“17. Panangisuro iti Ebanghelio,” Dagiti Napili manipud iti Sapasap a Handbook (2023).
“17. Panangisuro iti Ebanghelio,” Dagiti Napili manipud iti Sapasap a Handbook
17.
Panangisuro iti Ebanghelio
Isurotayo ti ebanghelio tapno mangtulong kadagiti tao a mangpapigsa iti pammatida iti Nailangitan nga Ama ken ni Jesucristo.
17.1
Dagiti Pagbatayan ti Panangisuro a Kas ken ni Cristo
No mangisursuro iti ebanghelio, suroten dagiti nagannak, mannursuro, ken lider ti pagwadan ni Jesucristo, nga isu ti Apo a Mannursuro.
Ibinglay dagiti lider dagiti sumaganad a pagbatayan ti panangisuro kas ken Cristo kadagiti mannursuro kadagiti organisasionda. Mailawlawag dagitoy a pagbatayan a nadetdetalyado iti Panangisuro iti Wagas ti Mangisalakan.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F57%2F3d%2F573d78fb7d816b538409e8789b50bf817e76b767%2F573d78fb7d816b538409e8789b50bf817e76b767.jpg/full/!250,/0/default)
17.1.1
Ayatem dagiti Sursuruam
Amin nga aramiden ti Mangisalakan ket maysa a panangyebkas iti ayatna (kitaen iti 2 Nephi 26:24).
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F09%2Ff1%2F09f1f8c42ba0421a18df0297064bfb036034ca3f%2Fteaching_in_the_savior_s_way_collection_cover.jpeg/full/!250,/0/default)
17.1.2
Mangisuro babaen ti Espiritu
Agkalikagum dagiti mannursuro ti pannarabay ti Espiritu bayat ti panagsagana ken panangisuroda, ken ikagkagumaanda ti agbiag a maikari iti impluensiana iti inaldaw.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd7%2Fc3%2Fd7c339909c4ef5aab6e5b45085421eb7dc18649f%2Fd7c339909c4ef5aab6e5b45085421eb7dc18649f.jpg/full/!250,/0/default)
17.1.3
Isuro ti Doktrina
Iti panangsurotda iti pagwadan ti Mangisalakan, ipamaysa dagiti mannursuro dagiti napapateg, pangisalakan a kinapudno ti ebanghelio. Mangisuroda babaen ti panangusar kadagiti nasantuan a kasuratan, dagiti pannursuro dagiti propeta iti ud-udina nga aldaw, ken dagiti naanamongan a material iti kurikulum.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F4c%2Fc4%2F4cc42448edfdb78a84546d903a89826a230b940a%2F4cc42448edfdb78a84546d903a89826a230b940a.jpg/full/!250,/0/default)
17.1.4
Mangyawis iti Napasnek a Panagsursuro
Allukoyen dagiti mannursuro dagiti miembro nga agbalin a responsable iti bukodda a panagsursuro.
17.2
Panagsursuro ken Panangisuro iti Ebanghelio a Naisentro iti Pagtaengan
Paregtaen ken suportaran dagiti lider ken mannursuro ti Simbaan ti panagsursuro ken panangisuro iti ebanghelio a naisentro iti pagtaengan.
Paregtaen dagiti lider ken mannursuro dagiti miembro nga agkalikagum a maaddaan iti bukodda nga inspirasion maipapan iti no kasano nga adalen ken isuro ti ebanghelio. Nasken a kangrunaan a resources-da dagiti nasantuan a kasuratan ken mensahe ti sapasap a komperensia.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F33%2Fa7%2F33a7ba2be7e697a9f5638ea06f5bc6c0f7d24f88%2F33a7ba2be7e697a9f5638ea06f5bc6c0f7d24f88.jpeg/full/!250,/0/default)
17.3
Dagiti Pagrebbengan dagiti Lider
-
Mangipakita iti pagwadan babaen ti panagsursuro iti ebanghelio ken panangisuro iti daytoy iti wagas ti Mangisalakan.
-
Mangsigurado a ti panangisuro kadagiti organisasionda ket mangbangon iti pammati ken umisu iti doktrina.
-
Mangted iti agtultuloy a suporta kadagiti mannursuro kadagiti organisasionda.
17.4
Dagiti Miting ti Konseho ti Mannursuro
Kadagiti miting ti konseho ti mannursuro, agiinnuman dagiti mannursuro maipapan kadagiti pagbatayan ti panangisuro a kas ken ni Cristo. Agiinnumanda pay maipapan no kasano a mapasayaat ti panagsursuro ken panangisuro iti ebanghelio. Usarenda ti Panangisuro iti Wagas ti Mangisalakan kas maysa a resource.
Maangay dagiti miting ti konseho ti mannursuro iti tunggal tallo a bulan kabayatan ti 50-minuto nga oras ti klase iti Domingo.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd8%2Fa7%2Fd8a7e637c347468a9315648b77e766e2e234579b%2Fd8a7e637c347468a9315648b77e766e2e234579b.jpg/full/!250,/0/default)