“17. Ngħallmu l-Evanġelju,” Selezzjonijiet mill-Manwal Ġenerali (2023).
“17. Ngħallmu l-Evanġelju,” Selezzjonijiet mill-Manwal Ġenerali
17.
Ngħallmu l-Evanġelju
Aħna ngħallmu l-evanġelju biex ngħinu lin-nies iqawwu l-fidi tagħhom f’Missier fis-Smewwiet u f’Ġesù Kristu.
17.1
Prinċipji ta’ Tagħlim Kristjan
Meta ngħallmu l-evanġelju, il-ġenituri, għalliema, u mexxejja jimxu mal-eżempju ta’ Ġesù Kristu, li hu l-Għalliem Prim.
Il-mexxejja jaqsmu l-prinċipji ta’ tagħlim Kristjan li ġejjin mal-għalliema fl-organizzazzjonijiet tagħhom. Dawn il-prinċipji huma spjegati f’aktar dettall f’ Għallem kif Jgħallem is-Salvatur.
17.1.1
Ħobb lil Dawk li Tgħallem
Kull ħaġa li jagħmel is-Salvatur hija espressjoni tal-imħabba tiegħu (ara 2 Nefi 26:24).
17.1.2
Għallem permezz tal-Ispirtu
L-għalliema jfittxu l-gwida tal-Ispirtu hekk kif jippreparaw u jgħallmu, u jirsistu biex jgħixu b’mod denn tal-influwenza tiegħu kuljum.
17.1.3
Għallem id-Duttrina
Billi fuq l-eżempju tas-Salvatur, l-għalliema jiffukaw fuq l-veritajiet essenzjali u li jsalvaw tal-evanġelju. Huma jgħallmu billi jużaw l-iskrittura, it-tagħlim tal-profeti tal-aħħar żmien, u materjal kurrikulari approvat.
17.1.4
Stieden Tagħlim Diliġenti
L-għalliema jinkoraġixxu lill-membri biex ikunu responsabbli għat-tagħlim tagħhom.
17.2
Nitgħallmu u Ngħallmu l-Evanġelju fid-Dar
Mexxejja tal-Knisja u l-għalliema jħeġġu u jissapportjaw it-tagħlim tal-evanġelju fid-dar.
Mexxejja u għalliema jħeġġu membri biex ifittxu l-ispirazzjoni dwar kif jistudjaw u jgħallmu l-evanġelju. Ir-riżorsi ewlenin tagħhom għandhom ikunu l-iskrittura u l-messaġġi tal-konferenza ġenerali.
17.3
Responsabbiltajiet tal-Mexxejja
-
Oħloq eżempju billi titgħallem u tgħallem l-evanġelju kif jgħallem is-Salvatur.
-
Aċċerta ruħek li t-tagħlim fl-organizzazzjonijiet tagħhom jibni fidi u jkun duttrinalment korrett.
-
Agħti sapport kontinwu lill-għalliema fl-organizzazzjonijiet tagħhom.
17.4
Laqgħat tal-Kunsill tal-Għalliema
Fil-laqgħat tal-kunsill tal-għalliema, l-għalliema jagħtu pariri lil xulxin dwar prinċipji ta’ tagħlim Kristjan. Huma jagħtu wkoll pariri dwar kif se jtejbu t-tagħlim tal-evanġelju. Huma jużaw Ngħallmu kif Jgħallem is-Salvatur bħala riżorsa.
Il-laqgħat tal-kunsill tal-għalliema jsiru kull tliet xhur matul klassi ta’ 50 minuta fil-jum tal-Ħadd.
