mga tawo nga nagaistoryahanay

14.

Single nga mga Miyembro

14.0

Introduksyon

Ang mga lalaki kag babayi nga wala pa makasal ukon diborsyado ukon balo dako ang porsyento sa mga miyembro sang Simbahan. Importante para sa tanan nga makakita sang paglaum paagi sa Pagbayad-Sala ni Jesucristo (tan-awa sa Eter 12:4). Ang masunod nga wala katapusan nga mga kamatuoran makabulig sa pagpatubo sang amo sina nga paglaum:

• Ang balaan nga mga kasulatan kag mga propeta sa ulihing adlaw nagakumpirma nga ang tanan nga matutom sa pagtuman sang mga kasugtanan sa ebanghelyo may oportunidad nga mapahitaas.

• Ang mismo nga oras kag paagi nga ihatag ang mga bugay sang pangkahitaasan wala pa mapahayag. Pero sigurado ini nga promisa (tan-awa sa Mosias 2:41).

• Ang pagpaabot sa Ginuo nagakahulugan sang padayon nga pagtuman kag espirituhanon nga progreso padulong sa Iya (tan-awa sa Isaias 64:4).

• Ang Dios nagatanyag sang wala katapusan nga kabuhi sa tanan Niya nga mga anak. Ang tanan nga kwalipikado sa maalwan nga regalo sang kapatawaran sang Manluluwas kag nagapangabuhi sang Iya mga kasuguan makabaton sang kabuhi nga wala katapusan. (Tan-awa sa Mosias 26:30; Moroni 6:8.)

• Ang kompiyansa sa sini nga mga pasalig nagatubo halin sa pagtuo kay Jesucristo. Paagi sa Iya grasya, ang tanan nga napertineser sa dutan-on nga kabuhi pagaayuhon (tan-awa sa Alma 7:11–13).

Kinahanglan sang Ginuo nga ang tanan nga mga miyembro magabulig sa buluhaton sang kaluwasan sa ila mga ward kag stake (tan-awa sa 1 Mga Taga-Corinto 12:12–27). Sa direksyon sang Espiritu, ang single nga mga miyembro ginatawag nga mangin mga lider kag manunudlo.

Sa sini nga kapitulo:

• Ang “single nga mga miyembro” nagatumod sa tanan nga hamtong nga mga miyembro sang Simbahan nga indi pa kasado.

• Ang “young single adults” nagatumod sa mga nagaedad 18–30 anyos.

• Ang “single adults” nagatumod sa mga nagaedad 31 pataas.

14.1

Single nga mga Miyembro sa mga Yunit

14.1.1

Mga Lider sa Stake

14.1.1.2

Stake Young Single Adult kag Single Adult nga mga Komite

Ang stake presidency nagahimo sang young single adult committee.

Ang stake presidency pwede man maghimo sang single adult committee.

Ang mga komite nagatuyo nga suportahan ang mga miyembro paagi sa pagpakig-abyan kag sa mga oportunidad nga magpartisipar sa buluhaton sang kaluwasan kag pangkahitaasan (tan-awa sa 14.2).

14.1.2

Mga Lider sa Ward

14.1.2.1

Bishopric

Ang bishopric amo ang yabi sa pagpaaktibo sang single nga mga miyembro sa buluhaton sang kaluwasan kag pangkahitaasan. Nagaobra sila sa ward council para magpangita sang may kahulugan nga mga calling kag tulumanon para sa single nga mga miyembro. Ginakilala nila kag ginatinguhaan nga masabat ang mga panginahanglan sang single nga mga ginikanan.

• Isa ka miyembro sang bishopric ang nagapakigkita sa kada young single adult bisan kaisa kada tuig.

• Pwede mag-organisar ang bishopric sang ward young single adult committee.

14.1.2.2

Mga Miyembro sang Elders Quorum kag Relief Society Presidency nga Naasayn sa Young Single Adults

Ang mga presidente sang elders quorum kag Relief Society pwede nga mag-asayn sang isa ka miyembro sang ila mga pangulohan para suportahan ang mga young single adult. Ini nga mga miyembro sang pangulohan nagatuon sang mga kusog sang young single adult kag nagabulig nga masabat ang ila mga panginahanglan.

Ang elders quorum president kag Relief Society president pwede nga magreport sini nga mga aksyon sa ward council meeting.

14.1.2.3

Mga Lider sang Young Single Adult

Sa ward nga may madamo nga young single adult, pwede ang bishopric mag-call sang young single adult nga lalaki kag babayi bilang mga lider sang young single adult. Ang ila mga responsibilidad nagasakop sang:

• Pagbulig sang mga young single adult nga magpartisipar sa buluhaton sang kaluwasan kag pangkahitaasan (tan-awa sa 14.2).

• Pagserbisyo sa stake young single adult committee.

• Pagpamuno sang young single adult committee sa ward kon may ginporma nga komite.

• Regular nga pagmiting upod sa elders quorum presidency kag Relief Society presidency. Sa sining mga miting, ginahambalan nila ang mga kusog sang mga young single adult kag kon paano masabat ang ila mga panginahanglan. Ginatutokan man nila ang ministering sa mga young single adult.

14.2

Pagpartisipar sa Buluhaton sang Kaluwasan kag Pangkahitaasan

14.2.1

Pagpangabuhi sang Ebanghelyo ni Jesucristo

14.2.1.1

Home Evening kag Pagtuon sang Ebanghelyo

Ang mga lider ukon miyembro nga gusto magpartisipar pwede nga magporma sang isa ukon mas madamo pa nga mga home evening group para sa mga single adult kag lain man nga grupo para sa mga young single adult.

14.2.1.3

Aktibidades

Sa idalom sang direksyon sang mga lider sang ward ukon stake, ang mga young single adult pwede nga magplano kag magpartisipar sa aktibidades nga para gid sa ila. Ang mga halimbawa sini pwede nga magsakop sang:

• Pagkadto sa templo.

• Buluhaton sa family history.

• Pagpaambit sang ebanghelyo.

• Pagserbisyo sa komunidad.

• Musika kag pangkultura nga mga kahiwatan.

• Isports.

Sa idalom sang direksyon sang mga lider sa stake, ang mga single adult pwede maghimo sang pareho nga mga aktibidades sa lebel sang stake.