“17. Anseye Levanjil la,” Seleksyon ki soti nan Manyèl Jeneral la (2023).
“17. Anseye Levanjil la,” Seleksyon ki soti nan Manyèl Jeneral la
17.
Anseye Levanjil la
Nou anseye levanjil la pou ede moun yo ranfòse lafwa yo nan Papa nou ki nan Syèl la ak nan Jezikri.
17.1
Prensip sou Anseye nan Fason Kris la
Lè y ap anseye levanjil la, paran yo, enstriktè yo, ak dirijan yo dwe suiv egzanp Jezikri, ki se Mèt Enstriktè a.
Dirijan yo pataje prensip pou anseye nan fason Kris la avèk enstriktè nan òganizasyon yo. Yo eksplike prensip sa yo an plis detay nan Anseye nan Fason Sovè a.
17.1.1
Renmen Moun W ap Anseye yo
Tout bagay Sovè a fè se yon ekspresyon sou lanmou Li (gade 2 Nefi 26:24).
17.1.2
Anseye pa Lespri
Enstriktè yo chèche gidans Lespri a pandan y ap prepare epi anseye, epi yo fè efò pou yo viv diy pou enfliyans Li chak jou.
17.1.3
Anseye Doktrin nan
Nan suiv egzanp Sovè a, enstriktè yo konsantre sou verite esansyèl ak rachtan yo nan levanjil la. Yo itilize ekriti yo, ansèyman pwofèt dènye jou yo, ak materyèl pwogram ki apwouve pou yo anseye.
17.1.4
Envite Aprantisaj Dilijan
Enstriktè yo ankouraje manm yo pou yo responsab pwòp aprantisaj yo.
17.2
Aprantisaj ak Ansèyman Levanjil ki Santre Sou Fwaye a.
Dirijan Legliz yo ak enstriktè yo ankouraje ak sipòte aprantisaj ak ansèyman levanjil ki santre sou fwaye a.
Dirijan yo ak enstriktè yo ankouraje manm yo pou yo chèche pwòp enspirasyon pa yo sou fason pou yo etidye ak anseye levanjil la. Resous prensipal yo ta dwe ekriti yo ak mesaj konferans jeneral yo.
17.3
Responsablite Dirijan yo
-
Tabli yon egzanp nan aprann levanjil la ak anseye l nan fason Sovè a.
-
Asire ke ansèyman y ap fè nan òganizasyon yo bati lafwa epi li kòrèk selon doktrin nan.
-
Toujou sipòte enstriktè yo nan òganizasyon yo a.
17.4
Reyinyon Konsèy Enstriktè
Nan reyinyon konsèy enstriktè yo, enstriktè yo chita an konsèy ansanm sou prensip ansèyman Kris yo. Yo bay konsèy tou sou fason pou amelyore aprantisaj ak ansèyman levanjil la. Yo itilize manyèl Anseye nan Fason Sovè a kòm yon resous.
Reyinyon konsèy enstriktè yo fèt chak trimès pandan klas 50 minit la nan jou Dimanch
