13.

Matawilivola ni Siga Tabu

13.1

iNaki

iLiuliu ni Matawilivola ni Sigatabu, qasenivuli, kei na kalasi eso:

• Vaqaqacotaka na vakabauta na Tamada Vakalomalagi kei Jisu Karisito ena kena vakatavulici “na ivakavuvuli ni matanitu” (Vunau kei na Veiyalayalati 88:77).

• Tokona na vulici kei na vakatavulici ni kosipeli yavutaki e vale ka tokoni vaka Lotu.

• Vukea na lewenilotu me ra vakatavuvuli ena ivakarau ni iVakabula.

13.2

Veiliutaki ni Matawilivola ni Sigatabu ena Tabanalevu

13.2.1

Matabisopi

E raica raraba tu na Matawilivola ni Sigatabu na matabisopi. Sa dau lesia na bisopi e dua na nona daunivakasala me vakayacora na itavi oqo ena ruku ni nona veidusimaki.

13.2.2

Peresitedi ni Matawilivola ni Sigatabu

13.2.2.1

Kacivi ni dua na Peresitedi ni Matawilivola ni Sigatabu

Ena kaciva ka vakatikora na bisopi e dua ka taura tu na Matabete i Melikiseteki me peresitedi ni Matawilivola ni Sigatabu ni tabanalevu. Ke rau sa gadrevi na daunivakasala, ka sa veirauti na turaga me veiqaravi ena veitutu oqo, sa rawa ni vakatura na peresitedi ni Matawilivola ni Sigatabu e dua se rua na daunivakasala.

13.2.2.2

iTavi eso

• Veiqaravi ena matabose ni tabanalevu.

• Raica vakararaba na sasaga eso me vakavinakataki kina na vulici kei na vakatavulici ni kosipeli e vale kei na Lotu.

• Vakatura ki na matabisopi na lewenilotu uabula me ra veiqaravi vaka qasenivuli ni Matawilivola ni Sigatabu.

• Tokoni, vakauqeti, ka vakasalataki ira na qasenivuli ni Matawilivola ni Sigatabu.

• Liutaka na soqoni ni matabose ni qasenivuli ena veidusimaki ni bisopi (raica na Veivakatavulici ena iVakarau ni iVakabula, 3).

13.2.3

Qasenivuli ni Matawilivola ni Sigatabu

Mera vakavakarau me veivakavulici, era na vakayagataka na qasenivuli ni Matawilivola ni Sigatabu na ivolanikalou, Lako Mai, Mo Muri Au—Me Baleta na Tamata Yadua kei na Matavuvalekei na Lako Mai, Mo Muri Au—Me Baleta na Matawilivola ni Sigatabu

13.3

Kalasi ni Matawilivola ni Sigatabu

Era dau vakayacori na kalasi ni Matawilivola ni Sigatabu ena matai kei na katolu ni Sigatabu ena veivula.

Ena veivakadonui ni matabisopi, ena vakarautaka na kalasi eso na peresitedi ni Matawilivola ni Sigatabu me baleti ira na uabula kei na itabagone.

Sa dodonu me tiko e rua mada ga na uabula nuitaki ena kalasi yadua ni itabagone.

Sa dodonu me ra vakacavara na uabula taucoko ka cakacaka vata kei ira na itabagone na veituberi ni veitaqomaki vei ira na gonelalai kei na itabagone ena loma ni dua na vula ni nodra tokoni tu (ProtectingChildren.ChurchofJesusChrist.org

13.4

Vakavinakataki ni Vuli kei na Veivakatavulici ena Tabanalevu

Sa nodra itavi ni iliuliu ena tabanalevu na vakavinakataki ni vuli kei na veivakatavulici ena nodra isoqosoqo. Sa rawa ni ra kere veivuke vua na peresitedi ni Matawilivola ni Sigatabu ke gadrevi tu.

13.5

Vakavinakataki ni Vuli kei na Veivakatavulici e Vale

Sa itavi ni tubutubu me ra vakatavulica na kosipeli kivei ira na luvedra. Sa rawa ni ra kerea na peresitedi ni Matawilivola ni Sigatabu me vukea na nodra vakavinakataki vaka qasenivuli.