o le aiga o loo suesue i tusitusiga paia

13.

Aoga Sa

13.1

Faamoemoega

O taitai, faiaoga, ma vasega o le Aoga Sa:

• Faamalolosia le faatuatua i le Tama Faalelagi ma Iesu Keriso e ala i le a’oa’o atu “o mataupu faavae o le malo” (Mataupu Faavae ma Feagaiga 88:77).

• Lagolago le a’oa’o mai ma le a’oa’o atu o le talalelei e faatotonugalemu-i-le-aiga ma lagolagoina-e-le-Ekalesia.

• Fesoasoani i tagata o le au paia e a’oa’o atu i le ala a le Faaola.

13.2

Taitaiga o le Aoga Sa a le Uarota

13.2.1

Au Epikopo

O le au epikopo e vaavaaia le Aoga Sa. E masani ona tofia e le epikopo se tasi o ona fesoasoani e faataunuu lenei tiutetauave i lalo o lana taitaiga.

13.2.2

Peresitene o le Aoga Sa

13.2.2.1

Valaauina o se Peresitene o le Aoga Sa

E valaau e le epikopo ma vaetofia se e umia le Perisitua Mekisateko e avea ma peresitene o le Aoga Sa a le uarota. Afai e manaomia ni fesoasoani, ma afai e lava ni alii e galulue i nei tofiga, e mafai e le peresitene o le Aoga Sa ona fautuaina atu se toatasi pe toalua foi ni fesoasoani.

13.2.2.2

Tiutetauave

• E auauna atu o ia i le aufono a le uarota.

• E vaavaaia taumafaiga e faaleleia ai le a’oa’o mai ma le a’oa’o atu o le talalelei i le fale ma i le lotu.

• Fautuaina atu i le au epikopo ia tagata matutua o le au paia e avea ma faiaoga o le Aoga Sa.

• Lagolago, faamalosiau, ma a’oa’o ia faiaoga o le Aoga Sa.

• Taitaia fonotaga a le aufono a faiaoga e pei ona taialaina ai e le epikopo (tagai i le Aoao Atu i le Ala a le Faaola, 3).

13.2.3

Faiaoga o le Aoga Sa

Ina ia saunia e a’oa’o atu, e faaaoga e faiaoga o le Aoga Sa ia tusitusiga paia, o le Sau, Mulimuli Mai ia te A’u—Mo Tagata Taitoatasi ma Aigama le Sau, Mulimuli Mai ia te A’u—Mo Le Aoga Sa

13.3

Vasega o le Aoga Sa

E faia ia vasega o le Aoga Sa i Aso Sa muamua ma lona tolu o masina taitasi.

Faatasi ai ma le faamaoniga a le au epikopo, e faatulaga e le peresitene o le Aoga Sa ia vasega mo tagata matutua ma le autalavou.

Ia le itiiti ifo ma le toalua tagata matutua e tatau ona i ai i vasega taitasi a le autalavou.

O tagata matutua uma e galulue ma le autalavou e tatau ona faamae’aina le a’oa’oga faamasani o le puipuiga o tamaiti ma le autalavou i totonu o le masina e tasi talu ona lagolagoina (ProtectingChildren.ChurchofJesusChrist.org

13.4

Faaleleia o le A’oa’o Mai ma le A’oa’o atu i le Uarota

O taitai o le uarota e nafa ma le faaleleia o le a’oa’o mai ma le a’oa’o atu i a latou faalapotopotoga. E mafai ona latou fesili i le peresitene o le Aoga Sa mo se fesoasoani pe a manaomia.

13.5

Faaleleia o le A’oa’o Mai ma le A’oa’o Atu i le Fale

O matua e nafa ma le a’oa’oina atu o le talalelei i a latou fanau. E mafai ona latou fesili atu i le peresitene o le Aoga Sa e fesoasoani atu ia i latou ia faaleleia lo latou avea o ni faiaoga.