«12. Երեխաների միություն», Ընտրված հատվածներ Ընդհանուր ձեռնարկից (2023)։
«12. Երեխաների միություն», Ընտրված հատվածներ Ընդհանուր ձեռնարկից
12.
Երեխաների միություն
12.1
Նպատակը և կազմավորումը
Երեխաների միությունը տնակենտրոն, եկեղեցու կողմից աջակցվող կազմակերպություն է։ Այն 18 ամսականից մինչև 11 տարեկան երեխաների համար է։
12.1.1
Նպատակները
Երեխաների միությունն օգնում է երեխաներին.
-
Զգալ իրենց Երկնային Հոր սերը և սովորել Նրա երջանկության ծրագրի մասին:
-
Սովորել Երկնային Հոր ծրագրում Հիսուս Քրիստոսի և Նրա դերի մասին:
-
Սովորել և ապրել Հիսուս Քրիստոսի ավետարանով:
-
Զգալ, ճանաչել և գործել ըստ Սուրբ Հոգու ազդեցության:
-
Պատրաստվել, կապել և պահել սուրբ ուխտերը:
-
Մասնակցել փրկության և վեհացման աշխատանքին:
12.1.3
Դասարաններ
Երբ բավարար թվով երեխաները կան, նրանք բաժանվում են դասարանների՝ ելնելով իրենց տարիքից:
Երեխաները, ընդհանուր առմամբ, Երեխաների միությունից փոխվում են Երիտասարդ կանանց դասարան կամ սարկավագների քվորում այն տարվա հունվարին, երբ նրանք դառնում են 12 տարեկան:
12.1.4
Երգեցողության ժամ
Երգեցողության ժամն օգնում է երեխաներին զգալ իրենց Երկնային Հոր սերը և սովորել Նրա երջանկության ծրագրի մասին: Երբ երեխաները երգում են ավետարանի սկզբունքների մասին, Սուրբ Հոգին վկայում է նրանց այդ սկզբունքների ճշմարտացիության մասին:
Երեխաների միության նախագահությունը և երաժշտության ղեկավարը յուրաքանչյուր ամսվա համար ընտրում են երգեր, որոնք կնպաստեն ավետարանի սկզբունքների ամրապնդմանը, որոնք երեխաները սովորում են դասարանում և տանը:
12.1.5
Մսուրային դասարան
Մսուրային դասարանն օգնում է 18 ամսականից մինչև 3 տարեկան երեխաներին զգալ իրենց Երկնային Հոր սերը և սովորել Նրա երջանկության ծրագրի մասին:
12.2
Մասնակցել փրկության և վեհացման աշխատանքին
12.2.1
Ապրել Հիսուս Քրիստոսի ավետարանով
12.2.1.2
Ավետարանի ուսումնասիրություն
Երեխաների Միության կիրակնօրյա ժողովներ Վարում է Երեխաների միություն նախագահության անդամը։
Ժամանակացույցը հետևյալն է.
Ժողովի մասը |
Տևողությունը |
---|---|
Ժողովի մասը Բացում (աղոթք, սուրբ գրություն կամ Հավատո հանգանակ և ելույթ՝ բոլորը տրված երեխաների կողմից) | Տևողությունը 5 րոպե |
Ժողովի մասը Երգեցողության ժամ | Տևողությունը 20 րոպե |
Ժողովի մասը Անցում դասերին | Տևողությունը 5 րոպե |
Ժողովի մասը Դասեր և փակման աղոթք | Տևողությունը 20 րոպե |
18 ամսականից մինչև 3 տարեկան երեխաների մսուրային դասարանը տևում է 50 րոպե։ Նայեք ձեր փոքրիկներին-ում նշված է առաջարկվող ժամանակացույց։
Երեխաների շնորհանդեսը հաղորդության ժողովին Երեխաների ամենամյա հաղորդության ժողովի շնորհանդեսը տեղի է ունենում տարվա վերջին մի քանի ամիսների ընթացքում:
Երեխաների միության նախագահությունը և երաժշտության ղեկավարը աղոթքով ծրագրում են շնորհանդեսը: Եպիսկոպոսությունը ուղղություն է տալիս։ Երեխաները կարող են երգել, ելույթներ ունենալ և կիսվել պատմություններով, սուրբ գրություններով կամ վկայություններով:
Տաճարային և քահանայության նախապատրաստության ժողով։ Երեխաների միության նախագահությունը ամեն տարի ծրագրում է տաճարային և քահանայության նախապատրաստության ժողով: Եպիսկոպոսությունը ուղղություն է տալիս։ Ժողովը նախատեսված է 10 տարեկան երեխաների համար։ Ծնողները հրավիրված են։
12.2.1.3
Ծառայություններ և միջոցառումներ
Սկսած այն տարվա հունվարից, երբ երեխաները դառնում են 8 տարեկան, նրանք կարող են սկսել հաճախել Երեխաների միության միջոցառումներին:
Երեխաների միության միջոցառումների մեծ մասը չպետք է անցկացվի կիրակի կամ երկուշաբթի երեկոյան:
-
Հնարավորության դեպքում Երեխաների միության միջոցառումներն անցկացվում են ամիսը երկու անգամ:
-
Տղաներն ու աղջիկները սովորաբար հանդիպում են առանձին: Սակայն նրանք կարող են միավորվել որոշ միջոցառումների ժամանակ կամ այն վայրերում, որտեղ երեխաները քիչ են:
Եպիսկոպոսությունը երաշխավորում է, որ Երեխաների միության տղաների և աղջիկների բյուջեն և միջոցառումների քանակը բավարար են և հավասար:
12.2.1.4
Անձնական զարգացում
Փրկչին ավելի նմանվելու իրենց ջանքերում, այն երեխաներին, որոնք տարվա սկզբին դառնում են 8 տարեկան, առաջարկվում է նպատակներ դնել՝ հոգևորապես, սոցիալապես, ֆիզիկապես և մտավոր առումով աճելու համար (տես Ղուկաս 2․52)։
Նրանք կարող են օգտագործել Անձնական զարգացում. Երեխաների ուղեցույց գրքույկը՝ նպատակներ դնելու և գրանցելու համար:
12.3
Ծխի Երեխաների միության ղեկավարները
12.3.1
Եպիսկոպոսություն
Եպիսկոպոսը առաջնային պատասխանատվություն ունի աճող սերնդի, ներառյալ երեխաների համար: Եպիսկոպոսը կարող է խորհրդական նշանակել՝ օգնելու Երեխաների միությունում իր պարտականությունների հարցում: Եպիսկոպոսը կամ նշանակված խորհրդականը պարբերաբար հանդիպում է Երեխաների միության նախագահի հետ:
Եպիսկոպոսը և նրա խորհրդականները կանոնավոր կերպով հաճախում են Երեխաների միության դասերին:
12.3.2
Երեխաների միության նախագահություն
Եպիսկոպոսը կանչում է և ի սպաս է դնում որևէ չափահաս կնոջ՝ ծառայելու որպես ծխի Երեխաների միության նախագահ:
Փոքր միավորներում Երեխաների միության նախագահը կարող է լինել միակ կանչված ղեկավարը Երիտասարդ միության կազմակերպությունում: Այս դեպքում նա աշխատում է ծնողների հետ՝ դասերի, երգեցողության ժամի և միջոցառումների կազմակերպման համար։ Եթե միավորը բավականաչափ մեծ է, լրացուցիչ կոչումները կարող են լրացվել հետևյալ հերթականությամբ՝ խորհրդականներ, երաժշտության ղեկավար, ուսուցիչներ և մսուրային դասարանի ղեկավարներ, քարտուղար և միջոցառումների ղեկավարներ:
Երեխաների միության նախագահությունն օգնում է ծնողներին պատրաստել երեխաներին մտնելու և առաջադիմելու ուխտի արահետով:
Դա իրագործելու համար Երեխաների միության նախագահը կարող է նշանակել նախագահության որևէ անդամի՝ օգնելու ծնողներին նախապատրաստել իրենց երեխաներին մկրտվելու և հաստատվելու համար: Երեխաների միության նախագահը կարող է նշանակել նախագահության մեկ այլ անդամի՝ օգնելու ծնողներին իրենց երեխաների տաճարային և քահանայության նախապատրաստման հարցում:
Երեխաների միության նախագահն ունի հետևյալ լրացուցիչ պարտականությունները։ Նրա խորհրդականներն օգնում են նրան։
-
Ծառայում է ծխի խորհրդում:
-
Պարբերաբար անցկացնում է Երեխաների միության նախագահության ժողովները և հանդիպում եպիսկոպոսի կամ նրա նշանակված խորհրդականի հետ:
-
Օգնում է պլանավորել մկրտության ծառայությունները գրանցում ունեցող երեխաների համար, երբ նրան խնդրում են (տես 18.7.2):
-
Պլանավորում և վարում է Երեխաների միության կիրակնօրյա ժողովների բացումը:
-
Սպասավորում է Երեխաների միության առանձին երեխաներին, ուսուցիչներին և ղեկավարներին:
-
Երեխաների միության ղեկավարներին և ուսուցիչներին ուսուցանում է իրենց պարտականությունները և աջակցում է նրանց այդ պարտականություններում՝ կողմնորոշելով նրանց դեպի իրենց կոչումները (տես Ուսուցանել Փրկչի ձևով [2016], 38):
-
Վերահսկում է Երեխաների միության գրանցումները, հաշվետվությունները, բյուջեն և ֆինանսները:
12.3.4
Երաժշտության ղեկավար և դաշնակահար
Երաժշտության ղեկավարը և դաշնակահարը երգեցողության ժամին երեխաներին ուսուցանում են Հիսուս Քրիստոսի ավետարանը երաժշտության միջոցով:
Եթե դաշնակահար կամ դաշնամուր չկա, ղեկավարները կարող են ձայնագրություններ օգտագործել:
12.3.5
Ուսուցիչներ և մսուրային դասարանի ղեկավարներ
Երեխաների միության նախագահությունը եպիսկոպոսությանը առաջարկում է տղամարդկանց և կանանց անուններ՝ ծառայելու որպես Երեխաների միության ուսուցիչներ և մսուրային դասարանի ղեկավարներ: Այս անդամները կանչված են ուսուցանելու և սպասավորելու հատուկ տարիքային խմբերի երեխաներին:
Երեխաների միության ուսուցիչները և մսուրային դասարանի ղեկավարները ուսուցանում են «Եկ, հետևիր ինձ. Երեխաների միության համար» (3–11 տարեկան) և «Նայեք ձեր փոքրիկներին» (մսուրային դասարան):
12.3.6
Միջոցառումների ղեկավարներ
Երեխաների միության միջոցառումների ղեկավարները սպասավորում են երեխաներին, երբ նրանք ծրագրում են ծառայություններ ու միջոցառումներ սկսած այն հունվարից, երբ երեխաները դառնում են 8 տարեկան (տես 12.2.1.3): Ծառայություններն ու միջոցառումները կենտրոնանում են փրկության և վեհացման աշխատանքի վրա: Նրանք զվարճալի են և հետաքրքիր:
12.5
Լրացուցիչ ուղեցույցներ և քաղաքականություն
12.5.1
Պաշտպանել երեխաներին
Երբ Եկեղեցու միջավայրում չափահասները շփվում են երեխաների հետ, պատասխանատու չափահաս անդամներից առնվազն երկու հոգի պետք է ներկա լինեն։
Բոլոր չափահասները, որոնք աշխատում են երեխաների հետ, հաստատումից հետո մեկ ամսվա ընթացքում պետք է ավարտեն երեխաների և երիտասարդների պաշտպանության ուսուցումը (ProtectingChildren.ChurchofJesusChrist.orgկայք)։