te utu a taui koroboki aika a tabu

12.

Moanrinan

12.1

Te Kantaninga ao Bootaki ni Moanrinan

Te moanrinan e boboto n te mweenga, ao ae boutokaaki man te Ekaretia. Bon ibukiia ataei aika 18 aia namwakaina nakon 11 te ririki.

12.1.1

Kantaninga

Te Moanrinan e buokiia ataei:

• N namakina ana tangira Tamaia are i Karawa ao n reiakina taekan Ana babaire ni kakukurei.

• Reiakina taekan Iesu Kristo ao tabena n ana babaire Tamara are i Karawa.

• Reiakin ao maiuakin ana euangkerio Iesu Kristo.

• Namakina, kinaa, ao karaoa nanon ana wirikiriki te Tamnei are Raoiroi.

• Katauraoi ibukin, karaoakin, ao kawakinan berita aika tabu.

• Irakin Ana Mwakuri te Atua Ibukin te Kamaiu ao te Karietataaki.

12.1.3

Taian Kiraati

Ngkana a tau mwaitiia ataei, a na tibwauaaki inanon kiraati ni kaineti ma aia ririiki.

A riai ataei n rikirake man te Moanrinan nakon te Ataeinnaine ke te kooram n rikan inanon Tianuare te ririki are a koro iai aia ririki ae 12.

12.1.4

Tain te Anene

Tain te anene e buokiia ataei n namakina ana tangira Tamaia are i Karawa ao n reiakina taekan Ana babaire ni Kakukurei. Ngkai ataei a anenea taekan reirein te euangkerio, te Tamnei ae Raoiroi e na kakoauaia ni koauaia.

Te beretitentii n te Moanrinan ao te tia kaira te anene a na a rinei kuuna ibukin namwakaina koraki ni kamatoai reirein te euangkerio ake a reiakin ataei inanon aia kiraati ao ni mweengaia.

12.1.5

Netiurii

Te netieri e buokiia ataei aika 18 namwakaina nakon 3 te ririki n namakina ana tangira Tamaia are i Karawa ao n reiakina Ana babaire ni kakukurei.

12.2

Irakin Ana Mwakuri te Atua Ibukin te Kamaiu ao te Karietataaki

12.2.1

Maiuakinan Ana Euangkerio Iesu Kristo

12.2.1.2

Reiakinan te Euangkerio

Bootakin te Moanrinan n te Tabati. Te membwa n te beretitentii n te Moanrinan e na kaira te kaukuki.

Aron wakinana e kangai:

Mwakoron te Bootaki	Manna
Mwakoron te Bootaki Kaukuki n te (tataro, koroboki aika tabu ke Taekan te Onimaki, ao te taetae—a karaoki ni kabane irouia ataei)	Manna 5 te miniti
Mwakoron te Bootaki Tain te Anene	Manna 20 te miniti
Mwakoron te Bootaki Kaibibiti n Taian Kiraati	Manna 5 te miniti
Mwakoron te Bootaki Kiraati ao te tataro ni kainiin	Manna 20 te miniti

Netiuri ibukiia ataei aika 18 aia namwakaina nakon 3 te ririki ana kabanea 50 te miniti. Behold Your Little Ones e katauraoa aron wakinana are e a tia ni baireaki.

Aia Taetae Ataei ni Bootakin te Toa. Te taetae n aia bootaki n toa ataei ni katoa ririki e karaoaki tabeua te namwakaina imwain banen te ririki.

Te beretitentii n te Moanrinan ao te tia kairiiri n te katangitang a tataro mwaaka ni bairea aron te taetae. E na anga ana kaetieti te bitiobiriki. A kona ataei n anene, n taetae, ao n tibwauai karaki, aia kibu, ke aia koaua.

Te Bootaki ibukin te Katauraoi nakon Te Tembora ao te Nakoanibonga. Te beretitentii n te Moanrinan e bairea te bootaki ibukin te Katauraoi nakon Te Tembora ao te Nakoanibonga ni katoa ririki. E na anga ana kaetieti te bitiobiriki. Te bootaki bon ibukiia ataei ake 10 aia ririki. A na kaoaki kaaro.

12.2.1.3

Mwakuri n Ibuobuoki ao Waaki ni Kakukurei

Ni moa man Tianuare n te ririki are e koro iai aia ririki 8, a kona ataei ni moana irirakin ana waaki ni kakukurei te Moanrinan.

Waaki ni kakukurei n te Moanrinan a karaoaki n taai aika tiaki bongin te Tabati ke n tairikin te Moanibong.

• Waaki ni kakukurei n te moanrinan a karaoaki uoua te tai n te namwakaina ngkana e kona.

• Ataeinimwaane ao ataeinnaine a tataneiai ni maenako ngkana a botaki. E ngae n anne, a kona n ikotaki ibukin aekakin waaki ni kakukurei tabeua ke n taabo ake a karako iai ataei.

E na kakoaua te bitiobi bwa te kataumwane ao waaki ni kakukurei ibukiia ataeinimwaane ao ataeinnaine n te Moanrinan a tau ao e bootau.

12.2.1.4

Rikirakem I bon Iroum

N aia kekeiaki n riki n aron te Tia Kamaiu, ataei—ni moa ma ngke e nang koro 8 aia ririki—a kaoaki ni katei aia kouru are ana rikirake iai ni maiuia n tamnei, n aroia n reitaki, n rabwataia, ao ni wanawanaia (taraa Ruka 2:52).

A kona ni kabongana Personal Development: Children’s Guidebookni katei ao n taui mwiin kouru.

12.3

Te Kairiiri n te Moanrinan n te Uoote

12.3.1

Bitiobiriki

Taben te bitiobi ae moan te kakawaki bon ibukin te roro ae tabe n rikirake, n raonaki ma ataei. E kona te bitiobi ni mwiokoa ana kauntira bwa e na ibuobuoki n tabena ibukin te Moanrinan. Te Bitiobi ke ana kauntira are mwiokoia e riai ni kakaraoa aia bowi ma te beretitenti n te Moanrinan.

Te Bitiobi ao ana kauntira a riai n iriira te Moanrinan n tainako.

12.3.2

Beretitentii n te Moanrinan

Te bitiobi e weteia ao e kaokoroa te aine ae ikawai ni beku bwa te beretitenti n te Moanrinan.

Inanon te iunite ae e uarereke, te beretitenti n te Moanrinan e kona n tii ngaia te tia kairiiri ae weteaki n te Moanrinan. N te keiti aei, e mwakuri ma kaaro ni bairei reirei, tain te anene, ao waaki ni kakukurei. Ngkana e a tau buburan te iunite, aikai nakoa aika riai ni kaainaki: kauntira, te tia kairiiri n te katangitang, taan kairiiri ma taan reirei n te netieri, te tia koroboki, ao taan kaira te waaki ni kakukurei.

Te beretitentii n te Moanrinan e buokiia kaaro ni katauraoia ataei n roko ao ni waaki iaon kawain te berita.

Ni katiaan aei, te beretitenti n te Moanrinan e kona ni katabeia kaain ana beretitentii ni buokiia kaaro ni katauraoiia natiia ni bwabetitoaki ao ni kamatoaaki. Te beretitenti n te Moanrinan e kona ni katabea temanna kaain ana beretitentii ni buokiia kaaro n aia katauraoi nakon te tembora ao nakoanibonga ibukiia natiia.

Te beretitenti n te Moanrinan iai rakan tabena n aron aikai. A na buokia ana kauntira.

• Ngaia kaain te kauntira n te uoote.

• N tainako e na booa te bowi te beretitentii n te Moanrinan ao ni bootaki ma te bitiobi ke ana kauntira are e a tia ni mwiokoaki.

• Buoka bairean aia bwabetito ataei ake iai aia rekooti ngkana e kaoaki (taraa 18.7.2).

• Bairei ao kaira te kaukuki n tain bootaki n te Moanrinan n te Tabati.

• Ibuobuoki nakoia ataei n tatabemaniia, taan reirei, ao taan kairiiri n te Moanrinan.

• Reireiniia taan kairiiri ao taan reirei n te Moanrinan n tabeia ao ni boutokaia n tabeia aikanne man reireinakiia nakon nakoaia (taraa Reirei n ana Kawai te Tia Kamaiu [2016], 38).

• E na tararuai rekooti, taian ribooti, kataumwane, ao mwaane n te Moanrinan.

12.3.4

Te Tia Kairiiri n te Katangitang ao te Tia Katanga te Biano

Te tia kairiiri n te katangitang ao te tia katanga te biano a reireiniia ataei ana euangkerio Iesu Kristo rinanon te katangitan n tain te anene.

Ngkana te tia biano ke te biano e aki tauraoi, taan kairiiri a kona ni kabonganai katangitang man bwaai aikai.

12.3.5

Taani kairiiri irouia Taan Reirei ao n te Netiuri

Te Beretitentii n te Moanrinan e na aanga araia tabeman nakon te bitiobiriki aika mwaane ao aine aika a na beku bwa taan reirei ao taan kairiiri n te netiuri. Membwa aikai a rineaki bwa a na reirei man ibuobuoki nakoia ataei ake a kurubunaki nakon aia ririki.

Taan reirei n te moanrinan ao taan kairiiri n te netiuri ana anga reirei man Nakomai, Iriirai—Ibukin te Moanrinanririki aika 3–11) ao Nooria Ami Ataei aika Uarerekenetiuri).

12.3.6

Taan Kairiiri n te Waaki ni Kakukurei

Taan kaira te waaki ni kakukurei n te Moanrinan a buokiia ataei ngkai a bairei mwakuri n ibuobuoki ao waaki ni kakukurei ni moa man Tianuare n te ririki are e koro iai 8 aia ririki ataei (taraa 12.2.1.3). Mwakuri n ibuobuoki ao waaki ni kakukurei a katuruaki iaon te mwakuri ni kamaiu ao te karietataaki. A na kaunga ao iai uaana.

12.5

Kainibaire ao Kaetieti Aika Karinaki

12.5.1

Kamanoaia Ataei

Ngkana ikawai a reireiniia ataei ke kairake n ana tabo te Ekaretia, e na aki kee iaan uoman ikawai aika ana mena irarikiia.

Ni kabane ikawai ake a mwakuri ma ataei a riai n tia ni kabwanina karaoan te kataneiai iaon kawakinaia ataei ao kairake inanon teuana namwakaina man te tai are a kamatoaaki iai (ProtectingChildren.ChurchofJesusChrist.org