“11. Jènfi yo,” Seleksyon nan Manyèl Jeneral La (2023).
“11. Jènfi yo,” Seleksyon nan Manyèl Jeneral la
11.
Jènfi
11.1
Objektil ak Òganizasyon
11.1.1
Objektif
Òganizasyon Jènfi yo ede jènfi yo fè ak kenbe alyans sakre yo epi apwofondi konvèsyon yo nan Jezikri ak levanjil Li a.
11.1.2
Tèm Jènfi yo
“Mwen se yon pitit fi byeneme Paran Selès, ki gen yon nati divin ak yon destine etènèl.
Antanke disip Jezikri, m ap efòse m pou m vin menmjan avèk Li. M ap chèche revelasyon pèsonèl epi m aji selon yo epi m ap sèvi lòt moun nan non sakre Li.
“M ap kanpe kòm yon temwen Bondye tout tan, nan tout bagay ak nan tout kote.
“Pandan m ap fè efò pou kalifye m pou egzaltasyon, m ap cheri don repantans lan epi m ap chèche amelyore m chak jou. Ak lafwa, m ap fòtifye fwaye m ak fanmi m, fè ak kenbe alyans sakre, e resevwa òdonans ak benediksyon tanp sakre yo.
11.1.3
Klas
Jènfi yo vin manm yon klas Jènfi kòmanse nan mwa janvye nan ane a yo gen 12 zan.
Evèk ak ak dirijan adilt jènfi yo deside nan lapriyè kijan pou òganize klas yo selon laj. Chak klas, kèlkeswa gwosè a, ta dwe gen yon prezidan epi, kote sa posib, youn oubyen de konseye ak yon sekretè.
11.2
Patisipe nan Travay Sali ak Ekzaltasyon an
11.2.1
Viv Levanjil Jezikri a
11.2.1.2
Aprantisaj Levanjil
Reyinyon klas yo fèt nan dezyèm ak katriyèm dimanch nan mwa a. Yo dire 50 minit. Yon manm nan prezidans klas la dirije. Li dirije klas la nan resite tèm nan epi yo pran konsèy ansanm sou responsablite yo ak lòt bagay ankò.
Yon manm klas oswa dirijan adilt dirije enstriksyon levanjil la apresa.
11.2.1.3
Sèvis ak Aktivite
Sèvis ak aktivite yo ta dwe bati temwayaj, fòtifye fanmi yo, ankouraje inite klas la, epi bay opòtinite pou beni lòt moun.
Gen kèk sèvis ak aktivite ki ta dwe enkli ni jènjan ak jènfi, espesyalman pou jèn ki pi gran yo.
Aktivite anyèl. Anplis aktivite regilye jèn yo, jènfi yo ka patisipe tou nan aktivite sa yo chak ane:
-
Yon kan jènfi (gade Gid pou Kan Jènfi).
-
Yon konferans pawas oswa pieu pou jèn oswa yon konferans Pou Fòs Jèn yo (FSY).
11.2.1.4
Devlopman Pèsonèl
Nan efò yo pou yo vin pi plis tankou Sovè a, yo envite jèn yo pou yo fikse objektif pou yo grandi espirityèlman, sosyalman, fizikman, ak entelektyèlman (gade Lik 2:52).
Pou plis enfòmasyon, gade nan ChildrenandYouth.ChurchofJesusChrist.org.
11.2.2
Pran Swen Moun ki nan Nesesite
Jènfi yo dwe gen opòtinite regilye pou sèvi lòt moun ak fanmi yo, pandan aktivite jèn yo, epi poukont yo.
11.2.2.1
Sèvis pastoral
Jènfi yo ka resevwa tach pou sèvis pastoral kòmanse an janvye nan ane a yo gen 14 an. Pou plis enfòmasyon, gade nan 18.1.
11.2.3
Envite Tout Moun Resevwa Levanjil la
Jènfi yo envite tout moun ki resevwa levanjil la pou yo ”sèvi kòm temwen Bondye tout tan, nan tout bagay, epi tout kote” (Mozya 18:9).
Paran yo ak dirijan yo ka ede jènfi yo prepare yo pou pataje levanjil la pandan tout lavi yo.
11.2.4
Ini Fanmi yo pou Letènite
Jènfi yo ka ede fanmi yo ini pou letènite nan plizyè fason.
-
Onore paran yo e bay yon egzanp Kris la pandan y ap viv lakay yo.
-
Prepare pou resevwa òdonans tanp, tankou maryaj etènèl.
-
Idantifye zansèt ki bezwen òdonans tanp yo (gade FamilySearch.org).
-
Patisipe nan batèm ak konfimasyon pou moun ki mouri yo osi souvan sikonstans pèmèt yo.
11.3
Lidèchip Jènfi Pawas
11.3.1
Episkopa
Premye responsablite prensipal evèk la se pran swen jènjan ak jènfi pawas li yo. Li menm ak konseye l yo aprann non yo e yo konprann sitiyasyon lakay yo. Yo rankontre ak chak jènfi omwen de fwa nan yon ane (gade 31.3.1).
Evèk la gen responsablite òganizasyon Jènfi pawas la. Li rankontre regilyèman avèk prezidan Jènfi yo.
Evèk la ak konseye l yo patisipe regilyèman nan reyinyon Jènfi yo, sèvis ak aktivite yo.
11.3.2
Prezidans Adilt Jènfi
Evèk la aple epi met apa yon fanm adilt pou sèvi kòm prezidan jènfi pawas la. Si inite a gwo ase, li rekòmande youn oswa de fanm adilt pou yo aple kòm konseye li (gade chapit 30).
Nan yon ti inite, Prezidant Jènfi a kapab se sèl dirijan adilt ki aple nan òganizasyon Jènfi a. Nan ka sa a, li travay avèk paran yo pou òganize enstriksyon ak aktivite pou jènfi yo.
Si yon branch pa gen yon prezidan Jènfi, Prezidant Sosyete Sekou a ka òganize enstriksyon pou jènfi yo jiskaske yon Prezidan Jènfi aple.
Prezidan Jènfi a gen responsablite sa yo. Konseye l yo ede l.
11.3.4
Prezidans klas ak Sekretè
11.3.4.1
Aple, Soutni, ak Mizapa
Chak klas Jènfi dwe gen yon prezidans klas.
Yon manm nan episkopa a aple yon jènfi pou sèvi kòm yon prezidan klas. Lè gen ase jènfi pou sèvi, li panse nan lapriyè ak manm klas pou l rekòmande kòm konseye ak yon sekretè.
Apre apèl sa yo fin bay, yon manm nan episkopa a prezante jènfi yo nan klas yo pou soutni. Evèk la oswa yon konseye ki chwazi mete jènfi yo apa.
11.3.4.2
Responsablite yo
Prezidan klas yo sèvi nan konsèy jèn pawas la (gade 11.3.4.4). Prezidans klas yo gen responsablite sa yo tou:
11.3.4.3
Reyinyon Prezidans Pou klas
Prezidans klas Jènfi yo reyini regilyèman. Prezidan klas la dirije reyinyon sa yo. Dirijan adilt Jènfi yo te chwazi pou sipòte prezidans klas asiste tou.
11.3.4.4
Konsèy Pawas Jèn
Gade 29.2.6 pou plis enfòmasyon sou konsèy pawas jèn yo.
11.6
Lòt Direktiv ak Règleman
11.6.1
Pwoteje jèn yo
Lè adilt yo ap kominike avèk jèn yo nan anviwònman Legliz yo, omwen de adilt ki responsab ta dwe prezan. Li ka nesesè pou melanje klas yo pou fè sa posib.
Tout adilt k ap travay avèk timoun oubyen avèk jèn yo dwe konplete fòmasyon sou pwoteksyon timoun ak jèn nan yon mwa apre li fin soutni (ProtectingChildren.ChurchofJesusChrist.org).