11.

Rengeasek el Dil

11.1

Moktek me a Chelechad

11.1.1

Moktek

A chelechad er a Rengeasek el Dil a ngosuterir a regeasek el dil el mo meruul e oltirakl a chedaol telbiil e mo dmolech a beltir el mo er a Jesus Kristo me a ebangkelio er Ngii.

11.1.2

Kerbai er a Rengeasek el Dil

“Ngak a mekreos el dil el ngelekel a chedam ma chedil ra babeluades, el chedaol a blebelek me a diak a ulebengelel klengar ngak.

“Me sel kultirakl er a Jesus Kristo, e ak melasm el mo uai Ngii. A kusiik e meruul a ocholt el kngai e mesiou er a rebebil loba chedaol Ngklel.

“Ak dechor el sioning er a Dios er a bek el taem er a rokui el tekoi me a ngii di el basio.

“Me se el kulasm el mo nguu a diak a ulebengelel klengar, e ak urrekodel er a sengk er a ouchel reng e osiik el mo ungil er a bek el sils. Ng ultuil er a klaumerang, e ak mo melisiich er a delengcheklek me a telungak er ngak, meruul e oltirakl a chedaol telbiil, e ngmai a chedaol ruoll me a klengeltengat er a chedaol templo.”

11.1.3

klass

A Rengeasek el dil a mo sebechir el mo er a klass er a Rengeasek el Dil sel uchelel a Kot el buil er a rak el tir a mo teruich me a eru a rekrir.

A re ngara Klebisob me a remeklou el merredelir a Rengeasek el Dil a mo meluluuch e melib el kmo te mo mekerang e meruul a klass lultuil a rekrir a rengalek. A bek el class, el diak el iior er a meklungel, a kirel ngarngii a merredel ea, le sebechel. el ngarngii a tang me a lechub a terung el counselor me a melchesel.

11.2

Meruul a Urerel a mo Suobel me a Diak a Ulebengelel Klengar

11.2.1

Oltirakl er a Ebangkelio er a Jesus Kristo

11.2.1.2

Omsubel Ebangkelio

A Miting er a klass a ngarngii sel bek el ongeru me a ongeua el Sandei er a bek el buil. El di okeim el bung a klemengetel. A chedal a merredel er a klass a oungerachel. Ng mengetikaik er a klass sel lolekoi er sel kerbai e dmak el mesaod a ureor me a bebil er a tekoi.

A chedal a klass a lechub a klou el chad el merredel a oungerachel er a omsodel a ebangkelio.

11.2.1.3

Omesiou me a Omilil

Omesiou me a omilil a kirel meleketek a klaumerang, melisiich a telungalek, meleketek er a kltalreng, e osiik a techall el mo omekngeltengat er a rebebil.

A bebil er a omesiou me a omilil a kirel luldimukl er ngii a rengeasek el sechal me a rengeasek el dil, tokubets el mo er tirkel mekelou el ngeasek.

Omilil er a Bek el Rak A uldimukl ra omilil er a rengeasek er a bek el taem, a rengeasek el dil a dirrek el sebechir el mo ngara ikakid er a bek el rak:

• Camp er a Rengeasek el Dil (mesaYoung Women Camp Guide).

• Sel ongdibel er a rengeasek er a ward a lechub eng stake a lechub eng ongdibel el Kirel a Klisichir a Rengeasek (FSY).

11.2.1.4

Ulekerulel a Dersta el Chad

Sel blak el reng er tir el mo uaia Osobel, ea rengeasek a mo remuul a telbilir me bol mukeroul er a chedaol tekoi, meduch el teloi er a rechad, mesisiich a bedengir, e mellomes (mesa Lukas 2:52).

A lmuut el bebil er a omsodel, e mesa ChildrenandYouth.ChurchofJesusChrist.org.

11.2.2

Omekereu er Tirkel Ngesool

A Rengeasek el dil a kirel ngarngii a techelir el mo mesiou er a rebebil me a retelungalek er tir, sel ngarngii a omilil er a rengeasek, me a sel kuk di tir.

11.2.2.1

Mesiou

A Rengeasek el dil a mo er ngii a ngerchelir el mo mesiou lomuchel er a Kot el buil er a uchelel a rak sel bo el teruich ma eua rekrir. A lmuut el bebil er a omsodel, e mesabliongel 21.

11.2.3

Siotai er a Rokui el mo Nguu a Ebangkelio

A Rengeasek el dil a siotai ra rokui el mo nguu a ebangkelio el “dechor el sioning er a Dios er a rokui el taem me a rokui el tekoi, er a ngii di el basio” (Mosiah 18:9).

A roungalek me a remerredel a sebechir lolngeseu er a rengeasek el dil el mo kldmokl el mo omerk er a ebangkelio er a chelsel a klengar er tir.

11.2.4

Merenged a Telungalek el mo Cherechar

A Rengeasek el dil a sebechir lolngeseu el merenged a telungalek el mo cherechar lokiu a betok el rolel.

• Mengull er a redemerir me a rederir e ungil lokesiu er a blai el uaia Kristo.

• Mo kldmokl el mo melai chedaol ruoll er a templo, luldimukl er a diak a ulebengelel chebechiil.

• Osiik a ngklir a rebeldekir lousbech a chedaol ruoll er a templo (mesa FamilySearch.org).

• Mo meruul a techolbechelid me a oterkeklir a re mla mad a lsebecherir.

11.3

Remerredel er a Rengeasek el Dil ra Ward

11.3.1

Klebisop

Sel kot el klou a ultutelel el ngerchel a bisop a mo oungerachel el kirir a rengeasek el dil me a rengeasek el sechal er a ward er ngii. Ngii ma re counselors a mesuub el mo medengeii a ngklir e mo medengei teletael er a chelsel a delengcheklir. Te mo kebtech lobengkel a ta ma ta el ngeasek el dil el bekord el erul taem er a chelsel a tal rak (mesa 31.3.1).

Ngerchelel a bisop el kirel a chelechad er a Rengeasek el Dil ra ward. Ng blechoel mo kebtech lobengkel a merredel er a Rengeasek el Dil.

A bisop ma re counselors er ngii a blechoel el mora ikel miting, omesiou, me a omilil er a Rengeasek el dil.

11.3.2

Remeklou el Merredel er a Rengeasek el Dil

A bisop a mo omekedong e oterkeklii a klou el redil el mo mesiou el merrredel er a Rengeasek el Dil ra ward. A lsekum meng klou tial chelechad, eng mo omekedong er a tang a lechub a terung el meklou el redil el mo counselor er ngii (mesa bliongel 30).

A kekerei el chelechad, eng sebechel di chimo el merredel er a Rengeasek el Dil a mokedong el mo oungerachel er a chelechad er a Rengeasek el Dil. A leuaisei, eng mo oureor lobengterir a roungalek el mo mengedmokl a omesuub me a omilil er a rengeasek el dil.

A lsekum a branch a diak a merredel er a Rengeasek el Dil, ea merredel er a Relief Society a sebechel mo mengedmokl a omesuub el kirir a rengeasek el dil el di merekmo lokedongii a merredel er a Rengeasek el Dil.

A ikakid a ngerchelel a merredel er a Rengeasek el Dil. A re counselor er ngii a olngeseu er ngii.

• Mesiou el ngara ward council.

• Mesiou el chedal a ward youth council (mesa 29.2.6).

• Mesiou el mo er a ta ma ta el rengeasek el dil.

• Olsisechakl er a remerrdel er a Rengeasek el Dil me a ngerchelir a remerredel ra klass.

• Mengedecheduch lobengkel a rengeasek el dil kirel a ikel teletael lechau el diak lousbech ra bisop a lechub ngarngii a mekngit el omeruul (mesa 32.3, 31.3.1, me a 38.6.2).

11.3.4

Merredel ra Klass me a Melchesel

11.3.4.1

Omekedong, Kengei, e Oterekokl er a Ngerachel

A bek el klass er a Rengeasek el Dil a kirel ngarngii a merredel er a klass.

A chedal a klebisop a mo mekedongii a ngeasek el dil el mo mesiou el merredel ra klass. A lsekum e ngarngii a rebetok el rengeasek el dil mo mesiou, e ngii a mo meluluuch el osiik er a re mo counselor me a melchesel.

A uriul er a ikal okedong, ea chedal a klebisop a mo odersterir tirkal ngeasek el dil el mora klass er tir el kirel a kengei er tir. A bisop a lechub a telutk el counselor a mo olterekokl er tirkal ngeasek el dil er a ngerchelir.

11.3.4.2

Ngerachel

A remerredel er a klass a mo mesiou el ngar sel ward youth council (mesa 11.3.4.4). A ikakid a ngerchelir a remerrdel er a klass:

• Mengetikaik a klass loba blakerreng el mo meruul a ureor lolsobel me a ngar el mo cherechar (mesa bliongel 1).

• Ng mo medengelterir e mesiou er a bek el ngeasek el dil, luldimukl er tirkel diak el bora klass.

• Melib e oungerachel a miting ra klass sel Sandei (mesa 11.2.1.2).

• Melib e meruul a teletael er atomesiou me a omilil er a klass (mesa 11.2.1.3).

11.3.4.3

Miting er a Remerredel ra klass

A remerredel ra klass er a Rengeasek el Dil a mo blechoel el kebtech. A merredel ra klass a oungerachel er a miting. A remeklou el chad el merredel er a Rengeasek el Dil el mla metutk el mo olngeseu er a remerredel ra klass a dirrek el kirir el mo ngara ikal miting.

11.3.4.4

Ward Youth Council

Mesa 29.2.6 el kirel a lmuut el bebil er a tekoi el kirel a ward youth council.

11.6

Lmuut el Bebil er a Teletael me a Llach

11.6.1

Mengkerengir a Rengeasek

A remeklou el chad sel lobengterir a rengeasek el ngara Ikelesia, eng kirel ngarngii a terung el meklou el chad lobengterir. Ng locha mo kirel modak a ikal klass me bol mo er ngii.

A rokui el meklou el chad el oureor lobengterir a rengeasek a kirir el mo er sel lomesuub el kirel a ulekereuir a rengalek me a rengeasek er a chelsel a tal buil ruriul er a lemoterekokl (ProtectingChildren.ChurchofJesusChrist.org).