14.

Fapi Members ni Yigo Yaed Roraed

14.0

Mornga’agen

Pumo’on nge bpin ni dawri mabgol e chiney fake dar fake yim’ le’ngin fa figirngin e kabang ko membership ko Galasia nib ga’yang. Rib ga’fan ni gubin e gidii’ ni nge pire’eg athap u dakaen fare Bayul rok’ Yesus Kristus (muguy ko Ether 12:4). Tin ni bara’ary nib riyul’ nib manechubog e rayag ni nge pii’ e athap ko gidii’:

• Fapi chep nib thothup nge fapi profet ko tin tomur e rran e kar michegned ni urngin e gidii’ nib yul’yul’ nibe ayuweg fapi m’ag ko gospel e rayag ngak e bin th’abi n’uf ngalan ko falfalaen.

• Fare ngiyal’ nib duugil nge rogon ni yira rrin’ ni ngan pii’ ngodaed fapi tawa’ath ko bin th’abi tolang ko falfalaen’ e dawrin dag rogon. Machane riyul’ nibay nikan micheg (muguy ko Mosiah 2:41).

• Soen nag Somoel e be yipfan ni ngan ul’ul’ ni yibe fol ma yibe mon’og ko tin nib thothup ban’en i yaen ngak (muguy ko Isaiah 64:4).

• Got e ke pii’ e yafos nib manechubog ngak pifak ni gubin. Pi’in ni rayag ngoraed fare tawa’ath rok’ fare Tathapeg ko kalngaen’ me fol ko fapi motochiyel rok’ era thapeg e yafos nib manechubog. (Muguy ko Mosiah 26:30; Moroni 6:8.)

• Michuwun’uy ko pin’ey nikan micheg e be yean u rogon e mich rodaed ngak Yesus Kristus. U dakean fare murnguy rok’, gubin ban’en nibay ko fayleng e kan mat’weg rogon (muguy ko Alma 7:11–13).

Somoel e ba tu’uf rok’ urngin fapi members ni ngar pii’ed e ayuw ko fare muruwel rok’ ko thapegnag ulan fapi ward nge stake roraed (muguy ko 1 Corinthians 12:12–27). Woed rogon nibe powi’iy fare Thothup, fapi members ni yigo yaed roraed e kan pii’ e pigpig ngoraed nifan e tiyugang’ nge liiw ko machib.

Ulan e biney e guruy:

• “Gidii’ ni yigo yaed roraed” e be yipfan fapi members nib ilaal ko Galasia ni dawri mabgol e chiney.

• “Gidii’ nib fal’yangren nib ilaal” e be yipfan e gidii’ ni 18 e duw roraed nga mada’ ko 30.

• “Gidii’ nib ilaal ni dawri mabgol” e be yipfan e gidii’ ni 31 e duw rok’ ngalang.

14.1

Fapi Members ni Yigo Yaed Roraed ko fapi Geographic Unit

14.1.1

Tiyugang’ ko Stake

14.1.1.2

Fal’yangren nib Ilaal ni Dawri Mabgol ko Stake nge Committee ko Fal’yangren nib Ilaal ni Dawri Mabgol

Fare stake president era sunmiy reb e commiittee nifan e fel’yangren nib ilaal ni dawri mabgol.

Fare stake president e krayag nira sunmiy e commiittee nifan e gidii’ nib ilaal ni dawri mabgol.

Fapi committees e ngar gayed rogon ni ngar pii’ed e ayuw ngak fapi members u dakean e tha’ ko tafagar min un ko fare muruwel ko thapegnag nge n’uf ngalang ko bin th’abi tolang ko falfalaen’ (muguy ko 14.2).

14.1.2

Fapi Tiyugang’ ko Ward

14.1.2.1

Bishofric

Fare bishofric e irerram kanawo’en ni rayag ni ngan uneg fapi gidii’ ni dawri mabgol ko fare muruwel ko thapegnag nge n’uf ngalang ko bin th’abi tolang ko falfalaen’. Yaed ma un ko mo’olung ko ward council ni ngar guyed ko bin ngan ko fapi pigpig fa muruwel e rib fel’ ngak fapi members ni yigo yaed roraed. Yaed ma gay rogon ngar pii’ed e ayuw ko tin nib tu’uf ngak e galbithir ni yigo yaed roraed.

• Reb e member ko bishofric e ma mada’ nag ra reb fapi fel’yangren nib ilaal ni dawri mabgol ta’abiyay ulan reb e duw.

• Fare bishofric e rayag nira sunmiy reb e ward committee nifan e fel’yangren nib ilaal ni dawri mabgol.

14.1.2.2

Fapi Elders Quorum nge fapi Presidency ko Relief Society nikan Duugliyraed ngak e Fal’yangren nib Ilaal ni Dawri Mabgol

Fapi elders quorum nge fapi president ko Relief Society e rayag ni ngar pii’ed reb e member ko presidencies ni nge pii’ e ayuw ngak e fal’yangren nib ilaal ni dawri mabgol. Tiney e members ko presidency e rayag ni yaedra fil mornga’agen gelngin fapi fal’yangren nib ilaal ni dawri mabgol min ayuwegraed ko tin nib tu’uf roraed.

Fapi president ko elders quorum nge Relief Society e rayag ni ngar weliyed e pin’ey ni yibe gay rogon ulan fapi mo’olung ko ward council.

14.1.2.3

Fapi Tiyugang’ ko Fal’yangren nib Ilaal ni Dawri Mabgol

Ulan e ward ni bo’or e fal’yangren riy nib ilaal ni dawri mabgol, fare bishofric e rayag nira pinning reb e fal’yangren ni pumo’on nge bbin nib ilaal ni dawri mabgol ni nge mang e tiyugang’ ko fapi fal’yangren nib ilaal ni dawri mabgol. Muruwel rorow e mu’un e:

• Ayuweg fapi fal’yangren nib ilaal ni dawri mabgol ni ngar uned ko fare muruwel ko thapegnag nge n’uf ngalang ko bin th’abi tolang ko falfalaen’ (muguy ko 14.2).

• Pigpig ko fare stake commiittee nifan e fel’yangren nib ilaal ni dawri mabgol.

• Powi’iy fare ward commiittee ko fel’yangren nib ilaal ni dawri mabgol ni fa’anra kan sunmiy reb.

• Un ko mo’olung ko fapi presidency ko elders quorum nge Relief Society ni bo’or yay. Ulan e pi mo’olung ney, yaed ma weliy mornga’agen gelngin fapi fal’yangren nib ilaal ni dawri mabgol nge rogon ni ngar pii’ed e ayuw ngoraed ko tin nib tu’uf roraed. Ma ki yeadra ul’ul’ ngar machib gaed ngak fapi fal’yangren nib ilaal ni dawri mabgol.

14.2

Un ko fare Muruwel ko Thapegnag nge N’uf Ngalang ko bin Th’abi Tolang ko Falfalaen’

14.2.1

Fol ko Gospel ku Yesus Kristus

14.2.1.1

Mo’olung ko Tabinaew nge Fil Mornga’agen fare Gospel

Tiyugang’ fa members ni ba’adag ni nge un e rayag ni nge yarmiy reb fa boech e ulung nifan e home evening nifan e fal’yangren nib ilaal ni dawri mabgol nge ku boech e ulung nifan e fal’yangren nib ilaal ni dawri mabgol.

14.2.1.3

Fapi Acvitivies

U tan paa’ fapi tiyugang’ ko ward nge stake, fapi gidii’ nib ilaal nib fal’yangren ni dawri mabgol e rayag ni ngar puruy’ niged mar uned ko fapi activities nifan ngoraed. Woed nib mu’un e:

• Fapi yean nga temple.

• Muruwel nifan e cheppin e tabinaew.

• Weliy mornga’agen fare gospel.

• Pigpig nifan e binaew.

• Musik nge boech e event.

• Gosgos.

U tan paa’ fapi tiyugang’ ko stake, fapi gidii’ nib ilaal ni dawri mabgol e krayag ni ngar puruy’ niged boech e activities nibay ko level ko stake.