pamilya nga naggunit og mga kasulatan

12.

Primary

12.1

Katuyoan ug Organisasyon

Ang Primary mao ang organisasyon nga nakasentro sa panimalay, nga gisuportahan sa Simbahan. Alang kini sa kabataan nga nag-edad og 18 ka bulan hangtud 11 ka tuig.

12.1.1

Mga Katuyoan

Ang Primary nagtabang sa kabataan nga:

• Mobati sa gugma sa ilang Langitnong Amahan ug makat-on mahitungod sa Iyang plano sa kalipay.

• Makat-on mahitungod ni Jesukristo ug sa Iyang tahas diha sa plano sa Langitnong Amahan.

• Makat-on ug mosunod sa ebanghelyo ni Jesukristo.

• Mobati, moila, ug molihok sa impluwensya sa Espiritu Santo.

• Mangandam, mohimo, ug motuman sa sagrado nga mga pakigsaad.

• Moapil diha sa buhat sa Dios sa kaluwasan ug kahimayaan.

12.1.3

Mga Klase

Kon adunay igong kabataan, sila bahinon ngadto sa mga klase base sa ilang edad.

Ang kabataan sa kinatibuk-an mouswag gikan sa Primary ngadto sa Young Women o sa korum sa mga deacon sa Enero sa tuig nga sila mag-edad og 12.

12.1.4

Panahon sa Pagpanganta

Ang panahon sa pagpanganta makatabang sa mga bata nga mobati sa gugma sa Langitnong Amahan ug makakat-on mahitungod sa Iyang plano sa kalipay. Samtang manganta ang mga bata mahitungod sa mga baroganan sa ebanghelyo, ang Espiritu Santo mopamatuod sa katinuod niini.

Ang kapangulohan sa Primary ug lider sa musika mopili og mga kanta alang sa matag bulan aron sa paglig-on sa mga baroganan sa ebanghelyo nga nakat-onan sa mga bata sa ilang mga klase ug sa panimalay.

12.1.5

Nursery

Ang nursery motabang sa mga bata nga nag-edad og 18 ka bulan hangtod 3 ka tuig nga mobati sa gugma sa Langitnong Amahan ug makat-on mahitungod sa Iyang plano sa kalipay.

12.2

Pag-apil sa Buhat sa Dios sa Kaluwasan ug Kahimayaan

12.2.1

Pagsunod sa Ebanghelyo ni Jesukristo

12.2.1.2

Pagkat-on sa Ebanghelyo

Mga Miting sa Primary sa Dominggo. Ang usa ka sakop sa kapangulohan sa Primary mopahigayon sa pangbukas.

Ang eskedyul mao ang mosunod:

Kabahin sa Miting	Gitas-on
Kabahin sa Miting Pangbukas (pag-ampo, kasulatan o Ang Artikulo sa Hugot nga Pagtuo, ug pakigpulong—ang tanan himoon sa mga bata)	Gitas-on 5 minutos
Kabahin sa Miting Panahon sa pagpanganta	Gitas-on 20 minutos
Kabahin sa Miting Pagbalhin ngadto sa mga klase	Gitas-on 5 minutos
Kabahin sa Miting Mga klase ug panapos nga pag-ampo	Gitas-on 20 minutos

Ang nursery alang sa kabataan nga nag-edad og 18 ka bulan hangtud 3 ka tuig molungtad og 50 minutos. Ang Tan-awa ang Inyong Gagmay nga mga Bata naghatag sa gisugyot nga iskedyul.

Pasundayag sa mga Bata sa Panagtigom alang sa Sakramento. Ang tinuig nga pasundayag sa mga bata diha sa panagtigom alang sa sakramento pagahimoon atol sa kataposang pipila ka bulan sa tuig.

Ang kapangulohan sa Primary ug lider sa musika magmainampoon sa pagplano sa pasundayag. Ang bishopric mohatag og direksyon. Ang kabataan mahimong manganta, mohatag og mga pakigpulong, ug mopaambit og mga istorya, mga kasulatan, o mga pagpamatuod.

Miting sa Pagpangandam alang sa Templo ug sa Pagkapari. Ang kapangulohan sa Primary magplano og miting sa Pagpangandam alang sa Templo ug Pagkapari matag tuig. Ang bishopric mohatag og direksyon. Ang miting alang sa kabataan nga nag-edad og 10 anyos. Dapiton ang mga ginikanan.

12.2.1.3

Serbisyo ug mga Kalihokan

Sugod sa Enero sa tuig nga sila mag-edad og 8, ang kabataan mahimong magsugod sa pagtambong sa mga kalihokan sa Primary.

Ang mga kalihokan sa Primary pagahimoon sa mga panahon nga dili maglakip sa mga Dominggo o kagabhion sa Lunes.

• Ang mga kalihokan sa Primary pagahimoon kaduha sa usa ka bulan kon posible.

• Ang mga batang lalaki ug ang mga batang babaye sa kasagaran magbulag sa pagmiting. Hinoon, sila mahimong magtipon sa piho nga mga kalihokan o sa mga dapit nga diyutay ra ang kabataan.

Ang bishopric moseguro nga ang badyet ug ang mga kalihokan alang sa mga batang lalaki ug mga batang babaye sa Primary igo ug resonable.

12.2.1.4

Personal nga Kalamboan

Sa ilang mga paningkamot nga mas mahisama sa Manluluwas, ang kabataan—sugod sa tuig nga sila mag-edad og 8—gidapit sa paghimo og mga tumong nga motubo sa espirituwal, sosyal, pisikal, ug intelektuwal nga paagi (tan-awa sa Lucas 2:52).

Sila makagamit sa Personal nga Kalamboan: Giya nga Basahon sa Kabataan sa paghimo ug pagrekord og mga tumong.

12.3

Pagpangulo sa Primary sa Ward

12.3.1

Bishopric

Ang labing importanteng responsibilidad sa bishop mao ang nagtubo nga henerasyon, lakip sa mga bata. Ang bishop mahimong mosangon og usa ka magtatambag sa pagtabang sa iyang responsibilidad alang sa Primary. Ang bishop o ang gisangonan nga magtatambag makigmiting kanunay uban sa presidente sa Primary.

Ang bishop ug ang iyang magtatambag regular nga motambong sa Primary.

12.3.2

Kapangulohan sa Primary

Ang bishopric motawag ug mo-set apart og usa ka hamtong nga babaye nga moserbisyo isip presidente sa Primary sa ward.

Sa usa ka gamay nga yunit, ang presidente sa Primary tingali mao lamang ang gitawag nga lider sa Primary. Niini nga sitwasyon, siya makigtambayayong sa mga ginikanan sa pag-organisar og mga leksiyon, panahon sa pagpanganta, ug mga kalihokan. Kon ang yunit may igong gidak-on, dugang nga mga calling mahimong mabutangan sumala niini nga han-ay: mga magtatambag, lider sa musika, mga magtutudlo ug mga lider sa nursery, secretary, ug mga lider sa kalihokan.

Ang kapangulohan sa Primary motabang sa mga ginikanan nga maandam ang kabataan sa pagsulod ug pag-uswag subay sa dalan sa pakigsaad.

Sa pagtuman niini, ang presidente sa Primary mahimong mosangon og usa ka miyembro sa kapangulohan sa pagtabang sa mga ginikanan nga maandam ang ilang mga anak aron mabunyagan ug makumpirmahan. Ang presidente sa Primary mahimong mosangon og laing sakop sa kapangulohan sa pagtabang sa mga ginikanan sa pagpangandam sa templo ug sa pagkapari alang sa ilang mga anak.

Ang presidente sa Primary aduna sa mosunod nga dugang nga mga responsibilidad. Ang iyang mga magtatambag moabag kaniya.

• Moserbisyo diha sa konseho sa ward.

• Mopahigayon og regular nga mga miting sa kapangulohan sa Primary ug makigmiting sa bishop o sa iyang gisangonan nga magtatambag.

• Motabang sa pagplano og mga tulumanon sa bunyag alang sa mga bata nga anaa na sa rekord kon hangyoon (tan-awa sa 18.7.2).

• Magplano ug mopahigayon sa pangbukas nga mga miting sa Primary sa Dominggo.

• Mangalagad ngadto sa indibidwal nga kabataan, mga magtutudlo, ug sa mga lider sa Primary.

• Motudlo sa mga lider ug mga magtutudlo sa Primary sa ilang mga responsibilidad ug mosuporta nila niadto nga mga responsibilidad pinaagi sa pagtudlo nila sa ilang mga calling (tan-awa sa Pagtudlo sumala sa Pamaagi sa Manluluwas [2016], 38).

• Modumala sa mga rekord, mga report, badyet, ug mga panalapi sa Primary.

12.3.4

Lider sa Musika ug Piyanista

Ang lider sa musika ug piyanista motudlo sa kabataan sa ebanghelyo ni Jesukristo pinaagi sa musika atol sa panahon sa pagpanganta.

Kon walay pianista o piano, ang mga lider mahimong mogamit og mga rekording.

12.3.5

Mga Magtutudlo ug mga Lider sa Nursery

Ang kapangulohan sa Primary morekomendar ngadto sa bishopric og mga lalaki ug mga babaye nga moserbisyo isip mga magtutudlo sa Primary ug mga lider sa nursery. Kini nga mga miyembro gitawag sa pagtudlo ug pagpangalagad sa piho nga mga grupo nga kaedad sa mga bata.

Ang mga magtutudlo sa Primary ug ang mga lider sa nursery motudlo gikan sa Dali, Sunod Kanako—Alang sa Primary (mga edad 3–11) ug Tan-awa ang Inyong Gagmay nga mga Bata (nursery).

12.3.6

Mga Lider sa Kalihokan

Ang mga lider sa kalihokan sa Primary mangalagad ngadto sa mga bata samtang sila magplano og serbisyo ug mga kalihokan sugod sa Enero sa tuig nga ang mga bata mag-edad og 8 (tan-awa sa 12.2.1.3). Ang serbisyo ug mga kalihokan magtutok sa buhat sa kaluwasan ug kahimayaan. Kini makalingaw ug makapadasig.

12.5

Dugang nga mga Lagda ug mga Palisiya

12.5.1

Pagpanalipod sa Kabataan

Kon ang mga hamtong adunay pakig-inter-aksiyon sa mga bata diha sa Simbahan, dili mominos sa duha ka responsable nga hamtong kinahanglan nga anaa.

Ang tanang hamtong kinsa naglihok uban sa kabataan kinahanglan mokompleto sa pagbansay sa pagpanalipod sa kabataan ug kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org