15.

Seminaire ne Institut ya Tshitendelelu

15.0

Tshibangilu

Seminaire ne Institut ya Tshitendelelu (S&I) kadi kakuatshisha baledi ne balombodi ba Ekelezia mu diambuluisha bansonga ne nsonga mikulumpa badi kabayi banji kubuela mu dibaka mua kudiundisha ditabuija diabu mu Yezu Kilisto ne mu lumu luimpa luenzulula.

Muimanyinyi wa S&I udi mutumibua mu dikunji dionsu bua kuambuluisha balombodi bua kulombola ndongamu wa S&I.

15.1

Seminaire

Seminaire udi ndongamu wa bidimu binayi udi bansonga balonga lumu luimpa lua Yezu Kilisto bu mudibi bisangana mu mifundu ne malongesha a bambi ba matuku a ndekelu. Balongi ba seminaire badi nangananga ne bidimu 14–18.

Buepiskopo, balombodi ba bansonga, ne ba mpuilu, ne malombodi makulu a tulasa badi bakankamika bansonga bonsu mua kuikala misangu yonsu mu seminaire.

15.1.1

Balongeshi

Balongeshi ba seminaire badi ne bua kuikala bidimba bia Ekelezia bidi ne ditabuija mu Mukalenga Yezu Kilisto ne bujadiki bua lumu luimpa lupinguluja. Badi ne mua kuteka mu tshienzedi nshindamenu idibu balongesha ne kuenza mudimu muimpa ne bansonga. Biobi bikumbana, balongeshi badi ne mua kuikala ne dianyisha dia ku buela mu ntempelo kadiyi dijikila matuku.

Tshidimba tshia bulombodi bukulu bua dikunji anyi tshidimba tshia tshipangu tshinena tshitumibua tshidi tshibikila, diteka pabula, ne tshiumbusha balongeshi ba ku semenaire nebatshiungi ba dikunji.

Bua kulama balongeshi ne balongi, bantu bakulumpa babidi badi ne mua kuikala koku ku tshibambalu anyi ku dîku muaba udi kalasa ka seminaire kikala kalongeshibua.

15.1.2

Mishindu ya Kuenza Seminaire

Seminaire udi wambuluisha bikola padi balongi ne mulongeshi basangila dituku dionsu dia mu lumingu. Kadi, etshi tshidi mua kubenga kukumbana kupishila ku imua muenenu ya bukubi buimpa, kuenda mutantshi mula, ne mikuabu muenenu.

Balombodi ba Ekelezia badi ne mua kuyikila ne mu muimanyinyi wa S&I bua kuangata mapangadika adi akumbana:

• Kuambuluisha bimpa balongi mua kulonga lumu luimpa ne kukola mu nyuma.

• kulama balongi bimpa.

• Kubenga kupesha baledi bujitu padibi kabiyi bikumbana.

Tulasa katuena mua kuenzeka mu Dialumingi to.

15.1.3

Bibambalu, Biamua bia Mudimu, ne Bintu

Balombodi ba dikunji ne ba tshikongu badi batuishibua bua muaba wa tshilongedi bu mudi nzubu ya bisangilu anyi kumbelu kua tshidimba bidi koku bua kuenzelaku kalasa ka seminaire.

Muimanyinyi wa S&I udi ufila bintu kudi balongeshi ne balongi bua kalasa konsu. Balongi badi ne bua kulua ne mifundu yabu, ya mu mabeji anyi mu telefona.

15.1.5

Point ne Diploma

Balongi ba Seminaire badi mua kulonga bimpa ne kushindika bikola dîkudimuna diabu dia moyo pikalabu babuela misangu yonsu mu kalasa, bikalamu, ne balonga mifundu pambelu pa kalasa. Padibu benza nunku, badi bapeta point ya seminaire tshidimu tshionsu ne badi mua kupeta diploma dia seminaire.

Bua kupeta diploma dia seminaire, mulongi udi ne mua kuenza point ya bidimu binayi ne kupeta dikenketa dia ekelezia difumina kudi tshidimba tshia buepiskopo.

15.2

Institut

Institut udi ufila dituku mu lumingu mua kulonga kalasa ka lumu luimpa kadi kakolesha ditabuija ne bujadiki mu Yezu Kilisto ne mu lumu luimpa luenda luenzulula. Nsonga bonsu idi yiyi mianji kubuela mu dibaka, ya bidimu 18–30 idi ne bua kukankamikibua mua kubuela mu kalasa ka institut, badibu baya mu kalasa anyi kabayi baya to.

15.3

Bilongelu bia Ekelezia ne Bulongolodi bua Ndongeshelu wa Ekelezia

Bua ngumu pa bilongelu bia mbedi ne bibandila bia Ekelezia, BYU–Pathway Worldwide (BYU–Pathway pa Buloba bujima) ne bilongelu bitumbuka bia nkoleshilu, tangila CES.ChurchofJesusChrist.org. Ngumu pa dikenketa dia ekelezia bua balongi kubuela mu bilongelu ebi didi kabidi difidibua koku.

Bua kukumbaja, ngumu pa dienza dia mudimu mu ekelezia kupitshila ku CES, Ecclesiastical Clearance Office (CES Tshibambalu tshia Dienza Mudimu mu Ekelezia) idi mua kupetshibua ku help.ChurchofJesusChrist.org.