12.

Primè

12.1

Objektif ak Òganizasyon

Primè se yon òganizasyon ki santre sou fwaye epi sipòte pa Legliz la. Li se pou timoun nan laj 18 mwa jiska 11 zan.

12.1.1

Objektif

Primè ede timoun yo:

• Santi lanmou Papa nou ki nan Syèl la epi aprann sou plan bonè Li a.

• Aprann sou Jezikri ak wòl Li nan plan Papa nou ki nan Syèl la.

• Aprann ak viv levanjil Jezikri a.

• Santi, rekonèt, ak aji selon enspirasyon Sentespri a.

• Prepare pou fè, ak kenbe alyans sakre.

• Patisipe nan travay sali ak egzaltasyon an.

12.1.3

Klas

Lè gen ase timoun, yo divize an klas, baze sou laj yo.

Jeneralman, timoun yo avanse soti nan Primè al nan Jènfi oubyen nan kowòm dyak yo an Janvye ane yo vin gen 12 zan an.

12.1.4

Peryòd chante

Peryòd chante a ede timoun yo santi lanmou Papa nou ki nan Syèl la epi aprann sou plan bonè Li a. Lè timoun yo chante chan konsènan prensip levanjil yo, Sentespri a ap rann temwayaj de verasite yo.

Prezidans Primè a ak dirijan mizik la chwazi chan pou chak mwa pou ranfòse prensip timoun yo ap aprann nan klas yo ak lakay yo.

12.1.5

Gadri

Gadri a ede timoun 18 mwa a 3 zan santi lanmou Papa nou ki nan Syèl la epi aprann sou plan bonè Li a.

12.2

Patisipe nan Travay Sali ak Ekzaltasyon an

12.2.1

Viv Levanjil Jezikri a

12.2.1.2

Aprantisaj Levanjil

Reyinyon Primè jou Dimanch yo. Yon manm nan prezidans Primè a dirije ouvèti a.

Orè yo suiv la se sa a:

Yon Pati Reyinyon an	Longè
Yon Pati Reyinyon an Ouvèti (lapriyè, ekriti oswa Atik Lafwa, ak diskou—timoun yo dwe fè tout)	Longè 5 minit
Yon Pati Reyinyon an Peryòd chante	Longè 20 minit
Yon Pati Reyinyon an Tranzisyon pou ale nan klas yo	Longè 5 minit
Yon Pati Reyinyon an Klas ak priyè kloti	Longè 20 minit

Gadri pou timoun ki gen laj 18 mwa rive 3 zan yo dire 50 minit. Gade Timoun Nou Yo bay yon orè yo sigjere.

Prezantasyon Reyinyon Sentsèn Timoun yo. Prezantasyon reyinyon Sentsèn timoun yo fèt chak ane pandan dènye mwa yo nan ane a.

Prezidans Primè a ak dirijan mizikla planifye prezantasyon an nan lapriyè. Evèk la bay direksyon. Timoun yo ka chante, bay diskou, ak pataje istwa, ekriti, oubyen temwayaj.

Reyinyon Preparasyon pou Tanp ak Prètriz. Prezidans Primè a planifye yon reyinyon Preparasyon Tanp ak Prètriz chak ane. Evèk la bay direksyon. Reyinyon an se pou timoun nan laj 10 an. Paran yo envite tou.

12.2.1.3

Sèvis ak Aktivite

Kòmanse nan mwa Janvye ane yo vin gen 8 tan an, timoun yo ka kòmanse asiste aktivite Primè yo.

Aktivite Primè yo ka fèt pafwa nan lòt lè pase jou Dimanch oswa Lendi swa.

• Aktivite Primè yo fèt de fwa pa mwa lè sa posib.

• Ti gason ak tifi nòmalman rankontre separeman. Sepandan, yo ka konbine pou kèk aktivite oswa nan kote ki gen kèk grenn timoun sèlman.

Episkopa a asire ke bidjè ak aktivite pou ti gason ak tifi nan Primè yo ase ak ekitab.

12.2.1.4

Devlopman Pèsonèl

Nan efò yo pou yo vin pi plis tankou Sovè a, yo envite timoun yo—kòmanse nan ane yo vire 8 tan an—pou yo fikse bi pou yo pwogrese espirityèlman, sosyalman, fizikman, ak entelektyèlman (gade Lik 2:52).

Yo ka itilize Devlopman Pèsonèl: Gid pou Timoun yo pou fikse ak anrejistre bi sa yo.

12.3

Lidèchip Primè Pawas la

12.3.1

Episkopa

Pi gwo responsablite evèk la genyen se pou jenerasyon k ap grandi a, enkli timoun yo. Evèk la ka bay yon konseye tach pou ede l nan responsablite l pou Primè a. Evèk la oswa yon konseye li asiyen dwe rankontre regilyèman avèk prezidant Primè a.

Evèk la ak konseye l yo ale regilyèman nan Primè.

12.3.2

Prezidans Primè

Evèk la aple yon fi adilt epi mete l apa pou l sèvi kòm prezidant Primè pawas la.

Nan yon ti inite, prezidant Primè a gen dwa se sèl dirijan yo aple nan Primè. Nan ka sa a, li travay avèk paran yo pou òganize leson, peryòd chante ak aktivite yo. Si inite a gwo ase, apèl adisyonèl ta ka ranpli nan lòd sa a: konseyè, dirijan mizik, enstriktè ak dirijan gadri, sekretè, ak lidè aktivite.

Prezidans Primè a ede paran yo prepare timoun yo pou yo antre epi pwogrese sou chemen alyans lan.

Pou akonpli sa, Prezidant Primè a kapab bay yon manm prezidans lan tach pou ede paran yo prepare pitit yo pou yo batize ak konfime. Prezidant Primè a kapab bay yon lòt manm prezidans lan tach pou ede paran yo avèk preparasyon tanp ak prètriz pou pitit yo.

Prezidant Primè a gen responsablite adisyonèl sa yo. Konseye l yo ede li.

• Li sèvi nan konsèy pawas la.

• Li regilyèman fè reyinyon prezidans Primè ak reyinyon avèk evèk la oswa konseye l yo.

• Li ede planifye sèvis batèm pou timoun nan rejis yo lè yo mande l sa (gade 18.7.2).

• Li planifye ak dirije ouvèti reyinyon Primè Dimanch yo.

• Li sèvi timoun yo, enstriktè yo, ak dirijan yo endividyèlman nan Primè a.

• Li anseye dirijan ak enstriktè Primè yo responsablite yo epi li sipòte yo nan responsablite sa yo nan oryante yo nan apèl yo (gade Anseye nan Fason Sovè a [2016],38).

• Li sipèvize rejis, rapò, bidjè, ak finans nan Primè a.

12.3.4

Dirijan Mizik ak Pyanis

Dirijan mizik ak pyanis la anseye timoun yo levanjil Jezikri a atravè mizik pandan peryòd chante a.

Si yon pyanis oswa yon pyano pa disponib, dirijan yo ka itilize anrejistreman.

12.3.5

Enstriktè ak Dirijan Gadri

Prezidans Primè a rekòmande gason ak fi bay episkopa a pou yo sèvi kòm enstriktè Primè ak dirijan gadri. Manm sa yo aple pou yo anseye ak sèvi timoun laj gwoup espesifik.

Enstriktè Primè ak dirijan gadri yo anseye nan Vini, Suiv Mwen—Pou Primè (laj 3-11) ak Gade Timoun Nou yo (gadri).

12.3.6

Dirijan Aktivite

Dirijan aktivite Primè yo sèvi timoun yo pandan y ap planifye sèvis ak aktivite kòmanse nan mwa Janvye ane timoun yo vin gen 8 tan an (gade 12.2.1.3). Sèvis ak aktivite yo konsantre sou travay sali ak egzaltasyon an. Yo amizan ak angajan.

12.5

Direksyon ak Règleman Adisyonèl

12.5.1

Pwoteje Timoun yo

Lè adilt yo ap rankontre timoun nan kad ak aktivite Legliz yo, omwen de adilt ki responsab ta dwe prezan.

Tout adilt k ap travay avèk timoun dwe pran fòmasyon sou pwoteksyon timoun ak jèn nan nan mwa ki suiv apèl li ak soutyen l lan (ProtectingChildren.ChurchofJesusChrist.org).