telungalek el beldoel er a chedaol llechukl

12.

Primary

12.1

Moktek ma Chelechad

A Primary a omuchel er a blai, e ultuil er a ngesou er a Ikelesia. Ng mo er a rengalek el rekrir a teruich me a eiai el buil el mora teruich ma ta rekil.

12.1.1

Moktek

A Primary ngosuterir a rengalek:

• El melchesuar a beltkil a rengul a Demerir er a Babeluades e mesuub el kirel sel Uldasu er a deurreng er Ngii.

• Mesuub el kirel a Jesus Kristo me a Ngerchelel er a moktek er a Chedam er a Babeluades.

• Mesuub e kiei loba ebangkelio er a Jesus Kristo.

• Omelchesiu, mo medengelii, e meruul loltirakl a odbechel a Chedaol Reng.

• Mengedmokl el kirel, meruul, e oltirakl a chedaol telbiil.

• Meruul a ureor el kirel a mo suobel me a ngar el mo cherechar.

12.1.3

Klas

Sel ngarngii a rebetok el ngalek, e te mo obii el mora klass lultuil er a rekrir.

A rengalek a melukl ra Primary el mo er a Rengeasek el Dil a lechub eng chelechad er a re deacon er a Kot el buil er sel rak el tir a mo teruich ma eru rekrir.

12.1.4

Temel a Chelitakl

A temel a chelitakl a ngosuterir a rengalek el mo omelchesiu er a betlkil a rengul a Chedam er a Babeluades e mesuub el kirel a uldasu er a deurreng er Ngii. Sel longitakl a rengalek el kirel a osisecheklel a ebangkelio, ea Chedaol Reng a mo ouchais a ikel mui el klemerang el kirel.

A remerredel ra Primary me a oungerachel a chelitakl a mo melilt a chelitakl er a bek el buil lolngeseu el melisiich aika el osisecheklel a ebangkelio el mo er a rengalek sel losuub er a klass er tir me a rekeblirir.

12.1.5

Nursery

A Nursery a olngeseu er a rengalek el teruich me a eai el buil el mora edei a rekrir el mo omelchesiu er a beltkil a rengul a Chedam er a Babeluades e mesuub el kirel a uldasou er a deurreng er Ngii.

12.2

Meruul a Ureor er a mo Suobel me a Ngar el mo Cherechar

12.2.1

Oltirakl er a Ebangkelio er a Jesus Kristo

12.2.1.2

Mesuub er a Ebangkelio

Miting ra Primary sel Sandei A chedal a merredelel a Primary a oungerachel sel lomuchel.

Tiakid a blechebechel:

Telengtengil a Miting	Klemengetel
Telengtengil a Miting Omuchel (nglunguuch, chedaol llechukl a lechub a Tebechelel a Klaumerang, me a cheldecheduch—ngii el rokui loruul a rengalek)	Klemengetel eim el bung
Telengtengil a Miting Temel a Cheltiakl	Klemengetel lluich el bung
Telengtengil a Miting Melukl el mora klass	Klemengetel eim el bung
Telengtengil a Miting klass me a nglunguuch el mengesimer	Klemengetel lluich el bung

A Nursery el mora rengalek el teruich me a eai el buil el mora edei a rekrir a okeim el bung a temel. Behold Your Little Ones a ouchais a ikel teletael el sebechel meruul.

Olchotel a Subelir a Rengalek er a temel a Miting er a Sakrament Sel olechotel a subelir a rengalek er a bek el rak er a temel a miting er a sakrament a ngarngii er a ikel medechel el sesei el buil er a mocha ulebongel er a rak.

A remerredel er a Primary me a oungerachel er a chelitakl a mo meluluuch el kirel a kedmeklel tial olechotel a subelir. A klebisop a mesterir a uldasou. A rengalek a sebecherir el mengitakl, mengedecheduch, ouchais a cheldecheduch, chedaol llechukl, a lechub a klaumerang er tir.

Miting ra Omengedmeklel a Templo ma Priesthood A remerredel er a Primary a mo melib a temel sel miting ra Omengedmeklel a Templo ma Priesthood er a bek el rak. A klebisop a mesterir a uldasou. A miting a mo er a rengalek el teruich a rekrir. A Roungalek a le siotai er tir el mo er ngii.

12.2.1.3

Omesiou me a Omilil

Ng omuchel er a kot el buil er sel uchelel a rak el bo el eai a rekrir, ea rengalek a mocha sebecherir el mo ngara omilil er a Primary.

A omilil er a Primary a ngarngii er a ngii di el sils eng di diak le Sandei a lechub eng kebesengei er a Kot lureor.

• A omilil er a Primary a ngarngii el erul taem ra chelsel a tal buil a lsebechel.

• A rsechal me a redil a blechoel blii sel bo el kebetech. Eng di, a rengalek a sebechir el mo dmak sel temel a bebil ra omilil a lechub eng ikel basio el di mekesai a rengalek er ngii.

A klebisop a mo ungil mesa el kmo a udoud ma omilil el kirir a rsechal ma redil el ngara Primary a ungil a iidisel e tabesul.

12.2.1.4

Kuk di Ulekurelel a Chad

A blak el reng er tir el melasm el mo uai a Osobel, ea rengalek—sel uchelel a rak el bo el eai a rekrir—a lolengit er tir me lruul a moktek mel mukeroul ra chedaol tekoi, meduch el teloi er a rechad, mesisiich a bedengir, e mellomes (mesa Lukas 2:52).

Ng sebechir lousbech er a Personal Development: Children’s Guidebook el mo rekord a ikal moktek.

12.3

Remerredelel a Ward Primary

12.3.1

Klebisop

Sel kmal ngerchelel a bisop a kirel a telecheroll, luldimukl er a rengalek. A bisop a sebechel tutkii a counselor el mo olngeseu er ngii er a ngerchelel kirel a Primary. A bisop a lechub ngkel telutk el counselor a mo blechoel mo kebetech lobengkel a merredel er a Primary.

A bisop ma re counselor er ngii a blechoel mo ngara ikel temel a Primary.

12.3.2

Remerredel er a Primary

A bisop a mekedongii e oterkeklii a ngerchelel a klou el redil el mo mesiou el merredel er a Primary er a ward.

A le kekerei a chelechad, eng di chimong a mokedong el mo merredel er a Primary. A leuaisei, e ngoureor lobengterir a roungalek el mo mengedmokl a suobel, temel a chelitakl, me a omilil. A lsekum eng klou el chelechad, ea bebil er a okedong a morngii el ua tiang a blechebechel: re counselor, oungerachel er a chelitakl, sensei ma merredel ra nursery, melchesel, ma roungerachel a tekoi ra omilil.

A remerredel ra Primary a olngeseu er a roungalek el mengedmokl er a rengalek el mo soiseb e merael er sel rael ra telbiil.

Sel mo kudmeklii tiang, ea merredel er a Primary a tutkii a tara chedal a omerredel el mo olngeseu er a roungalek el mo mengedmokl er a rengelekir el mo metecholb e moterekokl. A merredel ra Primary a dirrek el sebechel tutkii a lmuut el chedal a omerredel el mo olngeseu er a roungalek el mengedmokl er a rengelekir el kirel a templo ma priesthood.

A merredel ra Primary a dirrek el ngarngii a lmuut el bebil er a ngerchelel: A re counselor er ngii a olngeseu er ngii.

• Mesiou el ngara ward council.

• Ng blechoel ngara mtiting er a remerredel a Primary e mo kebtech lobengkel a bisop a lechub ngkel counselor el bisop a tutkii.

• Olngeseu el kirel a techolbechlid er a rengalek el ngara rekord a lsekum te olengit er ngii (mesa 18.7.2).

• Melib e oungerachel se lomuchel a Primary a le Sandei.

• Ng mesiou el mora ta ma ta el ngalek, resensei, me a roungerachel er a Primary.

• Olsisechakl er a roungerachel er a Primary ma resensei el kirel a ngerchelir e olngeseu er tir er a ikel ngerchelir sel lolsisechakl er tir er a ikal okedongir (mesa Teaching in the Savior’s Way [2016], 38).

• Ng omes e oungerachel a ikel rekord, omsodel, orretel a udoud, me a tekoi ra udoud er a Primary.

12.3.4

Oungerachel a Chelitakl me a Chad ra Orunga

A oungerachel a chelitakl me a chad er a orunga a olsisechakl er a rengalek er a ebangkelio er a Jesus Kristo lokiu a chelitakl sel temel a chelitakl.

A lsekum eng diak a chad ra orunga a lechub eng orunga, ea remerredel a sebechir el ousbech a rekording.

12.3.5

Resensei me a Remerredel ra Nursery

A remerredel er a Primary a ouchais er a klebisop tirkel sechal ma redil el mo mesiou el sensei er a Primary ma remerredel er a nursery. Tirkal chedal a ikelesia a mokedong el mo olsisechakl e mesiou el mora ulterekokl a rekrir el ngalek.

A resensei er a Primary me a remerredel er a nursery a olsisechakl lousbech er a Come, Follow Me—For Primary (rekrir a 3–11) me a Behold Your Little Ones (nursery).

12.3.6

Roungerachel Omilil

A roungerachel omilil er a Primary a mesiou er a rengalek sel lomedasu el kirel a mo mesiou ma omilil er a uchelel a Kot el buil er a rak el rengalek a mo eai a rekrir (mesa 12.2.1.3). A omesiou me a omilil a kirel melutk el bedul a ureor lolsobel me a ngar el mo cherechar. Ng kirel ungil e sorir el meruul.

12.5

Lmuut el Bebil ra Teletael me a Llach

12.5.1

Mengkerengir a Rengalek

A remeklou el chad sel lobengterir a rengalek el ngara Ikelesia, eng kirel ngarngii a terung el meklou el chad el ngarngii.

A rokui el meklou el chad el oureor lobengterir a rengalek a kirir el mo er sel lomesuub el kirel a omecheliu er a rengalek me a rengeasek er a chelsel a tal buil ruriul er a le moterekokl (ProtectingChildren.ChurchofJesusChrist.org).