15.

Seminele mpe Kelasi ya Bakolo

15.0

Boyingisi

15. Seminele mpe Kelasi ya Bakolo (S&I) esungaka baboti mpe bakambi ya Eklezia mpo na kosalisa bilenge mpe bilenge bakola bakolisa bondimi na bango na Yesu Klisto mpe nsango na Ye ezongisami.

Moko ya S&I ntoma atindami na likonzi moko na moko mpo na kosunga bakambi bayangela bapologalame ya S&I.

15.1

Seminele

Seminele ezali pologalame ya mibu minei na kati na yango bilenge bayekolaka nsango malamu ya Yesu Klisto lokola ezwami na makomi mpe mateya ya baprofeta ya mikolo ya nsuka. Bayekoli ya seminele bazali mingimingi na mibu 14–18.

Boepisikopo, bakambi ya bilenge, mpe bakambi ya bakelasi bapesaka elenge nyonso makasi ya kosangana na seminele mobimba.

15.1.1

Bateyi

Bateyi ya seminele basengeli kozala bandimi ya Eklezia oyo bazali na bondimi na Nkolo Yesu Klisto mpe litatoli na nsango malamu na Ye ezongisami. Basengeli kobika mibeko bango bazali koteya mpe kosala malamu na bilenge. Soki ekoki kosalema, bateyi basengeli na mokanda ya tempelo ya sika.

Moko ya bokambi ya likonzi to moko ya bapesi toli ya likolo oyo atindami akobenga, kotia pembemi, mpe akopemisa bateyi ya seminele mpe bayangeli ya likonzi.

Mpo na kobatela bateyi mpe bayekoli, bakolo mibale basengeli kozala wana na eetonga to na ndako esika wapi seminele ezali koteyama.

15.1.2

Biteni ya Seminele

Seminele esungaka mingi ntango bayekoli bakoki kokutana na moteyi na mokolo moko na moko ya mosala ya poso. Nzokande, yango ekoki kosalema te na ntina ya makambo ya likama, ntaka ya kotambola, mpe makambo mosusu.

Bakambi ya Eklezia bakotuna ntoma ya S&I na bango mpo na kozwa mokano ya eteni nini ekozala:

• Kosalisa bayekoli malamu mpeza mpo na koyekola nsango malamu mpe kokola na molimo.

• Kobatela bayekoli na bozangi likama

• Komemisa te mabota mikumba ezanga ntina.

Bakelasi esengeli kosalama na mokolo ya Eyenga te.

15.1.3

Bisika, Bisalelo, mpe Bisaleli

Bakambi ya Likonzi mpe ya Palwasi bakotala na bokebi ete bisika lokola bandako ya mayangani to bandako ya bandimi epesami mpo na bakelasi ya seminele.

Ntoma ya S&I momoni akopesa bisaleli mpo na bateyi mpe bayekoli mpo na kelasi moko na moko. Bayekoli basengeli bamema makomi na bango moko, ebetami na lokasa to na telefone.

15.1.5

Bilembo mpe Milulu ya Lipolome

Bayekoli ya seminele bakoki koyekola malamu koleka mpe kokolisa bobongoli motema na bango soki bango bakotaka mingi na kelasi, basanganaka, mpe bayekolaka makomi libanda ya kelasi. Ntango bango bazali kosala makambo oyo, bazali lisusu kolonga bilembo ya seminele mobu moko na moko mpe bakoki kozwa lipolome ya seminele.

Mpo na kozwa lipolome ya seminele, moyekoli asengeli alonga bilembo ya mibu minei mpe kozwa kondimama ya eklezia uta na moko ya bopisikopo.

15.2

Kelasi ya bakolo

Kelasi ya bakolo epesaka mateya ya boyekoli nsango malamu ya mokolo ya mosala ya posooyo ekolendisa bondimi mpe litatoli kati na Yesu Klisto mpe nsango malamu na Ye ezongisami. Bilenge bakoli nyonso ya mibu 18–30 basengeli kopesama makasi ya kokende na bakelasi ya kelasi ya bakolo, atako bakendaka eteyelo to te.

15.3

Biteyelo ya Eklezia mpe Lolenge ya Koteyela ya Eklezia

Mpo na nsango etali eteyelo ya bana na Eklezia mpe biteyelo ya sekondere, BYU–Pathway Worldwide, mpe biteyelo ya mateya ya likolo mpenza, tala CES.ChurchofJesusChrist.org. Mayebisi etali kozwa bondimisami ya eklezia mpo ete bayekoli bakota na biteyelo yango mpe ezwami kuna.

Kobakisa, nsango etali ndingisa ya kosala na eklezia na nzela ya CES Ecclesiastical Clearance Office ekoki kozwama na help.ChurchofJesusChrist.org.