Paggamit sa Mga Pinili gikan sa Kinatibuk-ang Tamdanan nga Basahon

Mga Pinili gikan sa Kinatibuk-ang Tamdanan nga Basahon mao ang usa ka hinugpong sa labing importante nga mga instruksiyon gikan sa tibuok Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw. Alang kini sa mga lider kinsa:

• Wala pay magamit nga tibuok tamdanan nga basahon sa ilang gusto nga pinulongan.

• Makabenepisyo gikan sa gipamubo nga bersiyon sa Kinatibuk-ang Tamdanan nga Basahon.

Ang numero sa kapitulo, seksiyon, ug subseksiyon nga gigamit sa Mga Pinili Tamdanan nga Basahon tukma sa numero nga gigamit sa tibuok Kinatibuk-ang Tamdanan nga Basahon. Makapasayon kini sa pagtandi sa pakisayran ug pagkompara niini.

Ang numero diha sa Mga Pinili gikan sa Tamdanan nga Basahon usahay molaktaw sa mga numero sa mga seksiyon o subseksiyon sa tibuok tamdanan nga basahon. Tungod kay kining gimubo nga tamdanan nga basahon naggamit lamang sa labing importante nga sulod gikan sa tibuok tamdanan nga basahon.

Bisan og ang Mga Pinili gikan sa Kinatibuk-ang Tamdanan nga Basahon naghatag og mga tubag sa kanunayng gipangutana sa daghang lider, ang mga lider tingali aduna pay pipila ka pangutana nga wala mahisgoti niini o matubag sa hingpit niini. Sa mao nga mga sitwasyon, ang mga lider mahimong mogamit sa tibuok nga Kinatibuk-ang Tamdanan nga Basahon kon kini anaa sa pinulongan nga ilang magamit. Ang mga lider mahimong magpakitambag usab sa ilang direkta nga tigdumalang awtoridad alang sa giya.

Hinaot nga ang Dios mopanalangin kaninyo samtang moapil kamo Kaniya sa buhat sa kaluwasan ug kahimayaan alang sa Iyang mga Anak.

Ang Unang Kapangulohan ug Korum sa Napulog Duha ka Apostoles