15.

Seminaries nge Institutes ko Tiliw

15.0

Mornga’agen

Seminaries nge Institutes ko Tiliw (S&I) e ma ayuweg e galibthir nge fapi tiyugang’ ko Galasia ni nge ayuweg e fal’yangren nge fal’yangren nib ilaal ni nge ga’nag e mich roraed iyaen ngak Yesus Kristus nge fare gospel rok’ nikan sulyarmen.

Reb e S&I representative e yima duugliy ko yu reb fapi stake ni nge pii’ e ayuw ngak fapi tiyugang’ ko S&I programs.

15.1

Seminary

Seminary e ba program ni aningeg e duw nap’an ni fapi fal’yangren e yaed ma fil mornga’agen e gospel rok’ Yesus Kristus nibay ulan fapi chep nib thothup nge fapi machib ko profet ko tin tomur e rran. Bitir ko seminary e baga’ ni 14–18 e duw roraed.

Fare bishofric, fapi tiyugang’ ko fal’yangren, nge fapi presidencies ko quorum nge klass e yaed ma pii’ e athamgil ngak fapi fal’yangren ni ngar uned ko seminary ni ga’angin yang.

15.1.1

Sensey

Fapi Sensey ko Seminary e thingarra pired ni yaed bugi gidii’ ni members nibay e mich u wun’raed ngak Somoel Yesus Kristus nibay e mich roraed ko fare gospel rok’ nike sulyarmen. Thingar ra fol gaed ko fapi yalen ni yaed be machib nag ma fel’ rogon ni yaed be fanow nag fapi fal’yangren. Fa’anra rayag, ma fapi sensey e susun nibay e temple recommend roraed.

Reb e member ko presidency ko stake fa bee’ nikan duugliy ko fare high councilor era pii’ e biney e pigpig, yibliy, fa museg fapi sensey ko seminary ko stake nge stake supervisors.

Ra ngan ayuweg fapi sensey nge fapi bitir, susun ni l’agruw nii’ nib ilaal e susun nibay ulan fare nu’un fa fare tabinaew ko gin ni yibe machib nag fare klass ko seminary riy.

15.1.2

Rogon ni Rayag ni ngan Un ko Seminary

Seminary e rib fel’ ni fa’anra rayag ni nge mada’ nag fapi bitir fare sensey ni gubin e wik. Machane, biney e bay ni dabiyag ni bachan e riyaq, n’umngin e gin ni ngan milekag riy, nge ku boech ban’en.

Fapi tiyugang’ ko Galasia e ngar gopuruy’ gaed ngak fapi S&I representative ngar duugliyed ko bin ngan ko fapi n’en era:

• Ayuweg fapi bitir ni ngar filled fare gospel me gelnag e mich roraed.

• Ayuweg fapi bitir ni dariy e kireb fa riyaq nira yib nga dakean raed.

• Dabi gafgow nag rogon e par ko tabinaew roraed.

Fapi klass riy e dabin tay ko fare rran nib Madnom.

15.1.3

Fapi Nu’un, Equipment, nge fapi Material

Fapi tiyugang’ ko stake nge ward e yaedra micheg ni bay tigil’ e gin ni yira mo’olung riy fa tabinaew ku bee’ ni ngan tay e pi klass ney ko seminary riy.

Fare S&I representative ere pii’ fapi material nifan fapi sensey nge fapi bitir nifan fare klass. Fapi bitir e susun nira bigyaed me fek’ e birok’ e babyor nib thothup, bin nikan print nag fa bin nibay ko fon.

15.1.5

Credit nge Graduation

Bitir ko seminary e rayag ni ngar filed bugi ban’en nib bo’or nge tin nira gel nag e mich roraed ni fa’anra yaedra yaen ko klass ko seminary ni gubin ngiyal’, ma yead be un ko tin ni yibe rrin’ riy, ma yaed be fil fapi chep nib thothup u wuru’ fare klass. Fa’anra yaedra rrin’ e pin’ey, ma arram ni yaedra thapeg e credit ko seminary ko gubin e duw ma rayag ni yaedra graduate ko seminary.

Ra ngan graduate ko seminary, ma ra reb fapi bitir e thingari yag ngak e credit nifan aningeg e duw nge babyor ko ecclesiastical endorsement nira yib rok’ reb e member ko bishofric.

15.2

Institute

Institude e ma pii’ e klass ni gubin e wik ko mornga’agen e tin ni ngan fil ko gospel ni rayag ni nge gelnag e mich nge michaen’ ngak Yesus Kristus nge fare gospel rok’ nike sulyarmen. Gubin e fel’yangren nib ilaal ni dawri mabgol ni 18–30 e duw roraed e susun ni ngan pii’ e athamgil ngoraed ni ngar uned ko fapi klass ko institute, demuturug ko yaed be un nga skuul fa danga’.

15.3

Skuul ko Galasia nge Educational System ko Galasia

Ko boech mornga’agen e bin somm’on nge bin l’agruw e skuul ko Galasia, BYU–Pathway Worldwide, nge fapi institutions, muguy ko CES.ChurchofJesusChrist.org. Mornga’agen rogon ni ngan fal’ag rogon fapi babyor ko ecclesiastical endorsements nifan e bitir ni nge un ko pi skuul ney e krayag ni ngan pire’eg mornga’agen u rom.

Nib mu’un, mornga’agen e babyoren e muruwel ngay ko employment ecclesiastical clearances ni rayag ni ngan pire’eg ko CES Ecclesiastical Clearance Office ko help.ChurchofJesusChrist.org.