Mme Nwed Ndutum ye mme Ikoot
11. Nkaiferi Iban

.“11. Nkaiferi iban,” Mme ŋkpɔ se Emekde eto Ofuri Ŋwed Ndutum (2023).

.“11. Nkaiferi ban” Mme ŋkpɔ se Emekde eto Ofuri Ŋwed Ndutum

nkaiferi iban ke anwa

11.

Nkaiferi Iban

11.1

Ntak ye Nka

11.1.1.

Ntak

Nka eke Nkaiferi Iban enam enyuŋ nim nsasana ediomi ndien esin ata erikabare-esit mmo etiene Jesus Christ ye ikɔ Abasi Esie.

11.1.2.

Ibuot-ikɔ eke Nkaiferi Iban

“Ami ndi edima eyenanwan eke ete ye eka heaven, ye edisanan uduot-obot ye nsinsi akaŋa.

“Nte mbet Jesus Christ, ami mmedomo edikabare ntie nte Enye. Ami mmoyom nyuŋ nam-ŋkpo ke eriyarare idem mi nyuŋ nsin-unwam nno mbon efen ke edisana enyiŋ Esie.

“Ami nyeda nte ntiense Abasi ke kpukpru ini ye ke kpukpru nkpo ye ke kpukpru ebiet.

“Nte ami nnwanake edidot nno edimenede, ami mma eno erikabare-esit nyuŋ nyom ndinam-ofon kusen-kusen. Ye mbuotidem, ami nyesɔŋɔ ufɔkiduŋ ye ufɔkemana idem, nam nyuŋ nim nsasana ediomi, nyuŋ mbɔ mme edinam ikɔ Abasi ye edidiɔŋ eke edisana temple.”

11.1.3.

Mme Class

Nkaiferi iban ekebare edi mbon class eke Nkaiferi Iban tɔŋɔde ke January eke isua emi mmɔ esimde isua Duopeba.

Mme bishopric ye ikpɔ mme adausuŋ Nkaiferi Iban eda-akam ebiere nte edinimde mme class nte asaŋade ye isua mmɔ. Class kiet-kiet, isehe oruk, ana enyene president ye, ke ebiet emi ekemde, enyene ɔnɔitem kiet mme iba ye ewet-ŋwed.

11.2

Edibuana ke Utom Erinyaŋa-ukpɔŋ ye Edimenede

11.2.1.

Ndinam Ikɔ Abasi Jesus Christ

11.2.1.2

Edikpep Ikɔ Abasi

Enim mme eboho-class ke udiana ye ɔyɔhɔ Sunday inaŋ ke ɔfiɔŋ. Mmɔ ebihe ke minit Aba-ye-duop. Owo presidency class oro esikama-ndutum. Enye ada class oro usuŋ ke edikot ibuot-ikɔ ke ibuot onyuŋ eneme ɔtɔkiet abaŋa udeme-utom ye mbubehe efen.

Owo class kiet mme akamba adausuŋ ekem ɔtɔŋɔ edinɔ item ikɔ Abasi.

11.2.1.3

Utom-unwam ye mme Edinam

Utom-unwam ye mme edinam enyene ana ɔbɔp ikɔ ntiense, ɔsɔŋɔ ufɔkemana, enim eboho edidiana-kiet, onyuŋ ɔnɔ nti-ifet man ediɔŋ mbon efen.

Usuk utom-unwam ye mme edinam enyene edisine mkparawa iren ye nkaiferi iban mbiba, akpan-akpan eke ikpɔ iwaad.

Mme Edinam enamde ke Isua-kiet Ke edidian ke mme edinam eke iwaad emi enamde kini-kini, nkaiferi iban nko ekeme edibuana ke ŋkpɔ emi kwa isua:

  • Nna-ekɔŋ eke Nkaiferi Iban (se Item Nna-ekɔŋ eke Nkaiferi Iban).

  • Mbono iwaad eke ward mme stake mme mbono Kabaŋa Nsɔŋɔnda eke Iwaad (FSY).

11.2.1.4

Nkɔri Idem-owo

Ke utom mmɔ man ekabare etie nte Andinyaŋa, edɔhɔ mme iwaad ete enam mme uduak man ekɔri ke ŋkpɔ-spirit, ebuana-mbre, ke idaha, ye ke ikikke (se Luke 2;52)

Ke oyomde ediwak etop, se ChildrenandYouth.ChurchofJesusChrist.org.

11.2.2.

Edise Mbon Unana Enyin

Nkaideri iban ana enyene nti-ifet kini-kini ndinwam mbon efen ke ye mme ufɔkemana mmɔ, kini mme edinam eke iwaad, ye ke idem mmɔ.

11.2.2.1

21. Edinɔ-unwam

Nkaiferi iban ekeme edibɔ udeme-utom unɔ-unwam tɔŋɔde ke January eke isua emi mmɔ esimde isua Duopenaŋ. Ke oyomde ediwak etop, se ibuot 21.

11.2.3.

Edikot Kpukpru owo ete Edibɔ Ikɔ Abasi

Nkaiferi iban ekot kpukpru owo ete edibɔ ikɔ Abasi ke nte mmɔ vedade nte mme ntiense aeke Abasi ke kpukpru ini ye ke kpukpru ŋkpɔ, ye ke kpukpru ebiet” (Mosiah 18:9).

Mme ete ye eka ye mme adausuŋ ekeme edinwam nkaiferi iban ebeŋe-idem edibuana iko Abasi ke ofuri eyo uwem mmɔ.

11.2.4.

Edibɔp mme Ufɔkemana ke Nsinsi

Nkaiferi iban ekeme edinwam mbɔp mme ufɔkemana ke nsinsi ke ediwak usuŋ.

  • Ekpono mme ete ye eka mmɔ enyuŋ ewut uwutŋkpɔ eke eddidu mbiet-uwem eke Christ ke ufɔkiduŋ mmɔ.

  • Ebeŋe-idem man ebɔ mme edinam temple, esinede nsinsi ndɔ.

  • Edioŋo mbon-ntoŋo-ubon emi eyomde mme edinam temple (se FamilySearch.org).

  • Ebuana ke mme baptism ye ndori-ubɔk nnɔ akpa-mkpa kini-kini ke nte ndaha enyimede.

11.3

Ndausuŋ eke Nkaiferi Iban ke Ward

11.3.1.

Bishopric

Ata akpa ubiɔŋ-utom eke bishop edikpeme nkaiferi iban ye mkparawa iren ke ward esie. Enye ye mme ɔnɔitem esie ediɔŋɔ enyiŋ mmɔ enyuŋ efiɔk mme ndaha ufɔkiduŋ mmɔ. Mmɔ esobo ye nkaiferi anwan kiet-kiet ekpedi inikiet ke isua (se 31.3.1).

Bishop enyene ubiɔŋ-utom ɔnɔ nka eke Nkaiferi Iban ke ward. Enye osobo ye president Nkaiferi Iban kini-kini.

Bishop ye mme ɔnɔitem esie kini-kini ebuana ke mme esop, utom-unwam, ye mme edinam eke Nkaiferi Iban.

11.3.2.

Adult Young Women Presidency

Bishop okot onyuŋ emek akama nwan kiet enim ete edi president eke Nkaiferi Iban ke ward. Edieke nkɔk ufɔk Abasi enehede okpon, enye asiak akamba nwan kiet mme ikpɔ iban iba man ekot nte mme ɔnɔitem esie (se ibuot 30).

Ke ekri nkɔk, president Nkaiferi Iban ekeme nkokure akamba adausuŋ emi ekotde ke nka eke Nkaiferi Iban. Ke ndaha ntem, enye anam-utom ye mme ete ye eka man ese item ye mme edinam ɔnɔ nkaiferi iban.

Edieke branch kiet minyeneke president eke Nkaiferi Iban, president eke Relief Society ekeme edinim item ɔnɔ nkaiferi iban tutu ekot president eke Nkaiferi Iban.

Adaibout Nkaiferi Iban enyene mme ubiɔŋ-utom emi. Mme ɔnɔitem esie enwam enye.

  • Anam-utom ke mbono eke ward.

  • Anam-utom ke esop ndausuŋ iwaad ke ward (se 29.2.6).

  • Ono mme nkaiferi iban kiet-kiet unwam.

  • Ekpep mme adausuŋ Nkaiferi Iban ye mme presidency claas efen ubiɔŋ-utom mmɔ.

  • Eneme ye nkaiferi iban kabaŋa mme mfina emi miyomke bishop mme abaŋake edibiat (se 32.3, 31.3.1, ye 38.6.2).

11.3.4.

Class Presidency ye Ewet-nwed

11.3.4.1

Ikoot, Edinyime, ye Edimek-nsio Nim

Class Nkaiferi Iban kiet-kiet ana enyene class presidency.

Owo bishopric kiet okot nkaiferi nwan ete anam-utom nte class president. Ini eke ediwak nkaiferi iban edude man enam-utom, enye ada-akam ekere-ebaŋa mbon class man ekot nte mme ɔnɔitem ye ewet-ŋwed.

Ke ema ekenɔ mme ikoot emi ekure, owo bishopric kiet emen nkaiferi iban owut class mmɔ man enyime. Bishop mme ɔnɔitem emi edɔŋde eyemek mme nkaiferi iban oro enim.

11.3.4.2

Mme Ubiɔŋ-utom

Mme class president enam-utom ke esop ndausuŋ iwaad ke ward (se 11.3.4.4). Mme presidency class nko enyene mme ubiɔŋ-utom emi:

  • Ada usuŋ ke utom class man ebuana ke utom erinyaŋa-ukpɔŋ ye edimenede (se Akpa ibuot).

  • Oyom edidiɔŋɔ nyuŋ nwam nkaiferi nwan kiet-kiet, esinede mbon emi midukke eboho class.

  • Aduak onyuŋ akama-ndutum eke mme esop class oro ke Sunday (se 11.2.1.2).

  • Aduak onyuŋ anam utom-unwam ye mme edinam eke class oro (se 11.2.1.3).

11.3.4.3

Mbono eke Class Presidency

Mme class presidency eke Nkaiferi Iban esisobo kini-kini. Adaibuot class akama-ndutum ke mme mbono emi. Mme ikpɔ adausuŋ Nkaiferi Iban emi edɔŋde ete enwam class presidency esiduk nko.

11.3.4.4

Esop eke Iwaad ke Ward

Se 29.2.6 ke oyomde ediwak etop kabaŋa mbono iwaad ke ward.

11.6

Ndidian Item ye Ido-mbet

11.6.1.

Edikpeme mme Iwaad

Ini emi ikpɔ-owo enemede ŋkpɔ ye iwaad ke ndaha Ufɔk Abasi, nte ededi nti ikpɔ-owo iba enyene edidu do. Eyefɔn edidian mme class man anam emi odu.

Ofuri ikpɔ-owo emi enamde utom ye iwaad akpana ekure ubɔ-ukpep edikpeme nditɔ-ŋwɔŋ ye iwaad ke ufaŋ ɔfiɔŋ kiet emi ekenyimede mmɔ (ProtectingChildren.ChurchofJesusChrist.org).