mitãkuña omopu’ãvo ipo cláse-pe

15.

Relihiõgua Seminario ha Instituto-kuéra

15.0

Ñepyrũmby

Relihiõgua Seminario ha Instituto-kuéra (S&I) ome’ẽ asistencia tuvakuéra ha umi Tupaogua líderpe oipytyvõvo umi jóvenes ha jóvenes adultos-pe ombokakuaa hag̃ua ijerovia Jesucristo ha Iñevanhélio rrestaurádore.

Peteĩteĩ estákape oñeasigna peteĩ S&I representante oipytyvõ hag̃ua liderkuérape oadministrávo S&I programakuéra.

15.1

Seminario

Seminario ha’e peteĩ programa irundy ary oduráva umi imitãva oestudiahápe Jesucristo evanhélio oĩháicha escritura-kuérape ha umi proféta ára pahapegua mbo’epykuérape. Seminario temimbo’ekuéra oreko jepi 14 áño guive 18 áño peve.

Pe obispado, umi imitãva liderkuéra, ha umi clase-gua kórum ha presidencia omokyre’ỹ peteĩteĩ umi imitãvape oparticipa meme hag̃ua seminario-pe.

15.1.1

Mbo’eharakuéra

Seminario mbo’eharakuéra ha’eva’erã Tupaogua miembro orekóva jerovia Ñandejára Jesucristo-re ha peteĩ testimonio Iñevanhélio rrestaurádogui. Oviviva’erã umi principio ombo’éva ha omba’apo porãva’erã umi imitãva ndive. Ikatúramo, mbo’eharakuéra oguerekova’erã peteĩ templo recomendación vihénte.

Peteĩ estakagua presidencia miembro térã peteĩ sumo consejo-gua miembro oñeasignáva ohenói, oaparta, ha orreleva umi estakagua seminario mbo’ehára ha estakagua supervisor-kuérape.

Oñemo’ã hag̃ua mbo’ehára ha temimbo’ekuérape, mokõi kakuaáva oĩva’erã presente pe edificio térã óga oñembo’ehápe hína seminario clase.

15.1.2

Umi Seminario Opción

Seminario oporoipytyvõ porãve temimbo’ekuéra ikatúrõ oñembyaty mbo’ehára ndive káda semana-gua árape. Upevére, upéva sapy’ánte ndaikatúi oiko ijetu’úgui segurida, mombyrykue ha ambue mba’e rupi.

Upéicharamo Tupaogua liderkuéra okonsulta S&I representante ndive odesidi hag̃ua mba’e opción ikatúta:

• Oipytyvõ porãve temimbo’ekuérape oñemoarandu hag̃ua evanhéliope ha okakuaa espiritualmente.

• Omo’ã temimbo’ekuérape.

• Nombopohyivéi familiakuérape natekotevẽivo.

Umi clase ndoikoiva’erã Domingo-kue.

15.1.3

Edifísio, Ekípo ha Material-kuéra

Estáka ha barrio-gua liderkuéra ohecha toĩ disponible ténda oiko hag̃uáme seminario cláse, ikatúva ha’e umi capilla térã miembro-kuéra róga.

Pe S&I representante oprovee umi material mbo’ehára ha temimbo’ekuérape g̃uarã peteĩteĩ clase-pe. Temimbo’ekuéra ogueruva’erã ijescritura, taha’e versiõ impreso térã digital.

15.1.5

Crédito ha Graduasiõ

Seminario temimbo’ekuéra ikatu oñemoarandu porãve ha ombopypuku ikonversiõ oho memérõ cláse-pe, opartisipa, ha oestudia umi escritura osẽ rire cláse-gui. Ojapóvo ko’ã mba’e, ha’ekuéra avei ogana seminario crédito káda ary ha ikatu ojegradua seminario-gui.

Ojegradua hag̃ua seminario-gui, peteĩ temimbo’e ohupytyva’erã irundy ary crédito ha peteĩ recomendación eklesiástiko peteĩ obispado-gua miembro-gui.

15.2

Instituto

Instituto ome’ẽ evanhélio estudio cláse semana-gua árape omombarete hag̃ua jerovia ha testimonio Jesucristo ha Iñevanhélio rrestaurádogui. Oñemokyre’ỹva’erã opaite jóven adulto soltero-pe orekóva 18 ary 30 peve oasisti hag̃ua instituto cláse-pe, taha’e ohóha hína peteĩ institución académica-pe térã nahániri.

15.3

Umi Tupaogua Institución ha Sistema Educativo

Ojehupytyve hag̃ua marandu umi Tupaogua mbo’ehao educación primaria ha secundaria rehegua, BYU–Pathway Worldwide, ha umi institución de educación superior rehegua, tojehecha CES.ChurchofJesusChrist.org. Upépe avei oñeme’ẽ informasiõ mba’éicha oñemyanyhẽ umi recomendación eklesiástiko tekotevẽva temimbo’ekuéra oho hag̃ua umi institución educativa-pe.

Avei, marandu umi autorisasiõ eklesiástiko empleo-rã CES Ecclesiastical Clearance Office rupive ojejuhukuaa help.ChurchofJesusChrist.org.