14.

Towe kan me sohte pwopwoud

14.0

Kapehse

Ohl akan oh lih akan me saikinte pwopwoud de me mweisang arail pwoudkan de arail pwoudkan mehsang irail inenen tohto nan Mwomwohdiso wet. E kesempwal koaros en diar koapwoaroapwoar pwehki Tomwpen Sises Krais (kilang Ether 12:4). Me mehlel poatoapoat pwukat kak sawas kairada soangen koapwoaroapwoar wet.:

• Pwuhk sarawih kan oh soukohp en imwin-rahn akan kadehdehki me koaros me pwoson oh kolokol inou sarawih kan en rongamwahuo pahn ahneki paiamwahu en lapalapala.

• Ansou dehde oh mwohmw me kapai kan en lapalapala pahn alahldi saikinte kasansalada koaros. Ahpw irail udahn pahn pweida (kilang Mosaia 2:41).

• Pahpahsan Kauno kasalehda peik oh keirdahn palingehn me ulahng Ih (kilang Aiseia 64:4).

• Koht ketin ketkih ong mour soutuk ong sapwelime serih kan koaros Koaros me warohng Sapwelimen Sounkomouro kisakis kadek en mahk oh momourki Sapwelime kosoned akan pahn alehdi mour soutik. (Kilang Mosiah 26:30; Moronai 6:8).

• Koapwoaroapwoar wet tepida sang pwoson Sises Krais. Pwehki Sapwelime kalahngan, soahng koaros me doke mourwet koasoandi mwahu (kilang Alma 7:11-13).

Kauno ketin kupwurki tohn mwomwohdiso koaros en sawas nan doadoahk en komour nan arail ward oh stake kan (kilang 1 Korint 12:12-27). Ni kaweidpen Ngehno, towe kan me sohte pwopwoud kan kin alehdi malipilip en pwukoahn sounkaweid oh sounpadahk.

Nan iren pwuhk wet:

• “Tohn Mwomwohdiso Kiripw kan” doke koaros tohn Mwomwohdiso me sohte pwopwoud ansou wet.

• “Aramas Pwulopwul me sohte pwopwoud kan” doke irail me sounpar 18 [eisek-waluh]-30 [silihsek].

• “Aramas Laud me sohte pwopwoud kan” doke irail me sounpar 31 [silihsek-ehu] oh mahsang.

14.1

Towe kan me sohte pwopwoud nan Unit en Wasah kan

14.1.1

Sounkaweid kan en Stake

14.1.1.2

Koamidi en Aramas Pwulopwul sohte pwopwoud kan oh Aramas Laud sohte pwopwoud kan en Stake

Presidensi en stake wiahda ehu koamidien aramas pwulopwul sohte pwopwoud kan.

Presidensi en stake kak wiahda koamidi ong aramas laud sohte pwopwoud kan.

Koamidi kan kin nantiheng utung towehkan sang ni arail pahn ehupene oh nantiheng towehda doadoahk en komourla oh lapalapala (kilang 14.2).

14.1.2

Sounkaweid en Ward

14.1.2.1

Pisoprik

Pisoprik wia elen koangoangehki tohn mwomwohdiso sohte pwopwoud kan en iang dodohk en komourla oh lapalapala. Irail kin ehu ong pwihn en ward oh rapahkihda malipilip oh pwukoah ong towe me sohte pwopwoud kan. Irail kak kasawihada oh nantihong sewesehki nohno oh pahpa me sohte pwopwoud kan nan arail anahn kan.

• Emen tohn pisoprik kin tuhweng emen emen aramas pwulopwul sohte pwopwoud kan pak ehu nan ehu pahr.

• Pisoprik kak wiahda ehu koamidien aramas pwulopwul me sohte pwopwoud.

14.1.2.2

Tohn presidensi kan en Pwihn en Elder oh Pwihn en Lih kan me Pwukoahki Aramas Pwulopwul Me Sohte Pwopwoud Kan.

Presiden en pwihn en elder oh pwihn en lih akan kak pilada emen tohn arail presidensi kan en wia soun utuht ong aramas pwulopwul me sohte pwopwoud kan Tohn presidensi pwukat kak esehla arail kehl oh sewese irail alehdi arail anahn akan.

Presiden kan en pwihn en elder oh pwihn en lih kak repwohtki soangen doadoahk pwukat nan mihting en pwihnen ward.

14.1.2.3

Sounkaweid en Aramas Pwulopwul Kiripw

Nan ehu ward me tohto aramas pwulopwul me sohte pwopwoud, pisoprik kak malipe emen ohl oh lih pwulopwul me sohte pwopwoud en wia arail sounkaweid. Arail pwukoah kan iangahki:

• Sewese aramas pwulopwul me sohte pwopwoud kan en towehda doadoahk en komourla oh lapalapala (kilang 14.2).

• Papah nan koamidi en aramas pwulopwul me sohte pwopwoud kan.

• Kawkaweid koamidi en aramas pwolopwul me sohte pwopwoud ma mie me wiawihda.

• Kin tuhweng presidensi en pwihn en elder oh pwihn en lih akan ni ansou kileledih kan. Nan mihting pwukat, irail kin ehukipene kehl en aramas pwulopwul me sohte pwopwoud kan oh soangen mwomwen sawas kan me irail anahne. Irail pil kin kesempwalki wia minisder ong aramas pwulopwul sohte pwopwoud kan.

14.2

Towehda Doadoahk en Komourla oh Lapalapala

14.2.1

Momourki Rongamwahu en Sises Krais

14.2.1.1

Soutik en Peneinei oh Onopen Rongamwahu

Sounkaweid kan oh tohn mwomwohdiso kan me inangih towehda kak koasoanehdi ehu de me tohto pwihn en soutik en peneinei ong aramas kiripw kan oh ekei pwihn ong me sohte pwopwoud kan

14.2.1.3

Kemwekid kan

Pahn kaweidpen sounkaweid kan en ward oh stake, aramas pwulopwul kiripw kan kak pilahnehda oh towehda kemwekid kan me doke irail. Karasepeh kan kak iangahki:

• Mwamwaitih Tehnpas Sarawi

• Doadoahk en poadoapoad en peneinei

• Kalohngki rongamwahu

• Papah nan kousoan kan

• Koul oh kemwekid en tiahk kan.

• Kamwadong kan

Pahn kaweidpen sounkaweid en stake kan, me laud me sohte pwopwoud kan kak pilahnehda kemwekid me duwehte mepwukat nan dakehn stake