“13. Lautohi Faka-Sāpaté,” Ngaahi Konga naʻe Filifili mei he Tohi Tuʻutuʻuni Fakakātoá (2023).
“13. Lautohi Faka-Sāpaté,” Ngaahi Konga naʻe Filifili mei he Tohi Tu‘utuʻuni Fakakātoá
13.
Lautohi Faka-Sāpaté
13.1
Taumuʻá
Ko e kau taki, kau faiako, mo e ngaahi kalasi Lautohi Faka-Sāpaté:
-
ʻOku nau fakamālohia e tui ki he Tamai Hēvaní mo Sīsū Kalaisí ʻaki hono akoʻi “ʻa e tokāteline ʻo e puleʻangá” (Tokāteline mo e Ngaahi Fuakava 88:77).
-
Poupouʻi ʻa e ako mo hono akoʻi ʻo e ongoongoleleí ʻo fakatefito ʻi ʻapi pea poupouʻi ʻe he Siasí.
-
Tokoniʻi ʻa e kāingalotú ke nau faiako ʻi he founga ʻa e Fakamoʻuí.
13.2
Tuʻunga Fakatakimuʻa ʻo e Lautohi Faka-Sāpaté he Uōtí
13.2.1
Kau Pīsopelikí
Ko e kau pīsopelikí ʻoku nau tokangaʻi ʻa e Lautohi Faka-Sāpaté. ʻOku meimei ke faʻa vahe ʻe he pīsopé ha taha ʻo hono ongo tokoní ke ne fakahoko ʻa e fatongiá ni ʻi he malumalu ʻo ʻene fakahinohinó.
13.2.2
Palesiteni ʻo e Lautohi Faka-Sāpaté
13.2.2.1
Ko hono Ui ʻo ha Palesiteni ‘o e Lautohi Faka-Sāpaté
ʻE ui mo vaheʻi ʻe he pīsopé ha taha maʻu Lakanga Taulaʻeiki Faka-Melekisēteki ke hoko ko e palesiteni ʻo e Lautohi Faka-Sāpate ʻo e uōtí. Kapau ʻe fie maʻu ha ongo tokoni, pea ʻoku tokolahi feʻunga ha kakai tangata ke ngāue ʻi he ongo fatongia ko ʻení, ʻe lava ʻe he palesiteni ʻo e Lautohi Faka-Sāpaté ke fokotuʻu ange ha tokoni ʻe toko taha pe toko ua.
13.2.2.2
Ngaahi Fatongiá
-
Kau ʻi he fakataha alēlea fakauōtí.
-
Tokangaʻi ʻa e ngāue ki hono fakatupulaki e ako mo hono akoʻi ʻo e ongoongoleleí ʻi ʻapi pea ʻi he lotú.
-
Fokotuʻu ki he kau pīsopelikí ha kāingalotu lalahi ke nau hoko ko ha kau faiako ʻi he Lautohi Faka-Sāpaté.
-
Poupouʻi, fakalotolahiʻi, mo fakahinohinoʻi ʻa e kau faiako Lautohi Faka-Sāpaté.
-
Tataki e ngaahi fakataha alēlea fakafaiakó ʻi he fakahinohino ʻa e pīsopé (vakai, Ko e Faiako ʻi he Founga ʻa e Fakamoʻuí, 3).
13.2.3
Kau Faiako Lautohi Faka-Sāpaté
ʻE fakaʻaongaʻi ʻe he kau faiako ʻo e Lautohi Faka-Sāpaté, ʻi heʻenau teuteu ke faiakó ʻa e folofolá, Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilímo e Haʻu, ʻo Muimui ʻIate Au—Maʻá e Lautohi Faka-Sāpaté
13.3
Ngaahi Kalasi Lautohi Faka-Sāpaté
ʻOku fakahoko ʻa e ngaahi kalasi Lautohi Faka-Sāpaté ʻi he Sāpate ʻuluaki mo e Sāpate tolu ʻo e māhiná.
Ka fakangofua ʻe he kau pīsopelikí, ʻe fokotuʻu leva ʻe he palesiteni ʻo e Lautohi Faka-Sāpaté ha ngaahi kalasi maʻá e kakai lalahí mo e toʻu tupú.
ʻOku totonu ke ʻi ai ha ongo kakai lalahi ʻe toko ua ʻi he kalasi kotoa ʻa e toʻu tupú.
Kuo pau ke fakakakato ʻe he kakai lalahi kotoa pē ʻoku ngāue mo e toʻu tupú ʻa e ako ki hono maluʻi ʻo e fānaú mo e toʻu tupú, ʻi loto he māhina ʻe taha mei honau hikinimaʻí (ProtectingChildren.ChurchofJesusChrist.org
13.4
Ko Hono Fakaleleiʻi ʻo e Akó mo e Faiakó ʻi he Uōtí
ʻOku fatongia ʻaki ʻe he kau taki ʻo e uōtí hono fakalelei‘i e akó mo e akoʻí ʻi heʻenau ngaahi houalotú. Te nau lava ʻo kole ki he palesiteni ʻo e Lautohi Faka-Sāpate ʻi he uōtí ke tokoni kapau ʻe fie maʻu.
13.5
Ko Hono Fakaleleiʻi ʻo e Ako mo e Faiako ʻi ʻApí
ʻOku ʻa e ngaahi mātuʻá ʻa e fatongia ke akoʻi e ongoongoleleí ki heʻenau fānaú. Te nau lava ʻo kole ki he palesiteni ʻo e Lautohi Faka-Sāpaté ke tokoniʻi kinautolu ke fakatupulaki ʻenau hoko ko e kau faiakó.