“12. ປະຖົມໄວ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“12. ປະຖົມໄວ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
12.
ປະຖົມໄວ
12.1
ຈຸດປະສົງ ແລະ ອົງການ
ປະຖົມໄວເປັນອົງການທີ່ມີບ້ານເປັນສູນກາງ, ຊຶ່ງສະໜັບສະໜູນໂດຍສາດສະໜາຈັກ. ມັນແມ່ນສຳລັບເດັກນ້ອຍອາຍຸ 18 ເດືອນ ຫາ 11 ປີ.
12.1.1
ຈຸດປະສົງ
ປະຖົມໄວຊ່ວຍໃຫ້ເດັກນ້ອຍ:
-
ຮູ້ສຶກເຖິງຄວາມຮັກຂອງພຣະບິດາເທິງສະຫວັນ ແລະ ຮຽນຮູ້ກ່ຽວກັບແຜນແຫ່ງຄວາມສຸກຂອງພຣະອົງ.
-
ຮຽນຮູ້ກ່ຽວກັບພຣະເຢຊູຄຣິດ ແລະ ບົດບາດຂອງພຣະອົງໃນແຜນຂອງພຣະບິດາເທິງສະຫວັນ.
-
ຮຽນຮູ້ ແລະ ດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ.
-
ຮູ້ສຶກ, ຮັບຮູ້, ແລະ ກະທຳຕາມອິດທິພົນຂອງພຣະວິນຍານບໍລິສຸດ.
-
ກຽມພ້ອມ, ເຮັດ, ແລະ ຮັກສາພັນທະສັນຍາທີ່ສັກສິດ.
-
ມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ.
12.1.3
ຫ້ອງຮຽນ
ເມື່ອມີເດັກນ້ອຍຫລາຍພໍ, ພວກເຂົາຈະຖືກແຍກອອກເປັນຫລາຍຫ້ອງອີງຕາມອາຍຸຂອງພວກເຂົາ.
ໂດຍທົ່ວໄປແລ້ວ ເດັກນ້ອຍຈະເລື່ອນຈາກປະຖົມໄວໄປຫາກຸ່ມຍິງໜຸ່ມ ຫລື ກຸ່ມມັກຄະນາຍົກ ໃນເດືອນມັງກອນຂອງປີທີ່ພວກເຂົາອາຍຸຄົບ 12 ປີ.
12.1.4
ຊ່ວງເວລາຮ້ອງເພງ
ຊ່ວງເວລາຮ້ອງເພງຊ່ວຍໃຫ້ເດັກນ້ອຍຮູ້ສຶກເຖິງຄວາມຮັກຂອງພຣະບິດາເທິງສະຫວັນ ແລະ ຮຽນຮູ້ກ່ຽວກັບແຜນແຫ່ງຄວາມສຸກຂອງພຣະອົງ. ຂະນະທີ່ເດັກນ້ອຍຮ້ອງເພງກ່ຽວກັບຫລັກທຳພຣະກິດຕິຄຸນ, ພຣະວິນຍານບໍລິສຸດຈະເປັນພະຍານເຖິງຄວາມຈິງເຫລົ່ານັ້ນ.
ຝ່າຍປະທານອົງການປະຖົມໄວ ແລະ ຜູ້ນຳດົນຕີຄັດເລືອກເພງສຳລັບແຕ່ລະເດືອນ ເພື່ອຊ່ວຍເສີມຫລັກທຳພຣະກິດຕິຄຸນທີ່ເດັກນ້ອຍຮຽນຮູ້ໃນຫ້ອງຮຽນ ແລະ ທີ່ບ້ານຂອງພວກເຂົາ.
12.1.5
ຫ້ອງອະນຸບານ
ຫ້ອງອະນຸບານຊ່ວຍໃຫ້ເດັກນ້ອຍອາຍຸ 18 ເດືອນ ຫາ 3 ປີ ຮູ້ສຶກເຖິງຄວາມຮັກຂອງພຣະບິດາເທິງສະຫວັນ ແລະ ຮຽນຮູ້ກ່ຽວກັບແຜນແຫ່ງຄວາມສຸກຂອງພຣະອົງ.
12.2
ການມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ
12.2.1
ການດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ
12.2.1.2
ການຮຽນຮູ້ພຣະກິດຕິຄຸນ
ການປະຊຸມປະຖົມໄວວັນອາທິດ. ສະມາຊິກໃນຝ່າຍປະທານອົງການປະຖົມໄວດຳເນີນການເປີດປະຊຸມ.
ຕາຕະລາງມີດັ່ງຕໍ່ໄປນີ້:
|
ພາກສ່ວນຂອງການປະຊຸມ |
ຄວາມຍາວ |
|---|---|
ພາກສ່ວນຂອງການປະຊຸມ ການເປີດປະຊຸມ (ການອະທິຖານ, ພຣະຄຳພີ ຫລື ຫລັກແຫ່ງຄວາມເຊື່ອ, ແລະ ຄຳປາໄສ—ທັງໝົດເຮັດໂດຍເດັກນ້ອຍ) | ຄວາມຍາວ 5 ນາທີ |
ພາກສ່ວນຂອງການປະຊຸມ ຊ່ວງເວລາຮ້ອງເພງ | ຄວາມຍາວ 20 ນາທີ |
ພາກສ່ວນຂອງການປະຊຸມ ຊ່ວງປ່ຽນຫ້ອງ | ຄວາມຍາວ 5 ນາທີ |
ພາກສ່ວນຂອງການປະຊຸມ ຫ້ອງຮຽນ ແລະ ການອະທິຖານປິດ | ຄວາມຍາວ 20 ນາທີ |
ຫ້ອງອະນຸບານສຳລັບເດັກນ້ອຍອາຍຸ 18 ເດືອນ ຫາ 3 ປີ ໃຊ້ເວລາ 50 ນາທີ. Behold Your Little Ones ມີຕາຕະລາງແນະນຳໄວ້ໃຫ້.
ການນຳສະເໜີຂອງເດັກນ້ອຍທີ່ກອງປະຊຸມສິນລະລຶກ. ການນຳສະເໜີຂອງເດັກນ້ອຍທີ່ກອງປະຊຸມສິນລະລຶກປະຈຳປີຈັດຂຶ້ນໃນຊ່ວງສອງສາມເດືອນສຸດທ້າຍຂອງປີ.
ຝ່າຍປະທານອົງການປະຖົມໄວ ແລະ ຜູ້ນຳດົນຕີວາງແຜນນຳສະເໜີດ້ວຍການອະທິຖານ. ຝ່າຍອະທິການໃຫ້ການຊີ້ນຳ. ເດັກນ້ອຍອາດຮ້ອງເພງ, ກ່າວຄຳປາໄສ, ແລະ ແບ່ງປັນເລື່ອງລາວ, ພຣະຄຳພີ, ຫລື ປະຈັກພະຍານ.
ການປະຊຸມກຽມເຂົ້າພຣະວິຫານ ແລະ ກຽມຮັບຖານະປະໂລຫິດ. ຝ່າຍປະທານອົງການປະຖົມໄວວາງແຜນການປະຊຸມກຽມເຂົ້າພຣະວິຫານ ແລະ ກຽມຮັບຖານະປະໂລຫິດແຕ່ລະປີ. ຝ່າຍອະທິການໃຫ້ການຊີ້ນຳ. ການປະຊຸມແມ່ນສຳລັບເດັກນ້ອຍອາຍຸ 10 ປີ. ພໍ່ແມ່ຖືກເຊື້ອເຊີນ.
12.2.1.3
ການຮັບໃຊ້ ແລະ ກິດຈະກຳຕ່າງໆ
ເລີ່ມຕົ້ນໃນເດືອນມັງກອນຂອງປີທີ່ພວກເຂົາອາຍຸຄົບ 8 ປີ, ເດັກນ້ອຍສາມາດເລີ່ມເຂົ້າຮ່ວມກິດຈະກຳປະຖົມໄວ.
ກິດຈະກຳປະຖົມໄວຖືກຈັດຂຶ້ນໃນເວລາທີ່ນອກເໜືອໄປຈາກແລງວັນອາທິດ ຫລື ແລງວັນຈັນ.
-
ກິດຈະກຳປະຖົມໄວຖືກຈັດຂຶ້ນເດືອນລະສອງຄັ້ງ ເມື່ອເປັນໄປໄດ້.
-
ຕາມປົກກະຕິແລ້ວ ກຸ່ມເດັກນ້ອຍຜູ້ຊາຍ ແລະ ກຸ່ມເດັກນ້ອຍຜູ້ຍິງຈະແຍກກັນ. ເຖິງຢ່າງໃດກໍຕາມ, ສາມາດລວມພວກເຂົາເຂົ້າກັນສະເພາະກິດຈະກຳໃດໜຶ່ງ ຫລື ໃນບ່ອນທີ່ມີເດັກນ້ອຍໜ້ອຍຄົນ.
ຝ່າຍອະທິການຕ້ອງແນ່ໃຈວ່າເງິນທຶນ ແລະ ກິດຈະກຳສຳລັບພວກເດັກນ້ອຍຜູ້ຊາຍ ແລະ ພວກເດັກນ້ອຍຜູ້ຍິງໃນປະຖົມໄວມີພຽງພໍ ແລະ ເທົ່າທຽມກັນ.
12.2.1.4
ການພັດທະນາຕົນເອງ
ໃນຄວາມພະຍາຍາມທີ່ຈະກາຍເປັນເໝືອນດັ່ງພຣະຜູ້ຊ່ວຍໃຫ້ລອດ, ເດັກນ້ອຍ—ເລີ່ມຕົ້ນໃນປີທີ່ພວກເຂົາມີອາຍຸຄົບ 8 ປີ—ຖືກເຊື້ອເຊີນໃຫ້ຕັ້ງເປົ້າໝາຍ ເພື່ອເຕີບໂຕທາງວິນຍານ, ສັງຄົມ, ຮ່າງກາຍ, ແລະ ສະຕິປັນຍາ (ເບິ່ງ ລູກາ 2:52).
ພວກເຂົາສາມາດໃຊ້ Personal Development: Children’s Guidebook ເພື່ອຕັ້ງ ແລະ ບັນທຶກເປົ້າໝາຍ.
12.3
ການເປັນຜູ້ນຳປະຖົມໄວໃນຫວອດ
12.3.1
ຝ່າຍອະທິການ
ໜ້າທີ່ຮັບຜິດຊອບທີ່ສຳຄັນທີ່ສຸດຂອງອະທິການແມ່ນສຳລັບຄົນລຸ້ນໃໝ່, ລວມທັງເດັກນ້ອຍ. ອະທິການອາດມອບໝາຍໃຫ້ທີ່ປຶກສາຄົນໜຶ່ງຂອງເພິ່ນຊ່ວຍເຮັດໜ້າທີ່ຮັບຜິດຊອບຂອງເພິ່ນຕໍ່ປະຖົມໄວ. ອະທິການ ຫລື ທີ່ປຶກສາທີ່ຖືກມອບໝາຍ ພົບກັນເປັນປະຈຳກັບປະທານອົງການປະຖົມໄວ.
ອະທິການ ແລະ ທີ່ປຶກສາຂອງເພິ່ນເຂົ້າຮ່ວມຊັ້ນປະຖົມໄວເປັນປະຈຳ.
12.3.2
ຝ່າຍປະທານອົງການປະຖົມໄວ
ອະທິການເອີ້ນ ແລະ ແຕ່ງຕັ້ງຜູ້ຍິງທີ່ເປັນຜູ້ໃຫຍ່ຄົນໜຶ່ງເປັນທາງການໃຫ້ຮັບໃຊ້ເປັນປະທານອົງການປະຖົມໄວ.
ໃນໜ່ວຍນ້ອຍ, ປະທານອົງການປະຖົມໄວອາດເປັນຜູ້ນຳຄົນດຽວທີ່ໄດ້ຮັບການເອີ້ນໃນປະຖົມໄວ. ໃນກໍລະນີນີ້, ລາວເຮັດວຽກງານກັບຜູ້ເປັນພໍ່ແມ່ເພື່ອຈັດບົດຮຽນ, ຊ່ວງເວລາຮ້ອງເພງ, ແລະ ກິດຈະກຳຕ່າງໆ. ຖ້າຫາກໜ່ວຍໃຫຍ່ພໍ, ອາດມີການເອີ້ນເພີ່ມເຕີມຕາມລຳດັບດັ່ງຕໍ່ໄປນີ້: ທີ່ປຶກສາ, ຜູ້ນຳດົນຕີ, ຄູສອນ ແລະ ຜູ້ນຳຫ້ອງອະນຸບານ, ເລຂານຸການ, ແລະ ຜູ້ນຳກິດຈະກຳ.
ຝ່າຍປະທານອົງການປະຖົມໄວຊ່ວຍຜູ້ເປັນພໍ່ແມ່ກຽມພ້ອມລູກໆເພື່ອເຂົ້າໄປ ແລະ ກ້າວໜ້າໃນເສັ້ນທາງແຫ່ງພັນທະສັນຍາ.
ເພື່ອບັນລຸສິ່ງນີ້, ປະທານອົງການປະຖົມໄວອາດມອບໝາຍໃຫ້ສະມາຊິກຄົນໜຶ່ງໃນຝ່າຍປະທານຊ່ວຍຜູ້ເປັນພໍ່ແມ່ກຽມພ້ອມລູກໆຂອງເຂົາເຈົ້າ ເພື່ອຮັບບັບຕິສະມາ ແລະ ການຢືນຢັນ. ປະທານອົງການປະຖົມໄວອາດມອບໝາຍໃຫ້ສະມາຊິກອີກຄົນໜຶ່ງໃນຝ່າຍປະທານຊ່ວຍຜູ້ເປັນພໍ່ແມ່ເລື່ອງການກຽມພ້ອມລູກໆຂອງເຂົາເຈົ້າສຳລັບການເຂົ້າພຣະວິຫານ ແລະ ການຮັບຖານະປະໂລຫິດ.
ປະທານອົງການປະຖົມໄວມີໜ້າທີ່ຮັບຜິດຊອບເພີ່ມເຕີມດັ່ງຕໍ່ໄປນີ້. ທີ່ປຶກສາຂອງລາວຊ່ວຍເຫລືອລາວ.
-
ຮັບໃຊ້ໃນສະພາຫວອດ.
-
ຈັດການປະຊຸມຝ່າຍປະທານອົງການປະຖົມໄວ ແລະ ພົບກັບອະທິການ ຫລື ທີ່ປຶກສາຂອງເພິ່ນເປັນປະຈຳ.
-
ຊ່ວຍວາງແຜນການບັບຕິສະມາສຳລັບເດັກນ້ອຍໃນບັນທຶກ ເມື່ອຖືກຂໍໃຫ້ຊ່ວຍ (ເບິ່ງ 18.7.2).
-
ວາງແຜນ ແລະ ດຳເນີນການເປີດປະຊຸມຊັ້ນປະຖົມໄວວັນອາທິດ.
-
ປະຕິບັດສາດສະໜາກິດຕໍ່ເດັກນ້ອຍ, ຄູສອນ, ແລະ ຜູ້ນຳໃນປະຖົມໄວແຕ່ລະຄົນ.
-
ສິດສອນໜ້າທີ່ຮັບຜິດຊອບຂອງຜູ້ນຳ ແລະ ຄູສອນປະຖົມໄວໃຫ້ແກ່ເຂົາເຈົ້າ ແລະ ສະໜັບສະໜູນເຂົາເຈົ້າໃນໜ້າທີ່ຮັບຜິດຊອບເຫລົ່ານັ້ນ ໂດຍການປະຖົມນິເທດເຂົາເຈົ້າຕໍ່ການເອີ້ນຂອງເຂົາເຈົ້າ (ເບິ່ງ ການສິດສອນໃນວິທີຂອງພຣະຜູ້ຊ່ວຍໃຫ້ລອດ [2016], 38).
-
ດູແລບັນທຶກ, ລາຍງານ, ງົບປະມານ, ແລະ ການເງິນຂອງປະຖົມໄວ.
12.3.4
ຜູ້ນຳດົນຕີ ແລະ ຜູ້ຫລິ້ນປີອາໂນ
ຜູ້ນຳດົນຕີ ແລະ ຜູ້ຫລິ້ນປີອາໂນສິດສອນພຣະກິດຕິຄຸນຂອງພຣະເຢຊູຄຣິດໃຫ້ເດັກນ້ອຍຜ່ານທາງດົນຕີລະຫວ່າງຊ່ວງເວລາຮ້ອງເພງ.
ຖ້າຫາກບໍ່ມີຜູ້ຫລິ້ນປີອາໂນ ຫລື ບໍ່ມີປີອາໂນ, ຜູ້ນຳສາມາດໃຊ້ແຟມສຽງ.
12.3.5
ຄູສອນ ແລະ ຜູ້ນຳຫ້ອງອະນຸບານ
ຝ່າຍປະທານອົງການປະຖົມໄວແນະນຳຊື່ຜູ້ຊາຍ ແລະ ຜູ້ຍິງຕໍ່ຝ່າຍອະທິການ ເພື່ອຮັບໃຊ້ເປັນຄູສອນໃນຊັ້ນປະຖົມໄວ ແລະ ເປັນຜູ້ນຳຫ້ອງອະນຸບານ. ສະມາຊິກເຫລົ່ານີ້ໄດ້ຮັບການເອີ້ນໃຫ້ສິດສອນ ແລະ ປະຕິບັດສາດສະໜາກິດຕໍ່ກຸ່ມໄວອາຍຸເດັກນ້ອຍໃດໜຶ່ງໂດຍສະເພາະ.
ຄູສອນປະຖົມໄວ ແລະ ຜູ້ນຳຫ້ອງອະນຸບານສິດສອນຈາກ Come, Follow Me—For Primary (ອາຍຸ 3–11 ປີ) ແລະ Behold Your Little Ones (ອະນຸບານ).
12.3.6
ຜູ້ນຳກິດຈະກຳ
ຜູ້ນຳກິດຈະກຳປະຖົມໄວປະຕິບັດສາດສະໜາກິດຕໍ່ເດັກນ້ອຍ ຂະນະທີ່ເຂົາເຈົ້າວາງແຜນການຮັບໃຊ້ ແລະ ກິດຈະກຳຕ່າງໆ ເລີ່ມຕົ້ນໃນເດືອນມັງກອນຂອງປີທີ່ເດັກນ້ອຍມີອາຍຸຄົບ 8 ປີ (ເບິ່ງ 12.2.1.3). ການຮັບໃຊ້ ແລະ ກິດຈະກຳຕ່າງໆສຸມໃສ່ວຽກງານແຫ່ງຄວາມລອດ ແລະ ຄວາມສູງສົ່ງ. ມັນສະໜຸກສະໜານ ແລະ ດຶງດູດໃຈ.
12.5
ແນວທາງຊີ້ນຳ ແລະ ນະໂຍບາຍເພີ່ມເຕີມ
12.5.1
ການປົກປ້ອງເດັກ
ເມື່ອຜູ້ໃຫຍ່ປະຕິສຳພັນກັບເດັກນ້ອຍຢູ່ໃນສະພາບແວດລ້ອມຂອງສາດສະໜາຈັກ, ຄວນມີຜູ້ໃຫຍ່ທີ່ຮັບຜິດຊອບຢ່າງໜ້ອຍສອງຄົນຢູ່ນຳ.
ຜູ້ໃຫຍ່ທຸກຄົນທີ່ເຮັດວຽກກັບເດັກນ້ອຍຄວນຜ່ານການຝຶກອົບຮົມເລື່ອງການປົກປ້ອງເດັກ ແລະ ຊາວໜຸ່ມ ພາຍໃນໜຶ່ງເດືອນຫລັງຈາກໄດ້ຮັບການສະໜັບສະໜູນ (ProtectingChildren.ChurchofJesusChrist.org).