ngeasek el dil loldars er a chimal el ngara klass

15.

Seminari me a Institute er a Klechelid

15.0

Uchelel a Omesodel

A Seminari me a Institute er a Klechelid (S&I) a olngeseu er a roungalek me a remerredel er a Ikelesia lolngeseu er a rengeasek me a rengeasek el meklou el chad el mo meleketek a klaumera er tir er a Jesus Kristo me a mla moluut el ebangkelio er Ngii.

A S&I omtechei a metutk el mora bek el stake el mo olngeseu er a remerredel el meruul a S&I brokuram.

15.1

Seminari

A Seminari a eua-el rak el brokuram el rengeasek a mesuub el kirel a ebangkelio er a Jesus Kristo el debetik er a chelsel a chedaol llechukl me a osisecheklir a uriul-klebesei el reprofet. A rengalek er a Seminari a teruich ma eua–el mo er a teruich ma eai a rekrir.

A klebisop, remerredel er a rengeasek, me a chelechad ma merredel er a klass a omkeduch a rengrir a rebek el ngeasek mel bora seminari.

15.1.1

Resensei

Resensei er a Seminari a kirir el chedal a Ikelesia el ngarngii a klaumerang er tir er a Rubak el Jesus Kristo e oumerang er a mla moluut el ebangkelio er Ngii. Ng kirir el kiei loltirakl a ikal osisechakl el tir a olsisechakl e ungil oureor lobengterir a rengeasek. A le sebechel, a resensei a kirir el ngarngii a babilngir er a templo el ulsbechall er a chelechal taem.

A chedal a remerredel er a stake a lechub e ngkel telutk el high councilor a omekedong, oterekokl a ngerachel, e melubet a okedong er a resensei er a seminary ra stake me a stake supervisors.

Mo mengeluolou er a resensei ma rengalek er a seminari, ea reteru el meklou el chad a kmal kirir el blechoel ngara chelsel a ikelesia a lechub a blai losisechakl a seminari er ngii.

15.1.2

Bebil ra Teletael er a Seminari

A seminari a klou a lengesuir a lsekum a rengalek a mo kebetech lobengkel a sensei er a bek el temel a seminari. Eng di, tiang a locha diak el sebechel mo duubech el tekoi er a selbechakl a uchul, klemanget er a omerael, me a kuk di bebil er a teletael.

A remerredel er a Ikelesia a mo chadecheduch lobengterir a S&I romtechei el mo melib er a teletael el ngii:

• A mo ungil ngosuterir a rengalek er a omesubir er a ebangkelio e mo mukeroul er a chedaol tekoi.

• A rengalek a mo selbechakl.

• E diak lomekringel a telungalek er a ikel diak a ultutelel.

A klass a diak el kirel ngarngii sel le Sandei.

15.1.3

Omekedecheraol, Dongu, me a Klekedall

A remerredel er a stake me a ward a mo ungil mesa el kmo a ikel basio el uai a ikelesia a lechub eng blirir a rechedal a ikelesia a sebechel lousbech el kirel a klass er a Seminari.

A S&I omtechei el mesterir a klekedall el mo er a resensei me a rengalek er a seminari ra bek el klass. A rengalek er a seminari a kirir lolab a chedaol llechukl, el llechukl a lechub eng digital.

15.1.5

Credit me a Omelilt

A rengalek er a seminari a sebechir mo ungil mesuub e mo dmolech a beltir a lsekum te blechoel mo er a klass, meruul, e mesuub a chedaol llechukl er a ikrel a klass. Me sel loruul a ikang, e te dirrek el sebechir el ngmai a credit er a seminari er a bek el rak meng mo sebechir el mo tuobed er a seminari.

Sel mo tuobed er a seminari, a ngalek a kirel mla ngmai a credit el kirel a eua el rak e mo nguu sel ecclesiastical endorsement er a chedal a klebisop.

15.2

Institute

A Institute a ngarngii a klass ra omesubel a ebangkelio el melisiich a klaumerang e ouchais el kirel a Jesus Kristo me a mla moluut el ebangkelio er Ngii. A rokui el ngeasek el mesobil chad el teruich me a eai–el mora okedei a rekrir a kirir el omekduch a rengrir el mo melai a klass er a institute, e le ngara skuul me a lak.

15.3

Skulel a Ikelseia me a Educational System er a Ikelesia

A omsodel a ikel primary me a secondary el skulel a Ikelesia, el rua BYU–Pathway Worldwide, me a omesuub er a ngarbab el skuul, e mesa CES.ChurchofJesusChrist.org. A omesodel sel ecclesiastical endorsements el mo er a rengalek er a skuul el mo ngara ikal skuul a dirrek el ngarsei.

Osisiu, a omesodel a ecclesiastical clearances er a ureor lokiu a CES Ecclesiastical Clearance Office a sebechel mengai er a help.ChurchofJesusChrist.org.