11.

Young Women

11.1

Katuyuan kag Organisasyon

11.1.1

Katuyuan

Ang organisasyon sang Young Women nagabulig sa lamharon nga mga babayi nga maghimo kag magtuman sang sagrado nga mga kasugtanan kag padalumon ang ila pagkahaylo kay Jesucristo kag sa Iya ebanghelyo.

11.1.2

Tema sang Young Women

“Pinalangga ako nga anak nga babayi sang langitnon nga mga ginikanan, nga may diosnon nga kinaiya kag wala katapusan nga kapalaran.

“Bilang disipulo ni Jesucristo, nagatinguha ako nga mangin pareho sa Iya. Nagahandum ako kag nagaakto sa personal nga rebelasyon kag nagaminister sa iban sa Iya balaan nga ngalan.

“Magatindog ako bilang saksi sang Dios sa tanan nga oras kag sa tanan nga butang kag sa tanan nga lugar.

“Samtang nagatinguha ako nga mangin bagay sa pangkahitaasan, halungan ko ang regalo sang paghinulsol kag magtinguha nga mag-uswag kada adlaw. Nga may pagtuo, pabakuron ko ang akon puluy-an kag panimalay, maghimo kag magtuman sang sagrado nga mga kasugtanan, kag magbaton sang mga ordinansa kag mga bugay sang balaan nga templo.”

11.1.3

Mga Klase

Ang lamharon nga mga babayi mangin mga miyembro sang Young Women pagsugod sang Enero sa tuig nga magaedad sila 12 anyos.

Ang mga bishopric kag hamtong nga mga lider sang Young Women mainampuon nga nagadesisyon kon paano bahinon ang mga klase suno sa edad. Ang kada klase, bisan ano ang kadakuon, dapat may presidente kag, kon posible, isa ukon duha ka mga manuglaygay kag sekretarya.

11.2

Pagpartisipar sa Buluhaton sang Kaluwasan kag Pangkahitaasan

11.2.1

Pagpangabuhi sang Ebanghelyo ni Jesucristo

11.2.1.2

Pagtuon sang Ebanghelyo

Ang mga klase ginahiwat kada ikaduha kag ikaapat nga Domingo sang bulan. Nagalawig ini sang 50 ka minutos. Isa ka miyembro sang pangulohan sang klase ang nagapamuno. Sia ang nagapanguna sa klase sa paghambal sing matunog kag dulungan sang tema kag paghambalanay parte sa mga asaynment kag iban pa nga mga butang.

Dayon isa ka miyembro sang klase ukon hamtong nga lider ang nagapanguna sa pagtudlo sang ebanghelyo.

11.2.1.3

Pagserbisyo kag Aktibidades

Ang pagserbisyo kag aktibidades dapat magpatubo sang mga testimonya, magpabakod sang mga pamilya, magpabaskog sang paghiliusa sa klase, kag maghatag sang mga oportunidad nga bugayan ang iban.

Ang pila ka pagserbisyo kag aktibidades dapat magasakop sang pareho young men kag young women, labi na gid sa mas gulang nga mga lamharon.

Tuigan nga mga Aktibidades. Dugang pa sa regular nga aktibidades sang mga lamharon, ang young women pwede man magpartisipar sa masunod, kada tuig:

• Sa Young Women camp (tan-awa sa Young Women Camp Guide).

• Sa ward ukon stake youth conference ukon sa For the Strength of Youth (FSY) conference.

11.2.1.4

Personal nga Pag-uswag

Sa ila pagpaninguha nga mangin mas pareho sa Manluluwas, ang mga lamharon ginaagda nga magpahamtang sang mga lalab-uton para magtubo sa espiritwal, sosyal, pisikal, kag sa kinaalam (tan-awa sa Lucas 2:52).

Para sa dugang nga impormasyon, tan-awa sa ChildrenandYouth.ChurchofJesusChrist.org.

11.2.2

Pag-atipan sang mga Nagakinahanglan

Ang mga young women dapat may regular nga mga oportunidad sa pagserbisyo sa iban sa sulod kag upod sa ila pamilya, sa tion sang aktibidades sang mga lamharon, kag kon sila lang.

11.2.2.1

Ministering

Ang mga young women pwede nga magbaton sang mga ministering assignment pagsugod sang Enero sa tuig nga magaedad na sila 14 anyos. Para sa dugang nga impormasyon, tan-awa sa kapitulo 21.

11.2.3

Pag-imbitar sang Tanan nga Magbaton sang Ebanghelyo

Ang mga young women nagaimbitar sang tanan nga magbaton sang ebanghelyo samtang sila “[nagatindog] bilang mga saksi sang Dios sa tanan nga mga tinion kag sa tanan nga mga butang, kag sa tanan nga mga duog” (Mosias 18:9).

Ang mga ginikanan kag mga lider makabulig sa mga young women nga maghanda sa pagpaambit sang ebanghelyo sa bilog nila nga kabuhi.

11.2.4

Pag-isa sang mga Pamilya sa Wala Katapusan

Ang mga young women makabulig sa paghiusa sang mga pamilya sa wala katapusan sa madamo nga paagi.

• Pagtahod sa ila mga ginikanan kag pagpakita sang ehemplo sang Cristohanon nga pagpangabuhi sa ila balay.

• Paghanda sa pagbaton sang mga ordinansa sa templo, dala ang pag-asawahay nga wala sing katapusan.

• Pagpangita sang mga katigulangan nga nagakinahanglan sang mga ordinansa sang templo (tan-awa sa FamilySearch.org).

• Pagpartisipar pirme sa mga bunyag kag kumpirmasyon para sa mga napatay kon itugot sang ila sirkumstansya.

11.3

Mga Lider sang Young Women sa Ward

11.3.1

Bishopric

Ang mayor nga responsibilidad sang bishop amo nga atipanon ang mga young women kag young men sa iya ward. Ginahibalo nila sang iya mga manuglaygay ang ila mga ngalan kag ginaintiendi ang ila mga sirkumstansya sa balay. Nagapakigsugilanon sila sa kada lamharon nga babayi indi magnubo sa duha ka beses kada tuig (tan-awa sa 31.3.1).

Ang bishop responsable para sa organisasyon sang Young Women sa ward. Regular sia nga nagamiting sa presidente sang Young Women.

Ang bishop kag ang iya mga manuglaygay regular nga nagapartisipar sa mga miting, pagserbisyo, kag aktibidades sang Young Women.

11.3.2

Hamtong nga Young Women Presidency

Ang bishop naga-call kag naga-set apart sang hamtong nga babayi nga mag-alagad bilang Young Women president sa ward. Kon ang yunit hustohan ang kadakuon, nagarekomendar sia sang isa ukon duha ka hamtong nga mga babayi para tawgon bilang iya mga manuglaygay (tan-awa sa kapitulo 30).

Sa gamay nga yunit, ang Young Women president mahimo nga amo lamang ang gin-call nga lider sang organisasyon sang Young Women. Sa sini nga kaso, nagabuligay sila sang mga ginikanan nga mag-organisar sang pagtudlo kag aktibidades para sa mga young women.

Kon ang branch wala sang Young Women president, pwede ang Relief Society president mag-organisar sang pagtudlo para sa young women hasta may tawgon na nga Young Women president.

Ang Young Women president may masunod nga mga responsibilidad. Ginabuligan sia sang iya mga manuglaygay.

• Mag-alagad sa ward council.

• Magserbe bilang miyembro sang ward youth council (tan-awa sa 29.2.6).

• Mag-minister sa kada young women.

• Magtudlo sa iban pa nga mga lider sang Young Women kag sa mga class presidency sang ila mga responsibilidad.

• Maglaygay sa mga young women parte sa mga kabudlayan nga indi kinahanglan ang bishop ukon indi sakop ang pagpang-abuso (tan-awa sa 32.3, 31.3.1, kag 38.6.2).

11.3.4

Class Presidency kag Secretary

11.3.4.1

Pagtawag, Pagsakdag, kag Pag-set Apart

Ang tagsa ka klase sang Young Women dapat may class presidency.

Ang isa ka miyembro sang bishopric nagatawag sang isa ka young woman nga magserbe bilang class president. Kon madamo ang young women nga pwede magserbisyo, mainampuon niya nga ginapamensar kon sin-o sa mga miyembro sang klase ang iya irekomendar bilang mga manuglaygay kag sekretarya.

Pagkatapos nga magtanyag sining mga calling, isa ka miyembro sang bishopric ang magapresentar sang young women sa ila klase para sa pagsakdag. Ang bishop ukon ang naasayn nga manuglaygay ang naga-set apart sang mga young women.

11.3.4.2

Mga Responsibilidad

Ang mga class president nagaserbe sa ward youth council (tan-awa sa 11.3.4.4). Ang mga class presidency may masunod man nga mga responsibilidad:

• Magpanguna sa mga pagpaninguha sang klase nga magpartisipar sa buluhaton sang kaluwasan kag pangkahitaasan (tan-awa sa kapitulo 1).

• Pangilalahon kag alagaran ang tagsa ka lamharon nga babayi, pati na ang mga wala nagasulod sa mga klase.

• Magplano kag magpamuno sa mga klase kon Domingo (tan-awa sa 11.2.1.2).

• Magplano kag magpatuman sang mga pagserbisyo kag aktibidades sang klase (tan-awa sa 11.2.1.3).

11.3.4.3

Miting sang Class Presidency

Ang Young Women nga mga class presidency regular nga nagamiting. Ang presidente sang klase ang nagapamuno sining mga miting. Nagaupod man ang hamtong nga mga lider sang Young Women nga naasayn sa pagsuporta sa class presidency.

11.3.4.4

Ward Youth Council

Tan-awa sa 29.2.6 para sa dugang nga impormasyon parte sa ward youth council.

11.6

Dugang nga mga Pagsulundan kag Polisiya

11.6.1

Pag-amlig sang mga Lamharon

Kon nagapakigsimpon ang mga hamtong sa mga lamharon sa Simbahan, dapat may ara gid nga duha ka responsable nga mga hamtong. Basi kinahanglan nga tingbon ang mga klase para mangin posible ini.

Ang tanan nga mga hamtong nga nagatrabaho upod sa mga lamharon kinahanglan gid nga makatapos sang children and youth protection training sa sulod sang isa ka bulan pagkatapos nga ma-sustain (ProtectingChildren.ChurchofJesusChrist.org).