“36. Paghimo, Pag-usab, ug Paghatag og Ngalan sa Bag-ong mga Yunit,” Mga Pinili gikan sa Kinatibuk-ang Tamdanan nga Basahon (2023).
“36. Paghimo, Pag-usab, ug Paghatag og Ngalan sa Bag-ong mga Yunit,” Mga Pinili gikan sa Kinatibuk-ang Tamdanan nga Basahon
36.
Paghimo, Pag-usab, ug Paghatag og Ngalan sa Bag-ong mga Yunit
36.0
Pasiuna
Ang mga miyembro sa Simbahan nahisakop sa mga kongregasyon base kon asa sila nagpuyo (tan-awa sa Mosiah 25:17–24). Kini nga mga kongregasyon gikinahanglan alang sa pag-organisar ug paghimo sa buhat sa Simbahan ubos sa tukma nga awtoridad sa pagkapari.
Ang mga kongregasyon sa Simbahan (gitawag usab nga mga yunit) naglakip sa mga stake, mga district, mga ward, ug mga branch. Kini gihimo, giusab, o dili padayunon kon gikinahanglan lamang.
Ang mga lider maningkamot nga madugangan ang espirituwal nga kalig-on sa mga miyembro sa dili pa mosugyot nga maghimo og bag-ong yunit o mousab sa utlanan sa yunit. Ang bag-ong mga yunit kinahanglang himoon lamang kon ang kasamtangang mga yunit may igo na nga kalig-on.
Alang sa suporta diha sa Estados Unidos ug Canada, tawaga ang 1-801-240-1007. Sa gawas sa Estados Unidos ug Canada, tawaga ang buhatan sa area.