“15. Lutlut ke ma luhn Alu sin Seminary ac Institute,” Ma Sulweyucklac ke General Handbook (2023).
“15. 15. Lutlut ke ma luhn Alu sin Seminary ac Institute,” Ma Sulweyucklac ke General Handbook
15.
Lutlut ke ma luhn Alu sin Seminary ac Institute
15.0
Ikucslah
Lutlut ke ma luhn Alu sin Seminary ac Institute(S&I) kahsruh pahpah ninac ac mwet kol ke Alu uh in kahsruh mwet fuhsr ac mwet fuhsr mahtuh ahkyohkye luhlahlfongi lalos kacl Jisus Kraist ac wosasuc fohlohkihnyuckyak Lal.
Sie S& mwet sulweyucklac e kunweyucki nuh ke kais sie stek in kahsruh mwet kol karihngihn S&I prokracm.
15.1
Seminary
Seminary el prokracm yac ahkosr suc mwet fuhsr uh lutlutkihn wosasuc luhn Jisus Kraist ma an ke ma suhmuhslah ac mwe luti luhn mwet pahluh ke lwen-sahflah. Tuhlihk ma wi Seminary uh oasr ke yac 14–18.
Pisaprik, mwet kol mwet fuhsr, ac u ac prestuhnsi ke kuhlahs ahkkweye mwet fuhsr nuhkewa in fohnohslah seminary.
15.1.1
Mwet luti
Mwet luti Seminary enenuh in mempucr se ke Alu uh ma oasr luhlahlfongi la kacl Jisus Kraist ac etuh pwacye ke wosasuc fohlohkihnyuckyak Lal. Elos enenuh in moulkihn mwe luti elos luti ac orekma wo fal wi mwet fuhsr. Fin kuh, mwet luti enenuh in oasr pwepuh in lwelah la nuh tempuhl.
Mempucr se ke prestuhnsi luhn stek kuh mwet se kunweyucki ke mwet in kahsruh fuhlwact pahngon, sulaclah nuh ke kunohkohn se, ac fuhlwelah mwet in luti seminary ke stek ac mwet in liyacng ke stek.
In karihngihn mwet luti ac tuhlihk lutlut, mwet mahtuh luo enenuh in oasr ke iwac kuh lohm se kuhlahs sacn lutiyuck we uh.
15.1.2
Sulwaclah luhn Seminary
Wo ke tuhlihk seminary uh ohsun nuh sin mwet luti ke kais sie wik. Tuhsruhktuh, ma se inge tiac kuh in fahlac ke srihpen elyah in karihngihn in sef, lusacn acn sacn ac elyah sahyac.
Mwet kol ke Alu uh sramsram liye yurin mwet in kahsruh S& sollac lalos in sulwaclah lah piac ma wo in:
-
Kahsruh yohk tuhlihk uh in lutlutkihn wosasuc ac in kapwack ke nguhn.
-
Oruh tuhlihk uh sef.
-
Tiac ahktoasrye sucu.
Tiac orek kuhlahs ke lwen Sacnri.
15.1.3
Iwac, Mwe Orekma, ac Kuhfa
Mwet kol ke stek ac ward enenuh in sokwack lah acn pa nuh ke acn in toeni kuh lohm sin mempucrs wo in ahkfahsryeyuck seminary kac.
Aholyacn S&I kahsruh sokwack kuhfa nuh sin mwet luti ac tuhlihk lutlut ke kais sie kuhlahs an. Tuhlihk lutlut enenuh in sifacna us ma suhmuhslah nahtuhlos, in printiyucki kuh ma ke phone ma.
15.1.5
Credit ac Graduation
Tuhlihk wi seminary kuh in eis etacack yohk la ac ahkloalye luhlahlfongi lalos fin elos wi na wi kuhlahs, wi oruh ma orek, ac lutlutkihn ma suhmuhslah lihkihn kuhlahs lalos an. Ke elos oruh ma inge, elos oacyacpac eis credit lalos ke seminary ke kais sie yac ac kuh in srolah kuh kractlac liki seminary.
In kractlac ke seminary, tuhlihk se enenuh in oraclah yac ahkosr ke credit ac eis mwe sang ecclasiastical sin mempucr se ke pisaprik.
15.2
Institute
Institute el kuhlahs se suc lutlut ke pacl se ke wik se in kahsruh ahkkweye luhlahlfongi ac etuh pwacye kacl Jisus Kraist ac wosasuc fohlohkihnyuckyak Lal. Mwet fuhsr mahtuh nuhkewa matwac yac 18–30 enenuh in pahtokyuck in wi kuhlahs luhn institute, tiac elyah lah elos wi lutlut kuh tiac.
15.3
Lutlut luhn Alu ac Church Educational System
In etuh yohk ke lutlut srihsrihk luhn Alu, BYU–Pathway Worldwide, ac lutut luhlahp, liye CES.ChurchofJesusChrist.org. In etuh yohk ke mwe ahkahlwemye se nuh sin tuhlihk ma wi lutlut inge ke mwe sang ecclesiastical ahkuhtweyucki pac oasr insacn.
Kuhtuh ma weacng pac, mwe ahkahlwemye ke mwet orekma ke ecclesiastical clearance yurin CES Ecclesiastical Clearance Office kuh in sukokyak e help.ChurchofJesusChrist.org.