nanay nga nagatudlo sa iya bata nga lalaki

17.

Pagtudlo sang Ebanghelyo

Nagatudlo kita sang ebanghelyo para buligan ang mga tawo nga mapabakod ang ila pagtuo sa Amay nga Langitnon kag kay Jesucristo.

17.1

Mga Prinsipyo sa Pagtudlo Pareho kay Cristo

Sa pagtudlo sang ebanghelyo, ang mga ginikanan, mga titser, kag mga lider nagasunod sang ehemplo ni Jesucristo, nga amo ang Puno nga Manunudlo.

Ang mga lider nagapaambit sang masunod nga mga prinsipyo sang pagtudlo nga pareho kay Cristo sa mga titser sa ila mga organisasyon. Ini nga mga prinsipyo ginapaathag sing mas detalyado sa Pagtudlo sa Paagi sang Manluluwas.

17.1.1

Palanggaa ang Inyo mga Ginatudloan

Ang tanan nga ginahimo sang Manluluwas pagpahayag sang Iya pagpalangga (tan-awa sa 2 Nefi 26:24).

17.1.2

Magtudlo paagi sa Espiritu

Ang mga titser nagapangayo sang giya sang Espiritu samtang nagahanda sila kag nagatudlo, kag ginatinguhaan nila nga magpangabuhi nga angayan sang Iya impluwensya kada adlaw.

17.1.3

Itudlo ang Doktrina

Nga ginasunod ang ehemplo sang Manluluwas, ang mga titser nagatutok sa kinahanglanon, nagaluwas nga mga kamatuoran sang ebanghelyo. Nagatudlo sila nga nagagamit sang balaan nga mga kasulatan, sang mga pinanudlo sang mga propeta sa ulihing adlaw, kag aprubado nga mga balasahon sa kurikulum.

17.1.4

Ipatigayon ang Matutom nga Pagtuon

Ang mga titser nagapaisog sa mga miyembro nga mangin responsable para sa ila kaugalingon nga pagtuon.

17.2

Nasentro-sa-Balay nga Pagtuon kag Pagtudlo sang Ebanghelyo

Ang mga lider kag mga titser sang Simbahan nagapaisog kag nagasuporta sang nasentro sa puluy-an nga pagtuon kag pagtudlo sang ebanghelyo.

Ang mga lider kag mga titser nagahagad sa mga miyembro nga magpangayo sang ila kaugalingon nga inspirasyon kon paano tun-an kag itudlo ang ebanghelyo. Ang ila mayor nga mga balasahon amo dapat ang balaan nga mga kasulatan kag mga mensahe sa pangkabilogan nga komperensya.

17.3

Mga Responsibilidad sang mga Lider

• Magpahamtang sang halimbawa paagi sa pagtuon sang ebanghelyo kag pagtudlo sini sa paagi sang Manluluwas.

• Siguruhon nga ang pagpanudlo sa ila mga organisasyon nagapatubo sang pagtuo kag husto nga doktrina.

• Maghatag sang padayon nga suporta sa mga titser sa ila mga organisasyon.

17.4

Mga Teacher Council Meeting

Sa mga teacher council meeting, ang mga titser nagahinambalanay parte sa mga prinsipyo sang pagtudlo pareho kay Cristo. Ginahambalan man nila kon paano panamion ang pagtuon kag pagtudlo sang ebanghelyo. Ginagamit nila ang Pagtudlo sa Paagi sang Manluluwas bilang bulig.

Ang mga teacher council meeting ginahiwat kada tatlo ka bulan sa oras sang 50 ka minutos nga klase kon Domingo.