ko Young Women nge klass presidencies rogon e muruwel roraed.

• Machib nag e bpin ni fal’yangren mornga’agen e lumel nge tin nib momaw’ ni dani tu’uf ni nge un e bishof ngay fa dariy e gafgow ko cham riy (muguy ko 32.3, 31.3.1, nge 38.6.2).

11.3.4

Klass ko Presidency nge Secretary

11.3.4.1

Pigpig, Sustain nag, nge Set Apart

Ra reb e klass ko Young Women ma susun ni bay reb e klass presidency riy.

Reb e member ko fare bishofric era mel’eg reb e bpin ni fel’yangren ni nge pigpig ni’ir e president ko fare klass. Fa’anra ba yo’or e bpin ni fal’yangren ni rayag ni nge pigpig, ma nge meybil nag ko mini’ ko fapi klass members ni nge mang fagli counselors nge secretary.

Tomuren nikan mu’ i duugliy e pi’in ni nge pigpig, reb e member ko fare bishofric ere dag fapi bpin ni fal’yangren ko fapi klass nikan duugliy ngoraed. Fare bishof fa fare counselor nikan duugliy era yibliy fare bpin ni fal’yangren.

11.3.4.2

Fapi Muruwel

Fapi klass president e yead ma pigpig ulan fare ward council nifan e fal’yangren (muguy ko 11.3.4.4). Fapi presdiencies ko klass e ba’aray rogon e muruwel roraed:

• Powi’iy fare klass ni ngar athamgilgaed mar uned ko fare muruwel ko thapegnag nge n’uf ngalang ko bin th’abi tolang ko falfalaen’ (muguy ko guruy 1).

• Nang me pigpig ngak urngin fapi bpin ni fel’yangren, nib mu’un e pi’in ni darma un ko fapi mo’olung ko klass.

• Yarmiy me gagiyegnag fapi mo’olung ko klass nifan e Madnom (muguy ko 11.2.1.2).

• Yarmiy me fal’ag rogon fapi pigpig nifan e klass nge fapi activities riy (muguy ko 11.2.1.3).

11.3.4.3

Mo’olung nifan e Klass Presidency

Fapi klass presidency ko Young Women e yead ma mada’ ni bo’or yay. Fare president ko fare klass e ma gagiyegnag e pi mo’olung ney. Fapi tiyugang’ ko Young Women nib ilaal e ki yima duugliy raed ni ngar pii’ed e ayuw ko klass presidecy ni yaed ma un ngay.

11.3.4.4

Council ko Fal’yangren ko Ward

Muguy ko 29.2.6 boech mornga’agen e council ko fal’yangren ko ward.

11.6

Boech Kanawo’en nge Motochiyel

11.6.1

Gafaeliy e Fal’yangren

Fa’anra bay e gidii’ nib ilaal nibe un ngak e fal’yangren ko tin ni yibe rrin’ u Galasia, ma susun ni l’agruw nii’ nib ilaal nib fel’ panngin era par roraed. Krayag ni ngan ta’areb nag e klass nga ta’abang ni fa’anra tu’uf.

Gubin e gidii’ nima pii’ e ayuw ngak e fal’yangren e thingari mu’nag fare training nifan e bitir nge fal’yangren ulan fare puul nikan yibliy riy (ProtectingChildren.ChurchofJesusChrist.org).